Yesaya 10:5 - BAIBLO ALOO NGMAMI KLƆUKLƆU Ɔ

⁵ Bɔ nɛ Yawɛ de ji nɛ ɔ nɛ: “Asiria, o ngɛ kaa to tsɔmi tso ko nɛ i kɛ gblaa nihi nɛ woɔ ye mi mi la a a tue.

Yesaya 10:5 ပူးပေါင်းရင်းမြစ်များ

Zefania 2:13

Yawɛ maa gbla omleyi je ma amɛ a tue. E ma kpata Asiria hɛ mi, nɛ Asiria ma nguaa a nɛ a tsɛɛ Nineve ɔ maa pee ma doku kaa nga kplanaa nɔ.

Yesaya 30:30

Nɔ tsuaa nɔ maa na e he wami kpetekpleenyɛ ɔ nɛ ngɛ ní tsue, kɛ bɔ nɛ e mi mi fu wawɛɛ ɔ; la nɛ puɛɔ ní maa tso plamplam, nɛ ahumi maa fia; hiɔmi maa nɛ, nɛ gbiɛ ngo ngu ma pue si.

Yesaya 14:25

Ma kpata Asiria bi ɔmɛ a hɛ mi ngɛ ye ma Israel zugba a nɔ, nɛ ma naa a nɔ ngɛ ye yo ɔmɛ a nɔ. Ma je ye ma a kuɛ kɛ je kuɛpã tso nɛ Asiria bi ɔmɛ kɛ wo lɛ ɔ mi; nɛ tlomi nɛ a ha ye ma a tloo ɔ hu, ma je ngɛ a nɔ.

Yesaya 10:15

Se nɔ́ nɛ Yawɛ ngɛ bie ji, “Anɛ gbiɛ ma nyɛ maa fĩa ke e kle pe nɔmlɔ nɛ ngɔ lɛ kɛ ngɛ ní tsue ɔ lo? Anɛ sau ma nyɛ maa wo e he ha nɔ nɛ ngɛ lɛ gblae ɔ lo? Tsa pi dɛma tso nɛ hɛɛɔ nɔmlɔ; nɔmlɔ mohu nɛ hɛɛɔ dɛma tso. To tsɔmi tso ɔ, lɛ nitsɛ e fɔ we e he; nɔ ko nɛ fɔɔ lɛ.”

Yesaya 66:14

Ke enɛ ɔ ba mi ɔ, nyɛ ma na bua jɔmi. Nyɛ ma na he wami he. Lɔ ɔ loko nyɛ maa le kaa imi Yawɛ ɔ, nihi nɛ buɔ mi tue ɔ, i piɛɔ a he, nɛ i kɛ abofu gblaa ye he nyɛli a tue.”

Yesaya 13:5

A je tsitsaa je mi nyagbe he ɔmɛ tsuo kɛ ma. Yawɛ kɛ e mi mi fumi ɔ ma kpata zugba a tsuo hɛ mi.

Yesaya 8:4

Loko bi nɛ ɔ maa le ‘Maa’ loo ‘Tsaatsɛ’ demi ɔ, Asiria matsɛ ɔ ma ba muɔ Damasko sika tsuo, kɛ Samaria ta yibu ní tsuo kɛ ho.”

La 125:3

Yiwutsotsɛmɛ be nihi nɛ peeɔ nɔ́ nɛ da a a zugba nɔ yee daa, ke pi ja a, dali po maa pee yayami.

La 17:14

Jé mi kɛ je nihi nɛ ná je nɛ ɔ mi níhi tsuo nɛ a ngɛ hlae ɔ a dɛ mi. Ngɔɔ haomihi nɛ o ngɔ to ha mɛ ɔ kɛ gbla a tue. Ha nɛ a bimɛ ba na haomi ɔ bɔ nɛ sa, nɛ eko nɛ piɛ ha a bibimɛ.

Mose I, 10:11

Se e je lejɛ ɔ kɛ ya Asiria, nɛ e ya po mahi ngɛ Nineve, Rehobot Ir, Kala,

Matsɛmɛ II, 19:25

Anɛ o nui kaa i bɔni nɔ́ nɛ ɔ he ní tsumi kɛ je kɛ lo? Nɔ́ nɛ i ngɛ pee nɛ ɔ, i to he ga kɛ je blema lokoo, konɛ mahi nɛ a fia gbogbo ngɔ wo a he ɔ, nyɛɛ pee mɛ ma dokuhi.

Yesaya 7:17

“Yawɛ ma ha haomi be ko ma ba na mo, kɛ o ma mi bi ɔmɛ, kɛ matsɛ weku ɔ tsuo. Kɛ je be nɛ Israel kɛ Yuda mi gba nɛ ɔ, be yaya kaa enɛ ɔ eko bɛ hyɛ. Asiria matsɛ ɔ ji haomi nɛ Yawɛ maa ngɔ kɛ ba a nɛ.

Yesaya 7:20

“Jamɛ a be ɔ, Nyɔmtsɛ ɔ ma ya ba asoyi ngɛ Yufrate pa a se kɛ ba. E kɛ ma ba sɛ nyɛ yi bwɔmi, kɛ nyɛ nane he bwɔmi, nɛ a maa sɛ nyɛ kpɛni hulɔ. Asiria matsɛ ɔ ji asoyi ɔ nɛ.

Yesaya 8:7

imi Nyɔmtsɛ ɔ nitsɛ, ma ngɔ Asiria matsɛ ɔ, kɛ e ta a tsuo kɛ ba tua Yuda. Ta a ma ba tua mɛ kaa bɔ nɛ Yufrate pa a hyiɔ ywiaa nga nɛ e haa zugba a nɔ ɔ.

Yesaya 10:25

Ma gbla nyɛ tue be bɔɔ ko kɛkɛ, nɛ lɔ ɔ se ɔ, ma kpata a hɛ mi.

Yesaya 14:24

Yawɛ Tabohiatsɛ ɔ ka kita ke, “Nɔ́ nɛ i to kaa ma pee ɔ maa ba mi ja. Nɔ́ nɛ i to ye yi mi kaa ma tsu ɔ, ma tsu kokooko.

Yesaya 23:13

Tsa pi Asiria bi nɛ pee ní nɛ ɔmɛ; Babilonia bi mohu nɛ ha lohwe dikali ba tua Tiro ma a; mɛ nɛ a fia kpoku kɛ wo Tiro ma a he, nɛ a ku mɔ nguangua amɛ kɛ pee lɛ ma doku.

Yesaya 26:20

Ye ma, nyɛ ya sɛ nyɛ we ɔmɛ a mi, nɛ nyɛɛ ngmɛ sinya amɛ a mi ngɔ wo nyɛ yi. Nyɛɛ laa nyɛ he be kpiti ko kɛ yaa si Mawu mi mi fumi ɔ nya maa be.

Yesaya 30:27

Yawɛ biɛ ngɛ pɛe ngɛ tsitsaa kɛ ma. E mi mi fu wawɛɛ nitsɛ kaa la su ku kpii nɛ ngɛ si tee. Munyuhi nɛ ngɛ e nya mi jee ɔ, abofu sɔuu kaa la nɛ puɛɔ ní.

Yesaya 34:2

Yawɛ mi mi fu je ma amɛ tsuo, nɛ e hɛ dɔ kɛ wo ta buli ɔmɛ tsuo. E gbiɛ mɛ, nɛ e ngɔ mɛ ngɔ ha ke a gbe mɛ.

Ezekiel 7:10

Hyɛ, ligbi ɔ ji nɛ ɔ nɛ! O nyagbe ɔ su! Israel, amanehlu be ɔ ba na mo. Nɔ sisimi ngɛ nɔ yae wawɛɛ kaa tso nɛ gba mɔmɔ, nɛ he womi hu nya wa kaa blɛfo nɛ je deke.

Ezekiel 22:31

Lɔ ɔ he ɔ, i ngɔ abofu nɛ nya wa kɛ gbla a tue. Ye mi mi la a kpata a hɛ mi pɛsɛpɛsɛ ngɛ a ní yayamihi nɛ a pee ɔ a he!” Nyɔmtsɛ Yawɛ lɛ de.

Habakuk 1:12

Yawɛ, mo ji Mawu kɛ je blema lokoo. Ye Mawu ji mo, o ngɛ klɔuklɔu, nɛ o ngɛ daa kɛ daa. Yawɛ ye Mawu kɛ ye yi baalɔ; mo nitsɛ nɛ o hla Babilonia bi ɔmɛ, nɛ o ha a te si wo wɔ, konɛ a nyɛ nɛ a gbla wa tue.

Mose IV, 24:24

Lɛhi maa je Kipro wo nya kɛ ba, nɛ a maa hao Asiria, kɛ Eber. Nɛ mɛ nitsɛmɛ hu a hɛ mi ma kpata!”

Matsɛmɛ II, 18:25

O susu kaa loko ma ba tua ma nɛ ɔ nɛ ma kpata e hɛ mi ɔ, Yawɛ li he nɔ́ ko lo? Yawɛ nitsɛ lɛ e de mi ke ma ba tua ma a, nɛ ma kpata ma a hɛ mi.”

Yesaya 29:2

ma nɛ a tsɛɛ “Mawu bɔ sami la tɛ ɔ”, Mawu ma ha e maa na amanehlu. Ma mi bi ɔmɛ maa ye kɔmɔ, nɛ a maa wo yana. Ma a tsuo maa pee kaa bɔ sami la tɛ ko nɛ a kpa muɔ ngɔ pue nɔ.

Yesaya 30:9

Ejakaa ma atuã tsɔli ji mɛ; lakpatsɛmɛ, kɛ nihi nɛ bui Yawɛ mlaa a ji mɛ.

Daniel 11:36

“Siria matsɛ ɔ maa pee e suɔmi nya ní. E ma wo e he nɔ, nɛ e maa pee lɛ kaa e kle pe mawu ɔmɛ tsuo. Mawu Ope ɔ nitsɛ po, e maa tu musu munyuhi kɛ si lɛ hluu kɛ yaa si be nɛ Mawu maa gbla e tue. Ejakaa nɔ́ nɛ Mawu to kaa e maa pee ɔ, ja e pee.

Nahum 1:1

Sɛ gbi nɛ kɔɔ Nineve ma a he ji nɛ ɔ nɛ. Nina nɛ Nahum nɛ je Elkosh ɔ na ngɛ Nineve he ji nɛ ɔ nɛ.