Yesaya 13:12 - BAIBLO ALOO NGMAMI KLƆUKLƆU Ɔ

¹² Nihi nɛ a yi ma na wami ɔ, a he be hiɛe kulaa; nimli adesahi a he maa hia pe sika tsu ngmingmiingmi.

Yesaya 13:12 ပူးပေါင်းရင်းမြစ်များ

Yesaya 4:1

Jamɛ a be ɔ, yihi kpaago ma ya nu nyumu kake nɛ a ma de lɛ ke, “Wa kpa mo pɛɛ, wɔ nitsɛmɛ wa maa lɛ wa he, nɛ wɔ nitsɛmɛ wa maa bɔ wa heha ní he mɔde, se ngmɛɛ wɔ blɔ nɛ wa tsɛ mo ke wa huno kɛkɛ, konɛ a ko ba bɔ wɔ ahlua hu.”

Yesaya 24:6

Lɔ ɔ he ɔ, Mawu gbiɛ zugba a. Ni ɔmɛ ngɛ nɔ́ nae ngɛ yayami nɛ a pee ɔ he. Nihi babauu a hɛ mi kpata; nihi bɔɔ pɛ lɛ piɛ.

La 137:9

A gbaa nɔ nɛ maa ngɔ o bimɛ tsɔwitsɔwi ɔmɛ kɛ fiaa tɛ sa.

Hiob 28:16

E he jua a, sika tsu, loo juetli kpakpa po sui nya.

Matsɛmɛ I, 9:28

A hlui lɛ kɛ ya Ofir zugba a nɔ, nɛ a ya ngɔ sika tsu kilo akpe nyɔngma kɛ eywiɛ ngɛ lejɛ ɔ kɛ ba ha Matsɛ Salomo.

La 45:9

O yi kpakpa amɛ ɔ, matsɛmɛ a bimɛ ngɛ mi; manyɛ ɔ dla e he kɛ sika tsu kpakpa kɛ daa si ngɛ o hiɔ nine nɔ.

Yesaya 6:11

I bi ke, “Nyɔmtsɛ, nɔ́ nɛ ɔ maa ya nɔ kɛ yaa si mɛni be?” E he nɔ ke, “Kɛ yaa su be nɛ ma amɛ a hɛ mi ma kpata, nɛ a maa pee ma dokuhi nɛ a be nɔ ko nɔ ko nae ngɛ we ɔmɛ a mi, nɛ zugba a nitsɛ hu nɔ maa je gu.

Yesaya 6:12

Ma ha a maa je zugba a nɔ kɛ ya tsitsaa he ko, nɛ zugba a tsuo nɔ maa je gu.

Kronika I, 1:23

Ofir bi, Havila bi, kɛ Yobab bi.

Yesaya 10:19

Tsohi bɔɔ pɛ maa piɛ ngɛ hue ɔ mi, nɛ jokuɛ nɛ wɛ po ma nyɛ maa kane mɛ.