Yesaya 13:14 - BAIBLO ALOO NGMAMI KLƆUKLƆU Ɔ

¹⁴ “Nibwɔhi nɛ ngɛ Babilon ɔ maa ma fo kɛ ho mɛ nitsɛmɛ a zugbahi a nɔ ya; a maa gbɛ fĩa kaa odabɔhi nɛ ngɛ fo tue kɛ je de dali a blɔ mi, loo kaa tohi nɛ be hyɛlɔ.

Yesaya 13:14 ပူးပေါင်းရင်းမြစ်များ

Matsɛmɛ I, 22:17

Mikaya he nɔ ke, “I na Israel tabo ɔ tsuo nɛ a gbɛ fĩa ngɛ yoku ɔmɛ a nɔ kaa tohi nɛ be hyɛlɔ. Nɛ Yawɛ de ke, ‘Nimli nɛ ɔmɛ be tsɛ; ha nɛ a kpale kɛ ho a wehi a mi ya ngɛ tue mi jɔmi mi.’ ”

Yeremia 50:16

Nyɛɛ fie ní duli, kɛ ní kpali kɛ a dɛ mi ha kɛ je Babilon. Nibwɔhi nɛ ngɛ ma a mi ɔ, a maa ye ta nɛ ba tua mɛ ɔ gbeye, nɛ a maa je kɛ ho mɛ nitsɛmɛ a zugba nɔ ya.”

Matsɛmɛ I, 22:36

Pu si nɔmi be ɔ, a fiɛ ngɛ Israel ta a mi ke, “Nɔ tsuaa nɔ nɛ kpale kɛ ho e zugba nɔ, kɛ e ma mi ya!”

Yeremia 51:9

Nibwɔhi nɛ ngɛ Babilonia a de ke, ‘Jinɛ wa ka kaa wa maa piɛ a he, se wa ya nyɛ we. Lɔ ɔ he ɔ, nyɛ ha nɛ waa je e he; nɔ tsuaa nɔ nɛ pue e ma mi blɔ. Mawu gbla Babilonia tue wawɛɛ nitsɛ; Mawu kpata zugba a hɛ mi pɛsɛpɛsɛ.’ ”

Yesaya 47:15

Nihi tsuo nɛ o gbo a he dengme ɔ, se nɛ o ma na ngɛ a he ji nɛ ɔ nɛ; nihi nɛ kɛ mo ye jua kɛ je o jokuɛwi a si ɔ, mɛ tsuo a maa ngmɛɛ o he; nɔ tsuaa nɔ ma wo lɛ nitsɛ e blɔ, nɛ nɔ ko nɔ ko be piɛe nɛ ma he o yi wami.”

Yesaya 17:13

Je ma amɛ hia kɛ ma kaa wo oslɔke; se Mawu ku a nya la, nɛ a kpale a se kɛ yaa kaa bunyuku nɛ ngɛ tee puu ngɛ yoku he, loo kaa dwɔmi nɛ ahumi ngɔ kɛ yaa.

Mateo 9:36

Benɛ e na ma kpekpemi ɔ, e mi mi sã lɛ ngɛ ni ɔmɛ a he, ejakaa pɔ tɔ mɛ, nɛ a dɛ yaa kaa tohi nɛ be hyɛlɔ.

Marko 6:34

Benɛ Yesu kple ɔ, e na nimli babauu nitsɛ, nɛ e mi mi sã lɛ ngɛ a he, ejakaa a ngɛ kaa tohi nɛ be hyɛlɔ. Kɛkɛ nɛ e bɔni mɛ níhi fuu tsɔɔmi.

1 Petro 2:25

Jinɛ nyɛ laa blɔ kaa tohi. Se amlɔ nɛ ɔ, nyɛ kpale kɛ ba nyɛ hyɛlɔ, kɛ nyɛ he bulɔ ɔ ngɔ.

Yesaya 21:15

Ta kɛ e mi amanehlu babauu nya ni ɔmɛ tu fo kɛ je ɔ nɛ; a hia klaate kɛ wo a he, nɛ a dɔ kɛ̃ɛ̃ mi kɛ nyɛɛ a se kɛ fo.

Yeremia 25:12

Jeha nyingmi kpaago ɔ se ɔ, ma gbla Babilonia matsɛ ɔ, kɛ ma a tue ngɛ a ní yayami ɔmɛ a he. Ma kpata Babilonia zugba a hɛ mi pɛsɛpɛsɛ kɛ ya neneene.

Nahum 3:18

Asiria matsɛ, o we amlaalo ɔmɛ gbo, nɛ o ma nimeli ɔmɛ hwɔ mahe kɛ yaa neneene! O we bi ɔmɛ gbɛ fĩa yo ɔmɛ a nɔ, nɛ nɔ ko be nɛ maa ngɔ mɛ kɛ ba we ekohu.