Yesaya 11:6 - BAIBLO ALOO NGMAMI KLƆUKLƆU Ɔ

⁶ Ogbetee kɛ jijɔ maa hi si ngɛ he kake, nɛ ngatsɛ kɛ apletsi bɔbɔyoo maa bu si ngɛ he kake. Na bi kɛ jata bi ma bla kɛ ye ní, nɛ jokuɛ wayoo pɛ maa hyɛ a nɔ.

Yesaya 11:6 ပူးပေါင်းရင်းမြစ်များ

Yesaya 65:25

Ogbetee kɛ jijɔ ma bla kɛ ye ní; jata ma kpe nga kaa na; nɛ sinɔ lɛɛ zu e maa ye. Nɔ ko be e nyɛmi awi yee, nɛ nɔ ko be e nyɛmi hɛ mi kpatae ngɛ ye yo klɔuklɔu ɔ nɔ. Imi, Yawɛ lɛ i de.”

Hosea 2:18

Jamɛ a be ɔ, i kɛ nga mi lohwe awi yeli, kɛ lohwe pɛlitsɛmɛ tsuo maa so, nɛ a be ye ma a awi yee hu. Ma ha klaate, kɛ̃ɛ̃, kɛ ta hwumi ní kpahi tsuo a se maa po ngɛ zugba a nɔ, nɛ ye ma a maa hi si ngɛ tue mi jɔmi, kɛ he jɔmi mi.

Ezekiel 34:25

I kɛ mɛ maa so tue mi jɔmi somi. Ma fie lohwe awi yeli tsuo kɛ je zugba a nɔ, konɛ a hi si ngɛ nga a nɔ ngɛ tue mi jɔmi mi, nɛ a hwɔ mahe fuaa.

Romabi 14:17

Ejakaa Mawu matsɛ yemi ɔ, pi nɔ́ nɛ a maa ye, loo nɔ́ nɛ a maa nu; se mohu kaa a pee nɔ́ nɛ da, nɛ a hi si ngɛ he jɔmi mi, nɛ a na bua jɔmi. Mumi Klɔuklɔu ɔ lɛ haa ní nɛ ɔmɛ tsuo.

Hiob 5:23

Ejakaa ngmɔhi nɛ o ma hu ɔ, tɛ be a nɔ hie; pu mi lohwehi hu be mo haoe.

Yesaya 2:4

Yawɛ maa hyɛ je ma amɛ a kpɛti sanehi a mi ha mɛ. E ma dla nihi babauu a kpɛti. A kɛ a ta hwumi klaate ɔmɛ maa sɔ kpakplaahi, nɛ a kɛ a we akplɔ ɔmɛ maa pee tso he suami hahi. Je ma ko je ma ko be ta hwue kɔkɔɔkɔ; a be a he dlae kɛ ha ta gblegbleegble hu.