Yesaya 10:9 - BAIBLO ALOO NGMAMI KLƆUKLƆU Ɔ

⁹ Kalno ma a, kɛ Karkemish ma a nɛɛ, mɛni slɔɔto ngɛ a kpɛti? Anɛ Hamat ma a be kaa Arpad ma a lo? Samaria kɛ Damasko ɔ nɛɛ, slɔɔto ko ngɛ a kpɛti lo?

Yesaya 10:9 ပူးပေါင်းရင်းမြစ်များ

Kronika II, 35:20

Pee se benɛ Matsɛ Yosia to sɔmɔmi ní tsumi ɔ blɔ nya ngɛ Yawɛ we ɔ gbe nya a, Egipt matsɛ ɔ nɛ a tsɛɛ lɛ Neko ɔ ya tua Karkemish, ngɛ Yufrate pa a nya. Yosia ya nɛ e kɛ lɛ ya kpe.

Matsɛmɛ II, 16:9

Asiria matsɛ ɔ bu lɛ tue, nɛ e hia kɛ ya tua Damasko. E ngɔ ma a, nɛ e gbe Matsɛ Rezin; se ma a mi bi ɔmɛ lɛɛ e nuu mɛ nyɔguɛ kɛ ho Kir ya.

Yeremia 46:2

e je sisi kɛ je Egipt nɔ. Egipt matsɛ, Neko tabo ɔ nɛ Babilonia matsɛ, Nebukadnezar ye a nɔ ngɛ Karkemish, ngɛ Yufrate pa a nya a, bɔ nɛ Yawɛ de ngɛ a he ji nɛ ɔ nɛ. Sane nɛ ɔ ba ngɛ Yuda matsɛ, Yehoyakim yi nɔ jeha eywiɛne ɔ mi.

Mose I, 10:10

Kekleekle ɔ, Nimrod nɔ yemi he ɔmɛ ji Babilon, Erek, kɛ Akad ngɛ Babilonia zugba a nɔ.

Yeremia 49:23

Bɔ nɛ Yawɛ de ngɛ Damasko he ji nɛ ɔ nɛ: “Hamat ma mi bi ɔmɛ, kɛ Arpad ma mi bi ɔmɛ hao, ejakaa a nu sane yaya. A tsui po, nɛ a he mi ngɛ mɛ hiae kaa wo nɛ ngɛ fiae gudugudu nɛ he jɔɔmi be mi.

Yesaya 37:13

Hamat matsɛ, Arpad matsɛ, Sefarvaim matsɛ, Hena matsɛ, kɛ Iva matsɛ ɔ, jije a ngɛ?”

Yesaya 36:19

Jije Hamat, kɛ Arpad mawu ɔmɛ ngɛ? Nɛ jije Sefarvaim mawu ɔmɛ ngɛ. Anɛ a nyɛ kpɔ Samaria kɛ je ye dɛ mi lo?

Yesaya 17:3

Israel be lɛ nitsɛ e he nyɛe ma fa hu, nɛ Damasko nɔ yemi ɔ se maa po. Siria bi nɛ a yi ma na wami ɔ, zo maa gbe mɛ kaa Israel bi ɔmɛ nɔuu. Imi, Yawɛ Tabohiatsɛ lɛ i de.”

Yesaya 7:8

Mɛni he je? Ejakaa Siria he wɛ pi Damasko nɛ ji e matsɛ ma a, nɛ Damasko he wɛ pi Rezin. Israel lɛɛ hiɛmɛ nɛ ɔ jeha nyingmi ekpa kɛ enuɔ ɔ, a ma kpata e hɛ mi butuu, bɔ nɛ e be nyɛe maa da si kaa ma hu.

Matsɛmɛ II, 17:24

Asiria matsɛ ɔ ya ngɔ nihi kɛ je Babilon, Kut, Ava, Hamat, kɛ Sefarvaim kɛ ba wo Samaria ma amɛ a mi ngɛ Israel bi ɔmɛ a nane mi. Mɛ hu a ngɔ Samaria ngɔ pee a nɔ, nɛ a hi ma amɛ a mi.

Samuel II, 8:9

Benɛ Hamat matsɛ, Toi nu kaa David ye Hadadezer tabo ɔ tsuo nɔ ɔ,

Mose IV, 34:8

Nyɛ ma tsa nɔ kɛ je Hor yo ɔ he, kɛ ya be ngɛ Hamat kasa nya, kɛ ya si Zedad.

Matsɛmɛ II, 18:34

Jije Hamat kɛ Arpad mawu ɔmɛ ngɛ? Jije Sefarvaim, Hena, kɛ Iva mawu ɔmɛ ngɛ? Anɛ a nyɛ kpɔ Samaria lo?

Kronika II, 32:14

Mɛni be lɛ je ma nɛ ɔmɛ tsuo a mawu ɔmɛ eko nyɛ́ kpɔ a zugba kɛ je wa dɛ mi hyɛ? Lɛɛ mɛni haa nɛ nyɛɛ lɛɛ nyɛ susuɔ kaa nyɛ Mawu ɔ ma nyɛ he nyɛ yi wami ɔ?

Yesaya 10:8

E fĩaa nɛ e deɔ ke, “Anɛ ye tatsɛmɛ ɔmɛ ɔ, pi matsɛmɛ ji mɛ tsuo lo?

Yesaya 17:1

Bɔ nɛ Yawɛ de ji nɛ ɔ nɛ: “Damasko be ma nitsɛ pee hu; e ma ba pee ma doku kulaa.

Yesaya 37:11

Mo nitsɛ o nu níhi nɛ Asiria matsɛmɛ ɔmɛ pee zugba amɛ; bɔ nɛ a kpata a hɛ mi butuu. Nɛ moo lɛɛ o susu kaa o maa ye o he lo?

Ezekiel 47:16

kɛ ya na Berota kɛ Sibraim ma amɛ nɛ ngɛ Damasko kɛ Hamat huzu ɔmɛ a kpɛti ɔ, kɛ ya na Tikon nɛ ngɛ Hauran huzu ɔ nya a.

Habakuk 1:10

A yeɔ matsɛmɛ ɔmɛ a he fɛu, nɛ asafoatsɛmɛ ɔmɛ a he peeɔ mɛ muɔ. Mɔ nɛ he wa pi nɔ́ ko kulaa ngɛ a hɛ mi. A buaa zu nya glekugleku kɛ woɔ mɔ ɔ he, nɛ a ngɔɔ lɛ.

Yesaya 33:8

Gbɛjegbɛ ɔmɛ a nɔ ba gbeye, nɛ nɔ ko nɔ ko nyɛɛ we a nɔ hu. A yi somihi a nɔ hu, ma kɛ ma jio, nɔ kɛ nɔ jio. Nɔmlɔ adesa pi nɔ́ ko kulaa ngɛ a hɛ mi.