Yesaya 10:3 - BAIBLO ALOO NGMAMI KLƆUKLƆU Ɔ

³ Ke Mawu bɔni nyɛ tue gblami ɔ, kɛ nyɛ maa pee kɛɛ? Ke e ngɔ haomi kɛ je ma se kɛ ba na nyɛ ɔ, kɛ nyɛ maa pee kɛɛ? Mɛnɔ ngɔ nyɛ ma sa fo kɛ ya ya hla yemi kɛ buami? Jije nyɛ maa ngɔ nyɛ juetli kɛ to?

Yesaya 10:3 ပူးပေါင်းရင်းမြစ်များ

Mose I, 31:1

Yakob nu kaa Laban bimɛ ɔmɛ ngɛ dee ke, “Yakob kpɔ wa tsɛ weto ní tsuo ngɛ e dɛ, nɛ e kɛ na e he.”

Matsɛmɛ II, 7:15

Tsɔli ɔmɛ nyɛɛ Siria bi ɔmɛ a se kɛ ya su Yordan pa a nya tɔɔ. Benɛ a yaa a, a na tadehi, kɛ ní kpa komɛ nɛ Siria bi ɔmɛ sake ngɔ pue blɔ ɔ tue benɛ a ngɛ fo tue esɔesɔ ɔ. Tsɔli ɔmɛ kpale a se kɛ ba nɛ a ba bɔ matsɛ ɔ amaniɛ.

Hiob 31:14

Ke i pee we ja a, kɛ ma pee kɛ da Mawu hɛ mi kɛɛ? Ke Mawu ba nɛ́ e ba kojo mi ɔ, kɛ ma de kɛɛ?

Abɛ Womi 11:4

Ní babauu nɛ nɔ ko na a be nyɛe ma he e yi wami ngɛ kojomi ligbi ɔ nɔ. Nɔ́ nɛ ma nyɛ he e yi wami ji anɔkuale nɛ e yeɔ ɔ.

Yesaya 13:6

Nyɛ kpa bubuubui! Yawɛ ligbi ɔ su jehanɛ. Ligbi nɛ Tabohiatsɛ ɔ ma kpata níhi a hɛ mi ji nɛ ɔ nɛ.

Yesaya 17:4

Bɔ nɛ Yawɛ de ji nɛ ɔ nɛ: “Be ma nɛ Israel hɛ mi nyami ɔ tsuo maa ta; sa a, a ná ní kpɔtɔɔ, se jehanɛ lɛɛ a maa ye ohia.

Yesaya 20:6

Ke jamɛ a be ɔ su ɔ, nihi nɛ ngɛ Filistia wo ɔ nya a ma de ke, ‘Nihi nɛ wa ngɔ wa hɛ kɛ fɔ a nɔ kaa a ma je wɔ kɛ je Asiria matsɛ ɔ dɛ mi ɔ, hyɛ nɔ́ nɛ ba! Wɔɔ lɛɛ kɛ wa maa pee kɛɛ nɛ wa yi ma na wami?’ ”

Yesaya 26:14

O ha a gbo pɛsɛɛ, a be je mi hu; a kpadehi tete be si tee, ejakaa o gbla a tue; o kpata a hɛ mi pɛsɛɛ, nɔ ko nɔ ko kaii we mɛ hu.

Yesaya 26:21

Ejakaa Yawɛ je e hi he ɔ kɛ ma je ɔ mi nɛ e ba gbla nimli adesahi a tue ngɛ a he yayami ɔmɛ a he. Nihi nɛ a gbe ngɛ laami mi ngɛ je ɔ mi ɔ, a ma je mɛ tsuo kpo nɛ a na mɛ; zugba a be jamɛ a ni ɔmɛ a nɔ laae hu.

Yesaya 28:20

Kaa bɔ nɛ a buu abɛ ɔ, nyɛ maa pee kaa nyumu ko nɛ ngɛ hlae nɛ e hwɔ si ngɛ sa tso kpiti ko nɔ. Sa tso ɔ ka we bɔ nɛ e ma nyɛ kpã e mi ngɛ nɔ, nɛ e nɔ hami bo ɔ hu bli we bɔ nɛ e ma nyɛ kɛ ha e he tsuo.

Yesaya 29:6

Yawɛ Tabohiatsɛ ɔ ma he o yi wami. E ma ha hiɔmi ma si, zugba ma mimiɛ wawɛɛ, nɛ lejɛ ɔ tsuo maa pee hoo. Lasiogblee, ahumi, kɛ la gegeege maa ba;

Yesaya 30:16

Mohu, nyɛ to nyɛ yi mi kaa nyɛ maa hi okpɔngɔhi nɛ a he sɔɔ a nɔ kɛ tu fo kɛ je nyɛ he nyɛli ɔmɛ a he. Nɛ nyɛ nɔ́ da niinɛ; e sa kaa nyɛɛ tu fo kɛ je nyɛ he nyɛli a dɛ mi! Nyɛ susu kaa nyɛ we okpɔngɔ ɔmɛ a he sɔɔ saminya, se nihi nɛ nyɛɛ nyɛ se ɔ, a he sɔɔ kulaa pe nyɛ!

Yesaya 30:5

Yuda bi ɔmɛ ma pia a he; benɛ a ngɛ blɔ hyɛe kaa Egipt ma ba piɛ a he ɔ, zo kɛ hɛ mi si puemi mohu ji nɔ́ nɛ maa je mi kɛ ba.”

Yesaya 30:7

Egipt be nɔ́ kpakpa ko nyɛe maa pee. Lɔ ɔ he ɔ, i wo lɛ se mi biɛ ke, ‘Nyaka nɛ tee, se e he be gbeye.’ ”

Yesaya 33:14

Yayami peeli nɛ ngɛ Zion ɔ nu sawale, nɛ a he ngɛ doe blibliibli. Nɔ́ nɛ a ngɛ a he bie ji, “La nɛ ngɛ ní puɛe nɛ ɔ, wa ti mɛnɔ ma nyɛ nya maa da? La nɛ ngɛ tsoe nɛ gbo we gblegbleegble nɛ ɔ nɛ, wa ti mɛnɔ ma nyɛ nya maa da?”

Yesaya 39:3

Kɛkɛ nɛ gbalɔ Yesaya ba Matsɛ Hezekia ngɔ, nɛ e ba bi lɛ ke, “Nyumu ɔmɛ nɛ ba o ngɔ ɔ, jije a je, nɛ mɛni a ba de mo?” Hezekia he nɔ ke, “A je Babilonia zugba a nɔ, ngɛ tsitsaa lokoo.”

Yesaya 5:14

Hwɔ ngɛ gbeje yee, nɛ e gbɛ e nya mi hatoo nɛ e maa mii mɛ. E ngɛ Yerusalem odehe ɔmɛ, kɛ ni gu ɔmɛ nɛ a ngɛ hoo pee ɔ tsuo miie si kake too.

Yesaya 5:26

Yawɛ pee okadi ko kɛ tsɛ ma ko kɛ je ma se lokoo. E kpa bɛ kɛ tsɛ mɛ kɛ je je ɔ nyagbe he ɔmɛ. O nɛ mɛ nɛ a ma kɛ fo esɔesɔ.

Yeremia 22:7

Ma tsɔ nihi nɛ a ma ya puɛ lejɛ ɔ pɛsɛpɛsɛ. Nɔ tsuaa nɔ maa hɛɛ gbiɛ. A maa poo seda titima kpakpa amɛ, nɛ a ma sake kɛ wo la mi.

Yeremia 4:30

Yerusalem, o hɛ mi kpata pɛ! Mɛni he je lɛ o bu bo tsu ɔ? Mɛni he je lɛ o kɛ june dla o he, nɛ o kpa o hɛngmɛ se tsopa a? O ngɛ o he dlae yaka gu! O suɔli ɔmɛ kua mo, nɛ a ngɛ mo hlae nɛ a gbe.

Yeremia 5:31

Gbali ɔmɛ a sɛ gbi ɔ, lakpa sɔuu; nɔ́ nɛ mɛɛ a fa osɔfo ɔmɛ ke a pee ɔ, lɔ ɔ osɔfo ɔmɛ peeɔ. Nɛ ye ma a hu suɔ ja. Se nyagbe ɔ, kɛ a maa pee kɛɛ?”

Yeremia 9:9

Anɛ ma ko gbla a tue ngɛ ní nɛ ɔmɛ a he lo? Ma nɛ ngɛ kaa kikɛ nɛ ɔ, ma ko gbla a tue lo? Imi, Yawɛ lɛ i ngɛ munyu tue ɔ nɛ.”

Hosea 5:13

“Benɛ Israel na kaa e hiɔ ɔ nya ba wa, nɛ Yuda hu na kaa e plaa wawɛɛ nitsɛ ɔ, Israel ho Asiria matsɛ ɔ ngɔ ya ya bi yemi kɛ buami. Se e nyɛ we nɛ e tsa hiɔ ɔ ha Israel, nɛ pa amɛ hu e nyɛ we nɛ e pee nɔ́ ko ngɛ a he.

Hosea 9:5

Lɛɛ ke nyami be ɔmɛ su ɔ, kɛ Israel ma a maa pee kɛɛ? Yawɛ nyami be ɔ, mɛni a maa pee?

Hosea 9:7

Be nɛ a maa gbla Israel ma a tue ɔ su. Be ɔ su nɛ a maa wo mɛ hiɔ. Kɛkɛ ɔ, nɔ tsuaa nɔ maa hɛli si! Nyɛ deɔ ke, “Gbalɔ nɛ ɔ biɛ lo! Nyumu ɔ nɛ na mumi ɔ nu godo!” Nyɛ deɔ enɛ ɔ, ejakaa nyɛ he yayami hiɛ babauu; nɛ nyɛ sume mi saasaa.

Amos 5:19

Jamɛ a ligbi ɔ, nyɛ sane maa pee kaa nyumu ko nɛ tu fo kɛ je jata nya mi, nɛ e kɛ osisiblisi ya kpe! Aloo nyumu ko nɛ je pu mi kɛ ba we mi kɛ pɔtɔ. Benɛ e kpasa gbogbo nɛ́ e jɔɔ e he ɔ, kɛkɛ sinɔ kɔ lɛ.

Mika 7:4

A ti ni kpakpahi, loo ni nɛmɛ nɛ da pe kulaa po, a ngɛ kaa nga kɛkɛ; a he be se nami. Be ɔ nɛ Mawu maa gbla e ma a tue ɔ su ta; haomi kɛ he hiami, kɛ hɛ mi kpatami be ɔ su ta.

Zefania 1:18

Ligbi ɔ nɛ Yawɛ ma je e mi mi fumi ɔ kpo ɔ, nɔ́ ko nɔ́ ko be nyɛe ma he ma a yi wami: sika hiɔ jio, sika tsu jio. E kɛ e mi mi fumi ɔ ma kpata je ɔ tsuo hɛ mi kaa bɔ nɛ la sãã nɔ́ ɔ. E maa gbe níhi tsuo ngɛ je ɔ mi si kake too.

Luka 19:44

A ma kpata o hɛ mi pɛsɛpɛsɛ, nɛ nihi nɛ ngɛ ma a mi hu a maa gbe mɛ tsuo; a be tɛ kake po sie ngɛ e blɔ he. Ní nɛ ɔmɛ tsuo maa ba o nɔ, ejakaa be ɔ nɛ Mawu ba nɛ e ba kpɔ mo ɔ, o kplɛɛ we.”

Mose V, 28:49

Yawɛ ma ha je ma ko nɛ nyɛ nui a gbi maa je zugba a nyagbe he ɔmɛ nɛ a kɛ nyɛ ba hwu. A ma ba tua nyɛ tlukaa kaa bɔ nɛ kɔle gblɔɔ nɔ́ ɔ.

1 Petro 2:12

Nyɛɛ ba nyɛ je mi saminya ngɛ ma je li ɔmɛ a kpɛti. Ke nyɛ pee jã, nɛ a po nyɛ nya kaa yayami peeli ji nyɛ po, kpakpa nɛ nyɛ ngɛ pee ɔ, a maa na. Kɛkɛ ɔ, ligbi ɔ nɛ Mawu ma ba kojo je ɔ, a maa wo e hɛ mi nyami.