Yesaya 12:6 - BAIBLO ALOO NGMAMI KLƆUKLƆU Ɔ

⁶ Nyɛ nihi tsuo nɛ nyɛ ngɛ Zion, nyɛ hwɔ lele nɛ nyɛ la kɛ bua jɔmi. Ejakaa Mawu kle, Mawu klɔuklɔu ji Israel Mawu ɔ nɛ kɛ nyɛ ngɛ ɔ nɛ.”

Yesaya 12:6 ပူးပေါင်းရင်းမြစ်များ

Zakaria 2:5

Yawɛ wo si kaa lɛ nitsɛ e maa pee gbogbo nɛ ngɛ kaa la nɛ ngɛ tsoe kɛ bɔle ma a; e maa bu ma a he, nɛ e hɛ mi nyami ɔ maa bɔle ma a.”

La 9:11

Nyɛ la kɛ je Yawɛ yi; Yawɛ nɛ ngɛ Zion ɔ, nyɛ je e yi. Nyɛɛ sɛɛ níhi nɛ e pee ɔ kɛ ha je ma amɛ tsuo.

Yesaya 41:14

Yawɛ ke, “Yakob, o ngɛ kaa gɔgɔ kɛkɛ; o Israel, ma nɛ o he wɛ, koo ye gbeye; ma piɛ o he. Imi, Israel Mawu klɔuklɔu ɔ, imi ji o yi wami helɔ.

Ezekiel 48:35

Gbogbo nɛ maa bɔle ma a kɛ kpe ɔ tsuo, ke a susu ɔ, é pee gugue akpe eywiɛ kɛ e nya lafa enuɔ. Kɛ je jamɛ a ligbi ɔ, biɛ nɛ a kɛ ma tsɛ ma a ji, “Yawɛ ngɛ hiɛmɛ nɛ ɔ!”

Yesaya 54:1

Yerusalem, jinɛ o ngɛ kaa yosa, se jehanɛ lɛɛ o ma nyɛ ma la nɛ o ma hwɔ lele. Jehanɛ lɛɛ o ma fɔ bimɛ babauu pe yo nɛ e kɛ e huno ngɛ tsu nya daa!

Yesaya 41:16

O maa fɔ̃ mɛ kɛ ya kɔɔhiɔ mi; nɛ kɔɔhiɔ maa muɔ mɛ kɛ ho. Ahumi maa gbɛ mɛ kɛ fĩa; se moo lɛɛ, o bua maa jɔ saminya; ejakaa imi ji o Mawu ɔ nɛ. O ma je imi! Israel Mawu Klɔuklɔu ɔ, ye yi.

Yesaya 40:9

Zion, mo manye munyu fiɛlɔ! Kuɔɔ kɛ ya yo gagaa ko nɔ, nɛ o ya fiɛ manye munyu ɔ kɛ he wami. Yerusalem, mo manye munyu fiɛlɔ, wo o gbi nɔ wawɛɛ, nɛ o fiɛ; koo ye gbeye! De Yuda ma amɛ ke, “Ne nyɛ Mawu ɔ!”

La 71:22

Mawu, imi hu ma fia kpa saku kɛ je o yi ngɛ anɔkuale nɛ o yeɔ daa a he. Ma la kɛ to saku ɔ he kɛ je o yi, kɛ je mo, Israel Nɔ Klɔuklɔu ɔ o yi.

Zefania 2:5

Nyɛ Filisti bi nɛ nyɛ ngɛ wo nya, kɛ nyɛ ni nɛmɛ nɛ nyɛ ngɛ Kanaan zugba a nɔ, musu tloo nyɛ! Yawɛ bu nyɛ hu fɔ. Yawɛ ma kpata nyɛ hɛ mi, nɛ nyɛ ti nɔ kake ngmelu po he be mi jee.

Ezekiel 43:7

“Nɔmlɔ adesa, ye matsɛ sɛ maa si ngɛ hiɛmɛ nɛ ɔ; ma hi Israel bi ɔmɛ a kpɛti ngɛ hiɛmɛ nɛ ɔ kɛ maa ya neneene. Kɛkɛ ɔ, Israel ma a jio, a matsɛmɛ ɔmɛ jio, a be ye hɛ mi si puee hu; a be mawu kpahi jae, nɛ a be a matsɛmɛ ɔmɛ a gbogboe ɔmɛ pue ngɛ hiɛmɛ nɛ ɔ hu.

Yesaya 49:26

Ma ha nihi nɛ ngɛ mo haoe ɔ maa ye mɛ nitsɛmɛ a he lo awi; mɛ nitsɛmɛ a muɔ maa de mɛ kaa wai. Kɛkɛ ɔ, nimli adesahi tsuo maa le kaa imi ji Yawɛ. Imi ji nɔ nɛ heɔ o yi wami, nɛ haa nɛ o yeɔ o he. A ma na le kaa imi ji Israel Mawu kpetekpleenyɛ ɔ nɛ.”

Yesaya 33:24

Nihi nɛ ngɛ zugba a nɔ ɔ, a ti nɔ ko nɔ ko be dee hu ke, “I be he wami.” A maa ngɔ ma a tsuo a he yayami kɛ pa mɛ.

Yesaya 30:19

Nyɛ Yerusalem bi, nyɛ be ya foe hu! Yawɛ ɔ, mɔbɔ nalɔ ji lɛ; ke nyɛ fa kue ha lɛ ɔ, e ma he nɔ.

Yesaya 24:23

Nyɔhiɔ maa wo diblii, nɛ pu be tsoe hu, ejakaa Yawɛ Tabohiatsɛ ɔ maa ye matsɛ. E maa ye matsɛ ngɛ Yerusalem ngɛ Zion yo ɔ nɔ, nɛ ma nimeli ɔmɛ maa na e hɛ mi nyami ɔ.

Yesaya 10:24

Lɔ ɔ he ɔ, bɔ nɛ Nyɔmtsɛ Yawɛ Tabohiatsɛ ɔ ngɛ e ma nɛ ngɛ Zion ɔ dee ji nɛ ɔ nɛ: “Nyɛ ko ye Asiria bi ɔmɛ gbeye; ke kaa a ngɛ nyɛ yi mi wae kaa bɔ nɛ Egipt bi ɔmɛ pee be ko ɔ po, nyɛ ko ye mɛ gbeye.

Yesaya 8:18

Nyɛ nɛ mi, kɛ ye bimɛ ɔmɛ nɛ Yawɛ ke mi ɔ. Yawɛ Tabohiatsɛ ɔ nɛ e matsɛ sɛ ngɛ Zion yo ɔ nɔ ɔ tsɔ wɔ ke waa ngɔ sɛ gbi nɛ ɔmɛ kɛ ba ha Israel ma a.

La 132:14

E de ke, “Hiɛmɛ nɛ ɔ ma hi kɛ maa ya neneene; hiɛmɛ nɛ ɔ ma jɔɔ ye he ngɛ; ejakaa i suɔ hiɛmɛ nɛ ɔ.

La 89:18

Yawɛ, mo lɛ o hla wa he falɔ ɔ kɛ ha wɔ; mo, Israel Mawu klɔuklɔu ɔ, mo lɛ o ha wɔ wa matsɛ.

La 68:16

Yo nɛ Mawu hla ha e he ɔ, mɛni he je nyɛ yo gojogojoohi nyɛ hɛ ngɛ e nɔ kɔ̃e? Ee, lejɛ ɔ Yawɛ maa hi kɛ maa ya neneene!

La 46:5

Mawu ngɛ jamɛ a ma a mi, lɔ ɔ he ɔ, ma a hɛ mi be kpatae kɔkɔɔkɔ. Loko haomi maa ba a nɔ ɔ, Mawu je ngmlaa ha mɛ momo.

La 99:2

Yawɛ he biɛ ngɛ Zion wawɛɛ nitsɛ; e kle pe je ma amɛ tsuo.

Yesaya 1:24

Lɔ ɔ he ɔ, ta tue ha nɔ́ nɛ Yawɛ Tabohiatsɛ, Israel Mawu, hewamitsɛ ɔ ngɛ dee ɔ: “Ma ye ye he lue ngɛ nyɛ he nyɛli ɔmɛ a nɔ, konɛ nyɛ ko ba gba ye nya hu.

Yesaya 24:14

Nihi nɛ a yi na wami ɔ ma la kɛ bua jɔmi. Nihi nɛ ngɛ bonyoku je ɔ ma de ke Yawɛ kle,

Yesaya 60:16

Je mahi, kɛ matsɛmɛ maa lɛ mo kaa bɔ nɛ binyɛ haa e bi nyɔ ɔ. O maa le jehanɛ kaa imi Yawɛ nɛ i ha o yi na wami. O maa le kaa imi, Israel Mawu kpetekpleenyɛ ɔ nɛ i ha o ye o he.

Yeremia 10:6

Yawɛ, nɔ ko nɔ ko be nɛ kɛ mo sɔ; O je agbo, nɛ o biɛ hu kle nɛ e je agbo ja nɔuu.

Ezekiel 35:10

“O de ke e ngɛ mi kaa imi Nyɔmtsɛ Yawɛ, ye mahi ji Yuda, Israel, kɛ a he zugba amɛ lɛɛ, se o níhi ji mɛ tsuo, nɛ o maa ngɔ.

Ezekiel 39:7

Ma ha ye ma Israel maa le ye biɛ klɔuklɔu ɔ; nɛ i be hae nɛ a ble ye biɛ nɛ he tsɔ ɔ hu. Kɛkɛ ɔ, je ma amɛ tsuo maa le kaa imi Yawɛ ji Israel Mawu Klɔuklɔu ɔ nɛ.”

Ezekiel 48:8

Zugba nɛ tsa Yuda nɔ ɔ nɔ ɔ, á si kɛ fɔ si ha ní tsumi pɔtɛɛ ko. E blimi nɛ pee si tomi kpaanyɔ kɛ fa kɛ je omleyi je kɛ yaa si leneyi je. E kami nɛ pee kaa wɛtso kake zugba kami pɛpɛɛpɛ kɛ je beleku je kɛ ya si bonyoku je.

Hosea 11:9

I be nyɛ tue gblae ngɛ ye mi mi fumi ɔ nya. I be Israel hɛ mi kpatae hu. Ejakaa Mawu ji mi, pi nɔmlɔ adesa ji mi. Imi Nɔ Klɔuklɔu ɔ, i kɛ nyɛ ngɛ. I be nyɛ ngɔ bae kɛ abofu.”

Mose IV, 23:21

Mawu nɛ́ Yakob he yayami ko; Mawu nɛ́ Israel he hiami ko. Yawɛ, a Mawu ɔ kɛ mɛ ngɛ; Yawɛ ji a matsɛ.

Mose V, 23:15

“Ke nyɔguɛ ko kú kɛ je e nyɔmtsɛ ngɔ, nɛ e ba po mo ɔ, koo kpale lɛ kɛ ya ha e nyɔmtsɛ ɔ.

La 135:21

Nyɛ je Yawɛ yi ngɛ Zion; nyɛ je e yi ngɛ e we ɔ mi ngɛ Yerusalem. Nyɛ je Yawɛ yi!

Yesaya 33:21

Yawɛ ma je e hɛ mi nyami ɔ kpo kɛ tsɔɔ wɔ ngɛ lejɛ ɔ. Pa nguahi, kɛ pa wawihi a tue wa maa hi; se wa he nyɛli ɔmɛ a lɛ wawihi nɛ a hluiɔ kɛ akɔfa be nyɛe maa ba lejɛ ɔ, lɛ nguahi hu ja nɔuu.

Yoel 2:27

Israel ma, jamɛ a be ɔ mi loko nyɛ maa le kaa i kɛ nyɛ ngɛ. Imi ji Yawɛ, nyɛ Mawu ɔ nɛ; ye se ɔ, mawu kpa ko be hu. A be ye ma a ahlua bɔe ligbi ko ligbi ko hu.

Zakaria 2:9

“Yawɛ nitsɛ kɛ nyɛ maa to ní, nɛ nyɛ ni tsɛmɛ nyɛ nyɔguɛ ɔmɛ maa ha nyɛ ní.” Ke nɔ nɛ ɔ ba mi pɛ nɔ tsuaa nɔ maa le kaa Yawɛ Tabohiatsɛ ɔ lɛ tsɔ mi.