Yesaya 13:16 - BAIBLO ALOO NGMAMI KLƆUKLƆU Ɔ

¹⁶ A maa ngɔ a bimwɔwi ngɔ fiaa si, nɛ a ma gbo; a maa ha a we mi níhi, nɛ a maa pee a yi ɔmɛ basabasa ngɛ a hɛ mi paa.”

Yesaya 13:16 ပူးပေါင်းရင်းမြစ်များ

Nahum 3:10

Se kɛ̃ ɔ, a nuu Tebes bi ɔmɛ nyɔguɛ kɛ ho ma se ya. A fiaa jokuɛwi ɔmɛ ní nɛ a gbe ngɛ ma a mi blɔ ɔmɛ a kɔ nya amɛ tsuo. A nuu a ma nimeli ɔmɛ, nɛ a wo mɛ kɔsɔkɔsɔ kɛ ho. A dla mɛ ngɔ ha nihi nɛ ba nuu mɛ ɔ.

Hosea 10:14

Enɛ ɔ he ɔ, ta ma ba tua nyɛ, nɛ nyɛ mɔ ɔmɛ tsuo a hɛ mi ma kpata kaa bɔ nɛ Matsɛ Shalman kpata Betabel hɛ mi ngɛ ta mi ɔ. Jamɛ a ligbi ɔ, a nuu nyɛmɛ kɛ a bimɛ tsuo ngɔ fiaa si nɛ a gbe mɛ.

Zakaria 14:2

Yawɛ ma bua je ma amɛ tsuo a nya kɛ ba tua Yerusalem. A maa ngɔ ma a; a maa ha ní ngɛ we ɔmɛ a mi, nɛ a maa pee yi ɔmɛ basabasa. A maa nuu ma a mi dlami enyɔ mi kake kɛ ho ma se ya; se ni nɛmɛ nɛ maa piɛ ngɛ Yerusalem ɔ, a be a hɛ mi kpatae.

Kɔmɔ Yemi 5:11

A nuu wa yi ɔmɛ ngɛ Zion; nɛ a nuu wa bimɛ yihewi ɔmɛ hu ngɛ Yuda ma amɛ a mi, nɛ a pee mɛ basabasa.

Yesaya 13:18

A kɛ a kɛ̃ɛ̃ ɔmɛ maa gbe nihewi. Bimwɔwi ngɛ a nyɛmɛ a mi mi po, a be mɛ mɔbɔ nae, nɛ jokuɛwi hu, a be a he bee.

Yesaya 14:21

Nyɛɛ hyɛ nɛ nyɛɛ gbe a bimɛ ɔmɛ; nyɛ bɔni a hɛ mi kpatami koo! Matsɛ ɔ binyumu ɔmɛ ma gbo ngɛ a nɛmɛ ɔmɛ a he yayami ɔmɛ a he. Ke pi ja a, a ma ba te si ekohu; a maa ye je ɔ nɔ, nɛ a maa po mahi ha a he.”

Yesaya 47:9

Se tlukaa, ligbi kake mi ɔ, nɔ́ enyɔ nɛ ɔmɛ maa ba o nɔ; o maa ye kunya, nɛ o maa fi kablɛ babauu, se o huno, kɛ o bimɛ tsuo maa laa mo.

Yeremia 51:22

I ngɔ mo kɛ gbe nyumuhi kɛ yihi, nikɔtɔmahi kɛ jokuɛwi, nihewi kɛ yihewi.