Yesaya 11:15 - BAIBLO ALOO NGMAMI KLƆUKLƆU Ɔ

¹⁵ Yawɛ ma kpata Egipt pa kɔni nɛ a tsɛɛ ke Suez ɔ hɛ mi pɛsɛpɛsɛ. E ma ha nɛ ahlabata kɔɔhiɔ maa fia ngɛ lejɛ ɔ, nɛ pa a ma gba maa pee pa tsɔwi kpaago, bɔ nɛ ke nɔ wo tokota po e ma nyɛ kɛ po.

Yesaya 11:15 ပူးပေါင်းရင်းမြစ်များ

Zakaria 10:11

Ke haomi yi bli kaa wo ɔ, imi Yawɛ nitsɛ ma jɔɔ oslɔke ɔmɛ a he ha mɛ. Nilo pa a tete, nyu maa ta mi. Asiria, he nɔ wolɔ ɔ, ma ba lɛ si, nɛ Egipt tsɛ yemi ɔ hu se maa po.

Kpojemi 16:12

Enɛ ɔ se ɔ, bɔfo ekpane ɔ plɛ e kplu ɔ mi nɔ́ ɔ ngɔ pue Yufrate pa nguaa a mi. Nyu ɔ mii ngɛ pa a mi, nɛ e kɛ je blɔ ha matsɛmɛ ɔmɛ nɛ maa je beleku je kɛ ba a.

Yesaya 50:2

“Mɛni he je lɛ benɛ i ba a, nɔ ko be lejɛ ɔ? Benɛ i tsɛ nyɛ ɔ, mɛni he je nɔ ko pui mi ɔ? Anɛ nyɛ susuɔ kaa ye nine ngɛ kuku nɛ i be nyɛe ma kpɔ nyɛ kɛ je he nyɛlɔ ɔ dɛ mi lo? Ke i wo gbi ɔ, wo miiɔ, nɛ pahi plɛɔ peeɔ nga kplanaa. Ke nyu ɔ mii ta a, lo gboɔ nɛ e saa.

Yesaya 19:16

Be ma nɛ Egipt bi ɔmɛ maa pee a he fɔ̃li kaa yihi. Ke a na kaa Yawɛ Tabohiatsɛ ɔ miɔ nɛ e kɛ e he wami ɔ maa gbla a tue ɔ, a he ma bɔni domi blibliibli.

Ezekiel 30:12

Ma ha Nilo pa a maa mii. Ma jua Egipt zugba a tsuo kɛ ha yiwutsotsɛmɛ ɔmɛ. Ma ha nibwɔhi ma kpata zugba a, kɛ e nɔ bi tsuo a hɛ mi. Imi, Yawɛ lɛ i de.”

Ezekiel 29:10

i kɛ mo ná, nɛ i kɛ o Nilo pa a hu ná. Ma ha Egipt zugba a tsuo nɔ maa je gu; e maa pee ma dokuhi sɔuu kɛ je Migdol ngɛ omleyi je kɛ yaa su Aswan ngɛ leneyi je, hluu kɛ ma ya su Sudan bi ɔmɛ a huzu ɔ nya tɔɔ.

Yesaya 7:20

“Jamɛ a be ɔ, Nyɔmtsɛ ɔ ma ya ba asoyi ngɛ Yufrate pa a se kɛ ba. E kɛ ma ba sɛ nyɛ yi bwɔmi, kɛ nyɛ nane he bwɔmi, nɛ a maa sɛ nyɛ kpɛni hulɔ. Asiria matsɛ ɔ ji asoyi ɔ nɛ.

Mose II, 14:21

Kɛkɛ nɛ Mose wo e nine nɔ ngɛ wo ɔ nɔ, nɛ Yawɛ ha kɔɔhiɔ nguaa ko fia kɛ je beleku jamɛ a nyɔ ɔ mi tsuo kɛ tsɛ̃ wo ɔ kɛ ya se. Nɛ wo ɔ mi gba enyɔ hiɛ kɛ hiɛ, nɛ e kpɛti ɔ plɛ pee zugba gbigbli.

Mose II, 14:29

Se Israel bi ɔmɛ lɛɛ a nyɛɛ zugba gbigbli nɔ kɛ po wo ɔ, nɛ nyu ɔ wlua kaa gbogbo ngɛ a hiɔ nɔ kɛ a muɔ nɔ.

Yesaya 8:7

imi Nyɔmtsɛ ɔ nitsɛ, ma ngɔ Asiria matsɛ ɔ, kɛ e ta a tsuo kɛ ba tua Yuda. Ta a ma ba tua mɛ kaa bɔ nɛ Yufrate pa a hyiɔ ywiaa nga nɛ e haa zugba a nɔ ɔ.

Yesaya 43:16

Blema lokoo ɔ, Yawɛ je blɔ ko kɛ gu wo ɔ mi. Blɔ ɔ gu nyu glegleegle ɔ mi.

Yesaya 44:27

I faa, kɛkɛ wo miiɔ, nɛ nyu taa pa amɛ a mi.

Yesaya 51:11

Nihi nɛ mo Yawɛ, o kpɔ mɛ ɔ, a kɛ bua jɔmi ma la kɛ ba Yerusalem. A bua maa jɔ kɛ maa ya neneene; aywilɛho kɛ kɔmɔ yemi tsuo se maa po.

Yesaya 63:12

Nɔ nɛ ngɔ he wami kpetekpleenyɛ kɛ wo Mose mi kɛ tsu ní nguanguahi, nɔ nɛ gba wo ɔ mi ha mɛ, nɛ a nyɛɛ muɔ voovoo ɔmɛ a mi kɛ po wo ɔ nɛ e kɛ na biɛ nɛ maa hi si kɛ maa ya neneene ɔ, jije e ngɛ?” Yawɛ nitsɛ lɛ kpaka mɛ kɛ gu muɔ voovoo ɔmɛ a mi slɔkee kaa bɔ nɛ ke okpɔngɔ ngɛ fo tue ngɛ nga kplanaa nɔ nɛ́ e tɛ we si ɔ.

Mose II, 14:22

Israel bi ɔmɛ nyɛɛ zugba gbigbli nɔ kɛ gu wo ɔ kpɛti, nɛ nyu ɔ pee kaa gbogbo ngɛ a hiɔ nɔ kɛ a muɔ nɔ.