Yesaya 11:11 - BAIBLO ALOO NGMAMI KLƆUKLƆU Ɔ

¹¹ Jamɛ a ligbi ɔ, Nyɔmtsɛ ɔ ma tsu ní kɛ he wami; e maa kpale e ma mi bi ɔmɛ nɛ piɛ ngɛ zugba nɛ ɔmɛ a nɔ ɔ kɛ maa ba we ekohu. A maa je Asiria, Egipt, Patros, Sudan, Elam, Babilonia, Hamat, kɛ mahi nɛ ngɛ wo nya a kɛ ba.

Yesaya 11:11 ပူးပေါင်းရင်းမြစ်များ

Mika 7:12

Nyɛ ma mi bi ɔmɛ maa kpale kɛ ba nyɛ ngɔ ekohu. A maa je Asiria ngɛ bonyoku je, kɛ Egipt ngɛ leneyi je. A maa je Yufrate pa a he, kɛ wo se, kɛ yo ɔmɛ a nɔ tsitsaa lokoo kɛ ba.

Romabi 11:26

Lɔ ɔ he ɔ, a ma he Israel tsuo yi wami kaa bɔ nɛ a ngma a ke, “Yi wami helɔ ɔ maa je Zion kɛ ba; e ma ha Yakob nina a ma kpa musu bɔmi.

Yesaya 10:20

Jamɛ a be ɔ, Israel bi nɛ a yi na wami ɔ be a hɛ ngɔe kɛ fɔ ma a nɛ ka a hɛ mi kpatami ɔ nɔ hu. A maa ngɔ a hɛ kɛ fɔ Yawɛ, Israel Mawu klɔuklɔu ɔ nɔ kulaa.

Hosea 11:11

A maa je Egipt kɛ ba kɛ fo kaa lohwe pɛlitsɛmɛ. A maa je Asiria kɛ maa ba kaa lahuɛhi. Ma kpale mɛ kɛ ba a we ɔmɛ a mi ekohu. Imi Yawɛ lɛ i de.”

Yesaya 66:19

Jamɛ a be ɔ loko a maa le kaa imi lɛ i ngɛ a tue gblae. “Se ma he a ti ni komɛ a yi wami, nɛ ma tsɔ mɛ kɛ maa ya je ma amɛ a ngɔ, kɛ zugbahi a nɔ ngɛ tsitsaa lokoo, he nɛ a nui ye we agbo jemi, kɛ ye he wami kpetekpleenyɛ ɔ he ngɛ lolo. Ma tsɔ mɛ Spania, Libia, Lidia he nɛ kɛ̃ɛ̃ tsɛ̃li kpakpahi ngɛ ɔ, Tubal, kɛ Hela. A ma ya fiɛ ngɛ je ma nɛ ɔmɛ a mi ke Mawu kpetekpleenyɛ ji mi.

Yesaya 42:4

E kɔni mi be jɔ̃e, nɛ pɔ be lɛ tɔe kɛ yaa si dami sane yemi ma he si ngɛ je ɔ mi tsuo. Zugbahi nɛ ngɛ tsitsaa lokoo ɔ po maa hyɛ lɛ blɔ nɛ e ba wo mɛ ga.”

Yesaya 24:15

nɛ nihi nɛ ngɛ beleku je ma je e yi. Nihi nɛ ngɛ wo nya je ɔ hu ma je Yawɛ, Israel Mawu ɔ yi.

Yesaya 10:9

Kalno ma a, kɛ Karkemish ma a nɛɛ, mɛni slɔɔto ngɛ a kpɛti? Anɛ Hamat ma a be kaa Arpad ma a lo? Samaria kɛ Damasko ɔ nɛɛ, slɔɔto ko ngɛ a kpɛti lo?

Mose I, 11:2

Benɛ nihi bɔni blɔ hiami kɛ je beleku je ɔ, a ba su nga kplanaa ko nɔ ngɛ Babilonia zugba a nɔ, nɛ a hi lejɛ ɔ.

Mose I, 10:22

Shem binyumuhi ji Elam, Ashur, Arpakshad, Lud kɛ Aram.

Mose I, 10:10

Kekleekle ɔ, Nimrod nɔ yemi he ɔmɛ ji Babilon, Erek, kɛ Akad ngɛ Babilonia zugba a nɔ.

2 Korintobi 3:16

Se ke a kpale kɛ ba Nyɔmtsɛ ɔ ngɔ kɛkɛ a ma je hɛ mi hami nɔ́ ɔ ha mɛ.

Romabi 11:15

Ejakaa ke Mawu kua Yuda bi ɔmɛ, nɛ lɔ ɔ he a dla Mawu kɛ je ɔ a kpɛti ɔ, lɛɛ ke e kpale he mɛ ekohu ɔ, kɛ níhi maa hi kɛɛ? E maa pee kaa nɔ nɛ gbo, nɛ a kpale tle lɛ si kɛ ba wami mi ekohu.

Zakaria 9:2

Jã kɛ̃ a maa pee Hamat nɛ e kɛ Hadrak wo huzu ɔ. Tiro kɛ Sidon ma amɛ nɛ le ní kaa nɔ́ ko ɔ, mɛ hu ja nɔuu.

Zakaria 5:11

E he nɔ ke, “A kɛ yaa Babilonia. A maa ma tsu ha kusii ɔ ngɛ lejɛ ɔ. Ke a ma tsu ɔ gbe nya a, a maa ngɔ kusii ɔ kɛ ya ma e ma he ngɛ lejɛ ɔ.”

Zefania 2:11

Yawɛ hɛ maa dɔ kɛ wo mɛ. Yawɛ ma kpata wɔ ɔmɛ tsuo a hɛ mi ngɛ zugba a nɔ, nɛ je ma amɛ, wo kpo ɔ, kɛ zugbahi nɛ wo bɔle mɛ ɔ tsuo ma ja lɛ, nɔ tsuaa nɔ ngɛ lɛ nitsɛ e zugba nɔ.

Hosea 1:11

Yuda bi, kɛ Israel bi ma ba pee kake; a maa hla nɔ kake nɛ da a nya, nɛ a maa hi si ngɛ he jɔmi mi ngɛ zugba a nɔ. Niinɛ, Yezreel ma ba plɔke.

Daniel 11:18

Enɛ ɔ se ɔ, e ma ba tua wo nya ma amɛ, nɛ e maa ngɔ mahi babauu. Se tatsɛ ko maa je ma se kɛ ba nɛ e kɛ Siria matsɛ ɔ ma ba kpe. E maa ye Siria matsɛ ɔ nɔ, nɛ Siria matsɛ ɔ kɛ zo maa kpale e se kɛ ho.

Daniel 8:2

I na nɛ i ya je ma a nɛ a fia gbogbo ngɔ wo he nɛ a tsɛɛ lɛ Susa a tlukaa. Ma nɛ ɔ ngɛ Elam kpokpa a nɔ. I daa si ngɛ Ulai pa a nya.

Ezekiel 30:14

Ma ha Egipt leneyi je maa pee ma doku pasaa; nɛ Zoan nɛ ngɛ omleyi je ɔ, ma mɛ he la. Ma gbla Tebes ma a tue.

Ezekiel 27:6

Akɔfa amɛ lɛɛ, Bashan tso nguaa amɛ a kɛ hlɔ mɛ. Lɛ nɔ tsu bi ɔ, nga nɔ tso tlɔmɔɔ nɛ je Kipro a kɛ pee lɛ. A topɛ́ tso ɔ mi, nɛ a wo mi suɔ wu.

Yeremia 49:23

Bɔ nɛ Yawɛ de ngɛ Damasko he ji nɛ ɔ nɛ: “Hamat ma mi bi ɔmɛ, kɛ Arpad ma mi bi ɔmɛ hao, ejakaa a nu sane yaya. A tsui po, nɛ a he mi ngɛ mɛ hiae kaa wo nɛ ngɛ fiae gudugudu nɛ he jɔɔmi be mi.

Yeremia 44:1

Yawɛ ha mi sɛ gbi nɛ ɔ nɛ kɔɔ Israel bi tsuo nɛ ngɛ Egipt ɔ a he, nihi nɛ ngɛ Migdol, Tapanhes, kɛ Memfis ma amɛ a mi, kɛ ni nɛmɛ nɛ ngɛ zugba a leneyi je ɔ tsuo.

Yeremia 31:10

Yawɛ ke, “Nyɛ je mahi, nyɛɛ bu mi tue nɛ nyɛɛ fiɛ ye munyu ɔmɛ ngɛ wo kpɔ ɔmɛ a nɔ tsitsaa lokoo ke, ‘Nɔ nɛ gbɛ Israel ma a ngɔ fĩa a, lɛ nɔuu e ma bua a nya ekohu, nɛ e maa hyɛ a nɔ kaa bɔ nɛ to hyɛlɔ hyɛɛ e tohi ɔ.’

Yesaya 45:14

Yawɛ de Israel ke, “Egipt juetli, kɛ Sudan nijua ní ma ba pee o nɔ́, nɛ Seba bi, nimli gagahi ma ba pee o nyɔguɛhi; a maa bɔ mɛ pã kɛ ba o ngɔ; a ma ba kpla si ha mo, nɛ a ma kpa mo pɛɛ ngɛ he si bami mi ke, ‘Niinɛ, Mawu nɛ kɛ mo ngɛ ɔ, lɛ nɔ kake too ji Mawu; ekpa ko be hu.

Yesaya 42:12

Nyɛ ha nihi nɛ ngɛ zugbahi a nɔ ngɛ tsitsaa lokoo ɔ nɛ a wo Yawɛ hɛ mi nyami!

Yesaya 42:10

Nyɛ la la he ha Yawɛ; nyɛ je ɔ tsuo, nyɛ la kɛ je e yi! Nyɛ nihi nɛ nyɛ nyɛɛ wo hɛ mi, nyɛ je e yi! Nibɔ níhi tsuo nɛ ngɛ wo ɔ mi, nyɛ je e yi! Zugbahi ngɛ tsitsaa lokoo, kɛ nihi tsuo nɛ ngɛ a nɔ, nyɛ je e yi!

Yesaya 11:16

Gbɛjegbɛ ko maa je Asiria kɛ ha Israel ma a mi bi nɛ a ngɛ je mi kɛ mwɔɔ ɔ, konɛ a nyɛɛ nɔ kaa bɔ nɛ a nɛmɛ ɔmɛ nyɛɛ zugba gbigbli nɔ, benɛ a je Egipt zugba a nɔ kɛ ma a.

La 68:22

Bɔ nɛ Nyɔmtsɛ ɔ ngɛ dee ji nɛ ɔ nɛ: “Ma kpaka mɛ kɛ je Bashan kɛ ba ekohu; ma je mɛ kɛ je wo ɔ sisi tɔɔ kɛ ba,

Mose I, 14:1

Jamɛ a be ɔ mi ɔ, Babilonia matsɛ, Amrafel; Elasar matsɛ, Ariok; Elam matsɛ, Kedorlaomer; kɛ Goim matsɛ, Tidal

Ester 10:1

Matsɛ Ahasuerus ha nɛ nihi nɛ ngɛ e nɔ yemi he ɔ ngɛ wo nya je, kɛ hue mi je tsuo tsu ní kpakpataa.

Yesaya 1:9

Kaa Yawɛ Tabohiatsɛ ɔ ha we nɛ wa ti ni komɛ a yi nɛ na wami ɔ, wa ko pee kaa Sodom kɛ Gomora.

Yesaya 19:21

Yawɛ ma je e he si kɛ tsɔɔ Egipt bi ɔmɛ, nɛ a maa le lɛ; a ma ja lɛ, nɛ a kɛ sami bɔhi, kɛ nike ní ma ba ha lɛ. A ma ka Yawɛ kita nɛ a maa ye nɔ pɛpɛɛpɛ.

Yesaya 19:22

Yawɛ maa fiaa Egipt bi ɔmɛ ní, se lɛ nɔuu ji nɔ nɛ ma tsa mɛ. A maa kpale kɛ ba e ngɔ; e maa bu a kue fami ɔmɛ tue, nɛ e ma tsa mɛ.

Yesaya 37:31

Yuda we ɔ mi ni nɛmɛ nɛ a yi ma na wami ɔ, a ma plɔke kaa tsohi; a ma tsɛ̃ sipoku kɛ ya zu mi ekohu, nɛ a maa wo yiblii.

Ezekiel 29:14

Ma ha a ma ba hi a hi he momo ɔ ngɛ Egipt leneyi je. A ma ba to nɔ yemi ko nɛ he wɛ kulaa sisi ngɛ lejɛ ɔ.

Ezekiel 32:24

“Elam ngɛ lejɛ ɔ; e ta buli kpekpemi ɔ nɛ nɔ ngɛ ta a mi ɔ a gbogboe ɔmɛ hu ngɛ a yɔkɔ ɔmɛ a mi; a bɔle lɛ kɛ kpe. Nihi nɛ gbo ngɛ ta mi nɛ ɔ, mɛ tsuo a ho gbeje ya kɛ mɔmlɔtɔ. Benɛ a ngɛ wami mi ɔ, a wo nihi a he gbeye wawɛɛ, se jehanɛ lɛɛ a gbo kɛ fɔɔ si kɛ zo kpɔtɔɔ.

Ezekiel 38:8

Jeha komɛ a se ɔ, ma ha e ma ya tua nihi ngɛ Israel yo ɔmɛ a nɔ. A kɛ ta kpata zugba nɛ ɔ hɛ mi be ko, nɛ a si lejɛ ɔ ngɔ fɔ si gu jeha babauu, se jehanɛ lɛɛ a bua nihi a nya ngɛ lejɛ ɔ ngɛ tue mi jɔmi mi.

Daniel 1:2

Nyɔmtsɛ ɔ ngɔ Matsɛ Yehoyakim ngɔ wo e dɛ, nɛ Nebukadnezar muɔ june nɛ ngɛ Yawɛ we ɔ ekomɛ kɛ je kɛ ho. Babilon ya. June nɛ e muɔ ngɛ Mawu we ɔ e kɛ ya to e mawu ɔmɛ a nito he ɔ.

Mose I, 2:13

Pa kɔni enyɔne ɔ biɛ ji Gihon; lɛ ji pa nɛ bɔle Kush zugba a tsuo.

Mose V, 9:29

O le kaa ma nɛ mo nitsɛ o hla ha o he, nɛ o kɛ kɔni si wami kpetekpleenyɛ je kɛ je Egipt ji nɛ ɔ nɛ.’

Matsɛmɛ II, 17:24

Asiria matsɛ ɔ ya ngɔ nihi kɛ je Babilon, Kut, Ava, Hamat, kɛ Sefarvaim kɛ ba wo Samaria ma amɛ a mi ngɛ Israel bi ɔmɛ a nane mi. Mɛ hu a ngɔ Samaria ngɔ pee a nɔ, nɛ a hi ma amɛ a mi.

Yesaya 21:2

I na nina ko nɛ kɔɔ yi wu tso níhi nɛ maa ba a a he; a maa ngɔ nihi kɛ wo amanehlu mi, nɛ a hɛ mi ma kpata. Elam tabo, tee si nɛ o tua mɛ! Media tabo, wo ma amɛ a he ka! Amanehlu nɛ Babilon kɛ ba a, Mawu ma ha e se maa po.

Yesaya 22:6

Ta buli hi okpɔngɔhi a nɔ kɛ je Elam kɛ ba kɛ a dɛ mi kɛ̃ɛ̃. Ta buli nɛ je Kir hu mia kɛ tsɛ̃i ja nɔuu.

Yesaya 49:12

Ee, ye ma a maa je tsitsaa kɛ maa ba, a maa je omleyi je kɛ bonyoku je, nɛ a maa je Aswan tɔɔ ngɛ leneyi je kɛ maa ba.”

Hosea 11:10

“Ke i huã kikɛ nɛ ɔ kaa jata a, ye ma a maa nyɛɛ ye se. A he maa sɔ kɛ maa je bonyoku je kɛ ba.

Zakaria 8:7

Yawɛ Tabohiatsɛ ɔ ke ma ya kpɔ ye ma a kɛ je beleku je, kɛ bonyoku je ma amɛ a mi.