Yesaya 10:6 - BAIBLO ALOO NGMAMI KLƆUKLƆU Ɔ

⁶ I tsɔ Asiria bi ɔmɛ ke a ya tua ma ko nɛ li Mawu, ma nɛ wo ye mi mi la a. I tsɔ mɛ ke a ya ha ní, nɛ a kpɔ níhi pani nya; nɛ a naa ni ɔmɛ a nɔ kaa mɔsɔ ngɛ blɔ mi.”

Yesaya 10:6 ပူးပေါင်းရင်းမြစ်များ

Yesaya 9:17

Lɔ ɔ he ɔ, Nyɔmtsɛ ɔ na we nihewi ɔmɛ a he bua jɔmi. Yalɔyi ɔmɛ, kɛ awusa amɛ hu e mɛ nɛ mɔbɔ; ejakaa ni ɔmɛ tsuo li Mawu; a pee a he yiwutsotsɛmɛ, nɛ munyu yaya pɛ a tuɔ. Enɛ ɔ tsuo he ɔ, Yawɛ mi mi fumi ɔ se be poe kɛ yaa si e ma kpata a hɛ mi pɛsɛpɛsɛ.

Zakaria 10:5

Ma ha nɛ Yuda bi a he maa wa. Mɛ tsuo a maa pee kaa ta buli katsɛmɛ ngɛ ta nya; a maa naa a he nyɛli a nɔ, nɛ a maa pee mɛ kaa zugba zu. I kɛ ye ma a ngɛ saminya, lɔ ɔ he ɔ, ma ha a kɛ a he nyɛli ɔmɛ maa to ní, nɛ ta okpɔngɔ nɔ hili ɔmɛ po a hɛ mi ma pue si.

Yeremia 34:22

Ma fa mɛ, nɛ a maa kpale kɛ ba ma nɛ ɔ mi ekohu. A ma ba tua ma a; a maa ngɔ ma a, nɛ a maa sã ma a. Ma ha nɛ Yuda ma amɛ maa pee ma dokuhi, nɛ nɔ ko nɔ ko be ma amɛ a mi hie hu. Imi, Yawɛ lɛ i de.”

Yeremia 25:9

‘Ma tsɔ nɛ a ya kpee omleyi je ma amɛ tsuo, kɛ Babilonia matsɛ Nebukadnezar, ye tsɔlɔ ɔ kɛ ba. Ma ngɔ mɛ kɛ ba, nɛ a kɛ Yuda zugba a, kɛ ma mi bi ɔmɛ, kɛ je mahi tsuo nɛ bɔle mɛ ɔ ma ba hwu ta. Ma kpata zugba nɛ ɔ, kɛ mahi nɛ bɔle lɛ ɔ a hɛ mi pɛsɛpɛsɛ; a ma plɛ pee gbeye nɔ́, muɔ nɔ́, kɛ he fɛu yemi nɔ́ kɛ ya neneene. Imi, Yawɛ lɛ i de.

Yesaya 19:17

Be tsuaa be nɛ a maa wo Yuda ta a, sawale maa nu Egipt bi ɔmɛ ngɛ nɔ́ nɛ Yawɛ Tabohiatsɛ ɔ to nɛ maa ba Egipt nɔ ɔ he.

Mateo 15:7

Osatotsɛmɛ! Nɔ́ nɛ Yesaya gba ngɛ nyɛ he ɔ, anɔkuale sisiisi! Yesaya ngma ke,

Mika 7:10

Wa he nyɛli ɔmɛ maa na nɔ́ nɛ ɔ, nɛ zo maa gbe mɛ. Mɛ lɛ a ye wa he fɛu nɛ a bi wɔ ke, “Jije Yawɛ, nyɛ Mawu ɔ ngɛ?” Wa maa na kaa a ye a nɔ kunimi, nɛ a naa a nɔ kaa mɔsɔ ngɛ gbɛjegbɛ nɔ.

Yeremia 4:14

Yerusalem, mo fɔ ní yayami ɔmɛ kɛ je o tsui mi, nɛ a he o yi wami. Kɛ yaa si mɛni be lɛ o maa hi ní yayamihi a he susue?

Yeremia 3:10

Ní nɛ ɔmɛ tsuo a se ɔ, Yuda, Israel nyɛmiyo yaholɔ ɔ kpale we kɛ bɛ ye ngɔ kɛ e tsui tsuo; e ní peemi níhi tsɔɔ we kaa e tsake. Imi, Yawɛ lɛ i de.”

Yesaya 63:6

I kɛ mi mi la naa je ma amɛ a nɔ basabasa, nɛ i gbɛ mɛ ngɔ fĩa. I tsɛ̃ a muɔ ngɔ pue zugba.”

Yesaya 63:3

Yawɛ he nɔ ke, “Imi nɔ kake lɛ i naa je ma amɛ a nɔ kaa a naa wai yiblii nɔ; nɔ ko nɔ ko piɛ we ye he. A wo ye mi mi la, nɛ abofu nya a, i naa a nɔ, nɛ a muɔ ɔ fĩa wo ye tade ɔ mi tsuo.

Yesaya 41:25

“I ha nɛ nɔ ko je beleku je kɛ ma nɛ e kɛ nyɛ ba kpe. E maa ba ngɛ ye biɛ mi. E ma ba tua nyɛ kɛ je omleyi je. E maa naa nɔ yeli a nɔ kaa a naa zu, loo kaa buɛ puɛlɔ pɔtɔɔ zu.

Yesaya 33:14

Yayami peeli nɛ ngɛ Zion ɔ nu sawale, nɛ a he ngɛ doe blibliibli. Nɔ́ nɛ a ngɛ a he bie ji, “La nɛ ngɛ ní puɛe nɛ ɔ, wa ti mɛnɔ ma nyɛ nya maa da? La nɛ ngɛ tsoe nɛ gbo we gblegbleegble nɛ ɔ nɛ, wa ti mɛnɔ ma nyɛ nya maa da?”

Yesaya 29:13

Nyɔmtsɛ ɔ ke, “Ni nɛ ɔmɛ ke a ngɛ mi jae, se sisi numi ko be munyu ɔmɛ nɛ a ngɛ tue ɔ mi, ejakaa a tsui ngɛ he kpa kulaa. Nimli adesahi a mlaahi, kɛ blema sanehi nɛ a kase ngɔ wo a yi mi nɛ a deɔ kɛ a nya kɛkɛ ɔ ji nɔ́ nɛ a tsɛɛ ke jami.

Yesaya 22:5

Mwɔnɛ ligbi nɛ ɔ, níhi nɛ Nyɔmtsɛ Yawɛ Tabohiatsɛ ɔ kɛ ba wa nɔ ngɛ nina kɔ̃ ɔ mi ji haomi, basabasa peemi, kɛ gidigidi peemi sɔuu. A ku ma a gbogbo ɔmɛ ngɔ pue si. Ngmlaa ngɛ pɛe ngɛ yo ɔmɛ a nɔ tsuo kɛ ngɛ balɔ tsɛe.

Yesaya 9:19

Akɛnɛ Yawɛ Tabohiatsɛ ɔ mi mi fu he je ɔ, e tue gblami ɔ nya wa kaa la nɛ ngɛ nimli tsuo a hɛ mi kpatae ngɛ zugba a nɔ. Nɔ tsuaa nɔ ngɛ lɛ nitsɛ e wami he plee.

Yesaya 5:29

Ta buli ɔmɛ hwɔ hoo kaa jatahi nɛ a gbe lohwe ko nɛ a ngɛ huãe ngɛ he, nɛ a kɛ yaa he nɛ nɔ ko nɔ ko be nyɛe ma kpɔ ngɛ a dɛ.

Samuel II, 22:43

I wɛɛ mɛ mɔnyɔmɔnyɔ nɛ a pee kaa tabo zu; i naa a nɔ, nɛ i gbɛ mɛ fĩa kaa gbɛjegbɛ nɔ mɔsɔ.

Yesaya 5:5

“Bɔ nɛ ma pee ye wai ngmɔ ɔ ji nɛ ɔ nɛ: ma je piɛ ɔ, nɛ́ nga mi lohwehi nɛ ba ye wai yiblii ɔ; ma ku gbogbo nɛ bɔle lɛ ɔ, nɛ a ba naa nɔ.

Yesaya 5:25

Yawɛ mi mi fu e ma a, nɛ e wo e nine nɔ, konɛ e gbla a tue. Yo ɔmɛ ma mimiɛ, nɛ ni gbogboehi ma pue si ngɛ blɔ ɔmɛ a nɔ kaa dwɔmi. Ke e ba ja po, Yawɛ mi mi fumi ɔ se be poe, se e nine nɛ e wo nɔ ɔ, ja e kɛ gbla a tue kokooko.

Yesaya 7:17

“Yawɛ ma ha haomi be ko ma ba na mo, kɛ o ma mi bi ɔmɛ, kɛ matsɛ weku ɔ tsuo. Kɛ je be nɛ Israel kɛ Yuda mi gba nɛ ɔ, be yaya kaa enɛ ɔ eko bɛ hyɛ. Asiria matsɛ ɔ ji haomi nɛ Yawɛ maa ngɔ kɛ ba a nɛ.

Yesaya 8:8

He nyɛli ɔmɛ ma ba gu Yuda zugba a nɔ kaa pa nɛ hyi ywia nga kɛ su nɔ konɔ tɔɔ, nɛ e ha nɔ́ tsuaa nɔ́ nɔ.” Mawu kɛ wɔ ngɛ! E bli e pɛlihi a mi kɛ ngɛ zugba a he bue.

Yesaya 24:5

Ni ɔmɛ ble zugba a; nɛ a kɛ nɔ́ nɛ ɔ peemi tɔ Mawu mlaa amɛ a nɔ. A tsake blɔ nya tomi ɔmɛ, nɛ somi nɛ ngɛ daa a hu a yi nɔ.

Yesaya 32:6

Ejakaa kuasia tuɔ munyu basabasa, nɛ e toɔ ga kaa e maa pee yayami. E tuɔ munyu, nɛ e peeɔ nɔ́ basabasa kɛ siɔ Yawɛ. Nɔ nɛ hwɔ ngɛ lɛ yee ɔ, e ha we lɛ nɔ́ ko nɛ e yeɔ kɔkɔɔkɔ, nɛ nɔ nɛ kuma ngɛ lɛ yee hu e ha we lɛ nyu tete po nɛ e nuɔ.

Yesaya 33:1

Musu tloo he nyɛli ɔmɛ! A fia ojo nɛ a sisi nihi; se mɛɛ lɛɛ nɔ ko fiɛ mɛ ojo, nɛ nɔ ko sisi we mɛ hulɔ. A we ojo fiami, kɛ nɔ sisimi ɔ se maa po kɛ̃, nɛ mɛ nitsɛmɛ hu a maa fia mɛ ojo, nɛ a maa sisi mɛ.

Yesaya 49:17

“Nihi nɛ maa fia gbogbo ɔmɛ ɔ ma amlɔ nɔuu, nɛ nihi nɛ ba kpata o hɛ mi ɔ maa je kɛ ho.

Yesaya 49:25

Yawɛ he nɔ ke, “Niinɛ, katsɛ ta yibu ní ɔ, a ma nyɛ kpɔ ngɛ e dɛ. Ke yiwutsotsɛ nu nɔ ko po, a ma nyɛ kpɔ lɛ ngɛ e dɛ. I kɛ ni nɛmɛ nɛ kɛ mo ngɛ pɛe ɔ ma ná, nɛ ma he o bimɛ ɔmɛ a yi wami.

Ezekiel 29:20

I ngɔ Egipt zugba a kɛ ha lɛ kaa e hiɔwo; ejakaa imi lɛ e tabo ɔ tsu ní ɔ kɛ ha. Imi, Nyɔmtsɛ Yawɛ lɛ i de.

Ezekiel 38:12

O ma ya tua ma amɛ, nɛ o maa ha a mi ní. O ma ya tua ma doku ɔmɛ nɛ amlɔ nɛ ɔ lɛɛ a mi hyi kɛ nimli ɔ. O ma ya tua ni ɔmɛ nɛ a bua a nya kɛ je je ma amɛ a mi ɔ. Nimli nɛ ɔmɛ ngɛ na, to, kɛ weto ní babauu, nɛ a ngɛ he jɔmi mi ngɛ he nɛ je ɔ tsuo nya ba kpe ngɛ.

Ezekiel 38:13

Sheba bi, Dedan bi, kɛ jua yeli nɛ je Spania ma ba bi ke, ‘O ma nɛ o ba fia wɔ ojo lo? Anɛ o bua o tabo ɔ nya kɛ ba nɛ o ba ha ní pani nya, nɛ o muɔ wa lohwehi, wa sika tsu, wa sika hiɔ, kɛ wa weto ní tsuo kɛ ho lo?’ ”

Habakuk 1:12

Yawɛ, mo ji Mawu kɛ je blema lokoo. Ye Mawu ji mo, o ngɛ klɔuklɔu, nɛ o ngɛ daa kɛ daa. Yawɛ ye Mawu kɛ ye yi baalɔ; mo nitsɛ nɛ o hla Babilonia bi ɔmɛ, nɛ o ha a te si wo wɔ, konɛ a nyɛ nɛ a gbla wa tue.

Matsɛmɛ II, 18:25

O susu kaa loko ma ba tua ma nɛ ɔ nɛ ma kpata e hɛ mi ɔ, Yawɛ li he nɔ́ ko lo? Yawɛ nitsɛ lɛ e de mi ke ma ba tua ma a, nɛ ma kpata ma a hɛ mi.”

Yesaya 8:4

Loko bi nɛ ɔ maa le ‘Maa’ loo ‘Tsaatsɛ’ demi ɔ, Asiria matsɛ ɔ ma ba muɔ Damasko sika tsuo, kɛ Samaria ta yibu ní tsuo kɛ ho.”