Yesaya 12:1 - BAIBLO ALOO NGMAMI KLƆUKLƆU Ɔ

¹ Jamɛ a ligbi ɔ, nyɛ ma la ke, “Yawɛ i ngɛ o yi jee! Be ko ɔ, o mi mi fu mi, se jehanɛ lɛɛ mo nitsɛ o ngɛ mi bua woe, ejakaa o mi mi fumi ɔ se po.

Yesaya 12:1 ပူးပေါင်းရင်းမြစ်များ

La 30:5

E mi mi fuɔ be kuku kɛkɛ; se e mɔbɔ nami lɛɛ e ngɛ daa. O maa wo ya nyɔ mi, se ke je na pɛ bua jɔmi ba.

Yesaya 25:1

Yawɛ, mo ji ye Mawu; ma wo o hɛ mi nyami, nɛ ma je o biɛ ɔ yi; ejakaa o tsu nyakpɛ níhi. O yi mi tomi ɔmɛ nɛ o to blema lokoo ɔ, o ye a nɔ pɛpɛɛpɛ.

Yesaya 54:8

Ye mi mi fu mo wawɛɛ. Kɛkɛ nɛ i je hɛ ngɛ o he be kuku, se jehanɛ lɛɛ ma je ye suɔmi kpo kɛ tsɔɔ mo kɛ maa ya neneene.” Imi Yawɛ yi wami helɔ ɔ, nɛ i de.

Zakaria 14:9

Nɛ Yawɛ maa ye tsɛ ngɛ je ɔ mi he tsuaa he. Nɔ tsuaa nɔ ma ja Mawu kake too ɔ, nɛ e biɛ pɛ a ma tsɛ.

Hosea 6:1

Ma a ma de ke, “Nyɛ ha nɛ waa kpale kɛ ba Yawɛ ngɔ! E tsɔtslɔɔ wa mi, se e ma tsa wɔ kɛ̃. E plaa wɔ, se lɛ nɔuu lɛ e maa fi pa amɛ a nɔ ha wɔ!

Yesaya 51:3

“Ma jɔɔ Yerusalem bua; nihi tsuo nɛ ngɛ Yerusalem we doku ɔmɛ a mi ɔ, ma jɔɔ a bua. E zugba a pee nga kplanaa lɛɛ, se ma ha e ma plɛ pee ngmɔ kaa ngmɔ ɔ nɛ i pee ngɛ Eden ɔ. Ma a mi bi ɔmɛ a bua maa jɔ saminya, a ma nya nɛ a ma la yi jemi, kɛ sina lahi.

Yesaya 35:10

A maa kpale kɛ ba Yerusalem; a ma la nɛ a ma hwɔ lele. A be kɔmɔ kɛ aywilɛho yee gblegbleegble hu. A bua maa jɔ kɛ maa ya neneene.

Yesaya 14:3

Be ma nɛ aywilɛho, haomi, kɛ ní tsumi kpakpataa nɛ a nyɛ o nɔ nɛ o tsu ɔ, Yawɛ ma ha lɛ tsuo se maa po.

Yesaya 49:13

Nyɛ hiɔwe níhi, nyɛ la kɛ bua jɔmi! Zugba, hwɔ lele! Nyɛ yo ɔmɛ hu nyɛ la! Yawɛ maa jɔɔ e ma a bua; nihi nɛ ngɛ nɔ́ nae ɔ, e maa na mɛ mɔbɔ.

Yesaya 25:9

Ke e ba mi ja a, nɔ tsuaa nɔ ma de ke, “Wa Mawu ji nɛ ɔ nɛ! Wa ngɔ wa hɛ ngɔ fɔ e nɔ, nɛ e kpɔ wɔ. Lɛ ji Yawɛ. Akɛnɛ wa ngɔ wa hɛ ngɔ fɔ e nɔ nɛ́ e he wa yi wami he je ɔ, wa bua jɔ wa he, nɛ wa ngɛ nyae.”

Romabi 11:15

Ejakaa ke Mawu kua Yuda bi ɔmɛ, nɛ lɔ ɔ he a dla Mawu kɛ je ɔ a kpɛti ɔ, lɛɛ ke e kpale he mɛ ekohu ɔ, kɛ níhi maa hi kɛɛ? E maa pee kaa nɔ nɛ gbo, nɛ a kpale tle lɛ si kɛ ba wami mi ekohu.

Zakaria 14:20

Jamɛ a be ɔ, a maa ngma ngɛ okpɔngɔ kuɛ ngmlɛ ɔmɛ a nɔ ke, “Klɔuklɔu kɛ ha Yawɛ.” Buɛhi nɛ ngɛ Mawu we ɔ maa pee klɔuklɔu kaa kãhi nɛ ngɛ bɔ sami la tɛ ɔ hɛ mi ɔ nɔuu.

Hosea 11:8

“Israel ma, kɛ maa pee kɛɛ nɛ ma ngmɛɛ nyɛ he? Kɛ maa pee kɛɛ nɛ ma kua nyɛ? Kɛ maa pee kɛɛ nɛ ma kpata nyɛ hɛ mi kaa bɔ nɛ i pee Adma a? Kɛ maa pee kɛɛ nɛ ma wa nyɛ yi mi kaa bɔ nɛ i pee Zeboyim ɔ? Ye tsui be mi blɔ ngmɛe kaa ma pee jã! Suɔmi nɛ i ngɛ kɛ ha nyɛ ɔ nya wa tsɔ!

Yesaya 66:13

Bɔ nɛ binyɛ haa e bi naa bua jɔmi ɔ, jã ma ha nyɛ bua maa jɔ nyɛ he ngɛ Yerusalem.

Yesaya 26:1

Be ma nɛ ma a ma la la nɛ ɔ ngɛ Yuda zugba a nɔ: Wa ngɛ ma nɛ he wa! Mawu nitsɛ lɛ buu ma a gbogbo ɔmɛ a he!

Yesaya 11:16

Gbɛjegbɛ ko maa je Asiria kɛ ha Israel ma a mi bi nɛ a ngɛ je mi kɛ mwɔɔ ɔ, konɛ a nyɛɛ nɔ kaa bɔ nɛ a nɛmɛ ɔmɛ nyɛɛ zugba gbigbli nɔ, benɛ a je Egipt zugba a nɔ kɛ ma a.

Yesaya 10:25

Ma gbla nyɛ tue be bɔɔ ko kɛkɛ, nɛ lɔ ɔ se ɔ, ma kpata a hɛ mi.

Yesaya 2:11

Be ma nɛ nɔmlɔ adesa he tsɔɔmi, kɛ e he nɔ womi tsuo a se maa po. Kɛkɛ ɔ, a ma wo Yawɛ pɛ nɔ gojoo.

Yesaya 10:4

Nɔ́ nɛ maa ba nyɛ nɔ ji, nyɛ maa nɔ ngɛ ta mi, aloo a maa nuu nyɛ kɛ ho kaa pamitsɛmɛ. Enɛ ɔ tsuo se ɔ, Yawɛ mi mi fumi ɔ se be poe kɛ yaa si e ma kpata a hɛ mi pɛsɛpɛsɛ.

Hiob 13:16

Enɛ ɔ nɔuu ma he ye yi wami, ejakaa yayami peelɔ ko be nyɛe maa ba Mawu hɛ mi.

La 9:1

Yawɛ, ma na mo si kɛ ye tsui tsuo; ma sɛɛ nyakpɛ níhi nɛ o pee ɔ.

La 71:21

O maa wo ye hɛ mi nyami babauu, nɛ o ma ha ye bua maa jɔ ekohu.

Yesaya 54:7

“Be kpiti ko kɛkɛ nɛ i je o he, se ye mi mi ngɛ mi sããe wawɛɛ ngɛ o he; lɔ ɔ he ɔ, ma ngɔ mo kɛ ba ye ngɔ ekohu.

Yesaya 54:9

“Noa be ɔ mi ɔ, i wo si ko; i de ke i be hae nɛ nyu babauu ma ba ha zugba a nɔ hu. Amlɔ nɛ ɔ, i ngɛ mo si woe kaa ye mi mi be mo fue hu gblegbleegble.

Yesaya 61:10

Yerusalem ngɛ nyae ngɛ nɔ́ nɛ Yawɛ Mawu pee ha lɛ ɔ he. Yerusalem pee kaa ayɛflo nɛ wo june, loo ayɛflo huno nɛ ngɔ mɔmɔ kɛ dla e he kɛ yaa yo kpeemi. Niinɛ, Mawu he Yerusalem yi wami, nɛ e ye kunimi ha lɛ.

Yesaya 64:5

Nihi nɛ kɛ bua jɔmi peeɔ o suɔmi nya ní, nɛ blɔ nɛ o to ha mɛ ɔ, a ji nɔ ɔ, mo hu o naa a he bua jɔmi. Wa pee yayami, nɛ o mi mi fu wɔ. Kɛ je blema lokoo ɔ, yayami sɔuu wa ngɛ pee. Anɛ hɛ kɛ nɔ fɔmi ko pa ngɛ ha wɔ kaa a ma he wa yi wami lo?

Yesaya 65:18

Nyɛ nya, nɛ nyɛ bua nɛ jɔ kɛ ya neneene ngɛ níhi nɛ i ngɛ bɔe ɔ a he. Ejakaa i ngɛ Yerusalem he bɔe kaa he ko nɛ bua jɔmi sɔuu lɛ a naa ngɛ lejɛ ɔ, nɛ́ ma a mi bi ɔmɛ hu a bua jɔɔ saminya.

Yeremia 30:19

Ni nɛmɛ nɛ ngɛ lejɛ ɔ ma la yi jemi la, nɛ a ma hwɔ lele. Ma gbaa mɛ; a maa hiɛ babauu, nɛ ma wo a hɛ mi nyami.

Zakaria 8:11

Se amlɔ nɛ ɔ lɛɛ nihi nɛ piɛ ngɛ ma a mi ɔ, i kɛ mɛ be ní toe hu kaa sa a. Yawɛ Tabohiatsɛ ɔ lɛ de.

Zakaria 8:19

“Nyɔhiɔ eywiɛne, enuɔne, kpaagone, kɛ nyɔngmane ɔ nɛ nyɛ haa hwɔ ngɛ a mi ɔ, a ma ba pee bua jɔmi, ní yemi kɛ nyami be ha Yuda ma a. Enɛ ɔ he ɔ, nyɛɛ suɔ anɔkuale, kɛ tue mi jɔmi.”

Nehemia 8:10

Mohu nyɛɛ ya nyɛ we ɔmɛ a mi, nɛ nyɛ ya ye ní kpakpa, nɛ nyɛɛ nu wai ngɔngɔɛ. Nyɛ nyɛmimɛ ɔmɛ nɛ a be eko ɔ, nyɛ ha mɛ eko. Mwɔnɛ ligbi nɛ ɔ ji ligbi klɔuklɔu ha Yawɛ nyɛ Mawu ɔ, lɔ ɔ he ɔ, nyɛ ko pee mɔbɔmɔbɔ. Bua jɔmi nɛ Yawɛ ngɛ nyɛ hae ɔ ma ha nɛ nyɛ ma na he wami.”

Hiob 11:16

Kɛkɛ ɔ, o haomi ɔmɛ tsuo a se maa po kaa pa nɛ hia kɛ ba be be ko; nɛ o be mɛ kaie hu.

La 85:4

Mawu, wa yi wami helɔ, kpale wɔ kɛ ba o ngɔ ekohu. O mi mi ko fu wɔ hu!

La 86:17

Yawɛ, tsɔɔ mi o mɔbɔ nami ɔ he okadi ko, konɛ ye he nyɛli ɔmɛ nɛ a na, nɛ zo nɛ gbe mɛ kaa o piɛ ye he, nɛ o jɔɔ ye bua.

Yesaya 60:10

Yawɛ ngɛ Yerusalem dee ke, “Nibwɔhi ma ba fia o ma a gbogbo ɔmɛ kɛ ma si ekohu, nɛ a matsɛmɛ ɔmɛ ma sɔmɔ mo. O wo ye mi mi la, nɛ lɔ ɔ he ɔ, i gbla o tue; se jehanɛ lɛɛ, ma je ye suɔmi kpo ha mo, nɛ ma na mo mɔbɔ.

Yeremia 31:13

Jamɛ a be ɔ, yihewi ɔmɛ maa do kɛ bua jɔmi, nɛ nihewi ɔmɛ kɛ nimowi ɔmɛ tsuo ma nya. Ma jɔɔ a bua; ma ha nɛ a kɔmɔ yemi ɔ maa plɛ pee bua jɔmi, nɛ a we aywilɛho ɔ ma plɛ pee nyami.

Zakaria 1:16

Lɔ ɔ he ɔ, i kpale kɛ ba Yerusalem, konɛ ma ba na ma a mɔbɔ. A maa ma ye sɔlemi we ɔ ekohu, nɛ a ma dla maa fia Yerusalem ma a hulɔ.”