Yesaya 10:4 - BAIBLO ALOO NGMAMI KLƆUKLƆU Ɔ

⁴ Nɔ́ nɛ maa ba nyɛ nɔ ji, nyɛ maa nɔ ngɛ ta mi, aloo a maa nuu nyɛ kɛ ho kaa pamitsɛmɛ. Enɛ ɔ tsuo se ɔ, Yawɛ mi mi fumi ɔ se be poe kɛ yaa si e ma kpata a hɛ mi pɛsɛpɛsɛ.

Yesaya 10:4 ပူးပေါင်းရင်းမြစ်များ

Yesaya 5:25

Yawɛ mi mi fu e ma a, nɛ e wo e nine nɔ, konɛ e gbla a tue. Yo ɔmɛ ma mimiɛ, nɛ ni gbogboehi ma pue si ngɛ blɔ ɔmɛ a nɔ kaa dwɔmi. Ke e ba ja po, Yawɛ mi mi fumi ɔ se be poe, se e nine nɛ e wo nɔ ɔ, ja e kɛ gbla a tue kokooko.

Yeremia 37:10

Ke e ba mi kaa nyɛ ye Babilonia tabo ɔ tsuo nɔ, nɛ e piɛ nihi nɛ plaa kɛ pueɔ si ngɛ a bo tsuhi a mi po, jamɛatsɛmɛ ɔmɛ maa te si nɛ a maa sã ma nɛ ɔ kɛ̃.”

Yesaya 9:12

Siria ngɛ beleku je, nɛ Filistia ngɛ bonyoku je. A pa a nya mi hatoo, konɛ a mii Israel. Enɛ ɔ tsuo se ɔ, Yawɛ mi mi fumi ɔ se be poe kɛ yaa si e ma kpata a hɛ mi pɛsɛpɛsɛ.

Mose V, 32:30

Kɛ pee kɛɛ nɛ nɔ kake maa fie nihi akpe? Kɛ pee kɛɛ nɛ nihi enyɔ pɛ maa wo nihi akpe nyɔngma fo? Yawɛ, a Mawu ɔ kua mɛ; a Mawu ngua a ngmɛɛ a he.

Hosea 9:12

Ke a fɔ tete po, ma ha a ma gbo bi hluu kɛ yaa si kake ngmelu po be piɛe. Musu tloo mɛ wawɛɛ ke i kua mɛ.”

Yesaya 66:16

Nihi tsuo nɛ yeɔ fɔ ngɛ je ɔ mi ɔ, Yawɛ maa ngɔ la kɛ klaate kɛ kpata a hɛ mi. Nɛ nihi babauu ma gbo.

Yesaya 34:3

A be ni nɛmɛ nɛ nɔ ɔ pue; a ma sake a gbogboe ɔmɛ kɛ pue he kɛ a he fu gbɛ̃ɛ̃; nɛ yo ɔmɛ a nɔ maa pee tsutsuutsu kɛ a muɔ ɔ sɔuu.

Yesaya 24:22

Mawu ma bua mɛ tsuo a nya kɛ wo muɔ voo mi kaa pamitsɛmɛ. E maa wo mɛ tsu ngɛ lejɛ ɔ hluu kɛ yaa su be nɛ a maa gbla a tue.

Yesaya 22:2

Ma a mi tsuo pee hoo kɛ ngmlaa kɛ gidigidi sɔuu. O nihi nɛ gbo nɛ ɔ, pi ta nya nɛ a nɔ ngɛ.

Yesaya 9:21

Manase bi, kɛ Efraim bi maa hwu ta, nɛ lɔ ɔ se ɔ, a ma bua kɛ wo Yuda he. Enɛ ɔ tsuo se ɔ, Yawɛ mi mi fumi ɔ se be poe kɛ yaa si e ma kpata a hɛ mi pɛsɛpɛsɛ.

Yesaya 9:17

Lɔ ɔ he ɔ, Nyɔmtsɛ ɔ na we nihewi ɔmɛ a he bua jɔmi. Yalɔyi ɔmɛ, kɛ awusa amɛ hu e mɛ nɛ mɔbɔ; ejakaa ni ɔmɛ tsuo li Mawu; a pee a he yiwutsotsɛmɛ, nɛ munyu yaya pɛ a tuɔ. Enɛ ɔ tsuo he ɔ, Yawɛ mi mi fumi ɔ se be poe kɛ yaa si e ma kpata a hɛ mi pɛsɛpɛsɛ.

Mose III, 26:17

Ye hɛ maa dɔ kɛ wo nyɛ, nɛ nyɛ he nyɛli ɔmɛ maa fia nyɛ ní nɛ a gbe; a maa ye nyɛ nɔ wawɛɛ, nɛ ke nɔ ko nyɛɛ we nyɛ se po nyɛ maa hi fo nɔ pulɛpulɛ.

Yeremia 4:8

Enɛ ɔ he je ɔ, nyɛ bu kpekpe ya bo; nyɛɛ wo yana nɛ nyɛ nya awe, ejakaa Yawɛ mi mi fumi nɛ nya wa a ji Yuda nɔ lolo.

Yesaya 9:11

Enɛ ɔ he je ɔ, Yawɛ sú a he nyɛli ɔmɛ kɛ wo mɛ.

Yesaya 9:16

Nihi nɛ nyɛɛ ma a hɛ mi ɔ ha ma a laa blɔ, nɛ a pee basaa.

Yesaya 9:20

O maa na nɛ nihi ngɛ ní gblɔe hiɔ kɛ muɔ, nɛ a ngɛ yee tsuatsuaatsua, se a tɔɛ gblee. Mɛ nitsɛmɛ a bimɛ po, a ngɛ yee!

Yeremia 15:2

Ke a bi mo ke jije a maa ya a, de mɛ ke bɔ nɛ imi Yawɛ, i de ji nɛ ɔ nɛ: Nihi nɛ hiɔ maa gbe ɔ, ha nɛ hiɔ nɛ gbe mɛ! Ni nɛmɛ nɛ maa nɔ ta a, ha nɛ a nɔ ta! Nihi nɛ hwɔ maa gbe ɔ ha nɛ hwɔ nɛ gbe mɛ! Ni nɛmɛ hu nɛ a maa nuu nyɔguɛ ɔ, ha nɛ a nuu mɛ nyɔguɛ kɛ ho!