Yesaya 12:3 - BAIBLO ALOO NGMAMI KLƆUKLƆU Ɔ

³ Ke Mawu he e ma a yi wami ɔ, a bua maa jɔ kaa bɔ nɛ ke nɔ nu nyu mua nɛ e tsui he jɔɔ ɔ.”

Yesaya 12:3 ပူးပေါင်းရင်းမြစ်များ

Kpojemi 22:17

Mumi ɔ, kɛ ayɛflo ɔ ke, “Ba!” Nɔ tsuaa nɔ nɛ maa nu enɛ ɔ, lɛ hu e de ke, “Ba!” Nɔ tsuaa nɔ nɛ kuma ngɛ lɛ yee ɔ, e ba; nɔ tsuaa nɔ nɛ suɔ ɔ, e ba ngɔ nyu nɛ haa nɔ wami ɔ kaa nike ní.

Kpojemi 22:1

Jehanɛ ɔ, bɔfo ɔ tsɔɔ mi pa kɛ e mi nyu nɛ haa nɔ wami ɔ; e mi tsɔ keikei kaa ahuhuɛ. Pa a hia kɛ je Mawu, kɛ To bi ɔ matsɛ sɛ ɔ he

Kpojemi 7:17

ejakaa To bi ɔ nɛ ngɛ matsɛ sɛ ɔ kpɛti ɔ maa lɛ mɛ; nɛ e ma tsɔ̃ mɛ kɛ maa ya nyu vuhi nɛ haa nɔ wami a he. Nɛ Mawu ma tsu a hɛ mi vo nyu tsuo.”

Yeremia 2:13

Ejakaa yayami enyɔ lɛ ye ma a pee: imi, wami nyu vu ɔ, a kua mi, nɛ a ya kpɛ́ tɛ muɔhi ngɔ ha a he; pohu tɛ muɔ nɛ ɔmɛ ywia, nɛ nyu be a mi dae.

Yesaya 49:10

Hwɔ be mɛ yee, nɛ kuma be mɛ yee gblegbleegble. Pu la, kɛ nga kplanaa nɔ kɔɔhiɔ nɛ mi dɔ la be mɛ awi yee; ejakaa nɔ nɛ suɔ mɛ ɔ maa piɛ a he. E maa tsɔɔ mɛ blɔ kɛ ya nyu hɛngmɛhi a he.

Yohane 1:16

E mi mi hi kɛ be nɔ, lɔ ɔ he ɔ, e ha wa ti nɔ tsuaa nɔ dloomi nɔtonɔto.

La 36:9

O mi lɛ wami tsuo jeɔ kɛ baa. O la a lɛ haa wɔ la.

Lahi 2:3

Ke a ngɔ ye suɔlɔ ɔ ngɔ to nyumu kpa amɛ a he ɔ, e ngɛ kaa tso nɛ yiblii ngɔɔ saminya ngɛ pú mi tsohi a kpɛti. I suɔ nɛ ma hi e hɔ̃ ɔ mi; e yiblii ɔ ngɔɔ ye nya.

Samuel I, 2:1

Hana sɔle nɛ e de ke, “Yawɛ ha ye tsui mi hyi kɛ bua jɔmi; hyɛ bɔ nɛ ye bua jɔ ha ngɛ nɔ́ nɛ e pee ɔ he! I muɔ ye he nyɛli ɔmɛ; ye bua jɔ ye he, ejakaa Mawu ye bua mi!

Yesaya 41:18

Ma ha pahi maa hia ngɛ yo kpataa amɛ a nɔ, nɛ nyu maa fo dɔ ngɛ kɔ̃ ɔmɛ a mi. Ma ha nga kplanaa a nɔ ma plɛ pee taku, nɛ nyu maa ba babaaba ngɛ zugba gbigbli ɔ nɔ.

Ezekiel 47:9

He tsuaa he nɛ pa nɛ ɔ maa be ngɛ ɔ, lohwe nane eywiɛɛywiɛtsɛmɛ slɔɔtoslɔɔtohi maa bɔ ngɛ lejɛ ɔ, nɛ a ma na pa mi lo babauu. Ke e ya sɛ Ngo wo ɔ mi ɔ, Ngo wo ɔ ma plɛ pee nyu mua, nɛ wami he maa ba he tsuaa he nɛ pa nɛ ɔ maa be ngɛ ɔ.

La 87:7

A maa do, nɛ a ma la ke, “Zion lɛ wa gbaami ɔmɛ tsuo jeɔ.”

Zakaria 13:1

Yawɛ Tabohiatsɛ ɔ ya nɔ nɛ e de ke, “Ke jamɛ a be ɔ su ɔ, a ma bli nyu vu ko nya, nɛ a maa ngɔ e mi nyu ɔ kɛ tsu David nina, kɛ Yerusalem bi ɔmɛ a he kɛ jé a he yayami ɔ, kɛ a he mu ɔ.