Yesaya 10:27 - BAIBLO ALOO NGMAMI KLƆUKLƆU Ɔ

²⁷ Jamɛ a be ɔ, ma je Asiria tlomi ɔ kɛ je nyɛ nɔ, nɛ ma ku kuɛpã tso ɔ nɛ e kɛ wo nyɛ kuɛ ɔ.”

Yesaya 10:27 ပူးပေါင်းရင်းမြစ်များ

Yesaya 9:4

Ejakaa lohwe kuɛpã tso nɛ jiɔ kaa tlomi ngɛ a nɔ, kɛ to tsɔ̃mi tso nɛ a kɛ fiaa a konɔ kɛ wa mɛ yi mi ɔ, o ku a mi kaa bɔ nɛ blema a o pee Midian bi ɔmɛ ɔ.

Luka 4:18

“Nyɔmtsɛ ɔ Mumi ɔ ngɛ ye nɔ; Nyɔmtsɛ ɔ hla mi ke ma ngɔ sane kpakpa a ba ha nihi nɛ a ni ngɛ mɔbɔ. E tsɔ mi ke ma ba fiɛ ke, ‘Nyɛ nyɔguɛhi, nyɛ ye nyɛ he oo nyɛ ye nyɛ he! Hɛ yuyuili, nyɛ maa hyɛ nɔ́ oo nyɛ maa hyɛ nɔ!’ E tsɔ mi ke ma ba kpɔ nihi nɛ a ngɛ mɛ yi mi wae ɔ,

Yesaya 14:25

Ma kpata Asiria bi ɔmɛ a hɛ mi ngɛ ye ma Israel zugba a nɔ, nɛ ma naa a nɔ ngɛ ye yo ɔmɛ a nɔ. Ma je ye ma a kuɛ kɛ je kuɛpã tso nɛ Asiria bi ɔmɛ kɛ wo lɛ ɔ mi; nɛ tlomi nɛ a ha ye ma a tloo ɔ hu, ma je ngɛ a nɔ.

La 105:15

“Ye nihi nɛ i pɔ mɛ nu ji nɛ ɔmɛ nɛ; nyɛ ko ye mɛ awi! Ye gbali ji nɛ ɔmɛ nɛ, nyɛ ko ta a he.”

1 Yohane 2:20

Se nyɛɛ lɛɛ, Kristo ha nyɛ Mumi Klɔuklɔu ɔ, nɛ lɔ ɔ he ɔ, nyɛ tsuo nyɛ le anɔkuale ɔ.

La 45:7

O suɔ nɔ́ nɛ da, se yayami lɛɛ o hĩɔ; enɛ ɔ he je ɔ, o Mawu ɔ wo mo matsɛ, nɛ e ha mo bua jɔmi pe matsɛmɛ ɔmɛ tsuo.

La 20:6

Jehanɛ lɛɛ i le kaa Yawɛ ma he nɔ nɛ e pɔ lɛ nu ɔ yi wami. E maa bu lɛ tue kɛ maa je e hiɔwe klɔuklɔu ɔ; e maa piɛ e he kɛ ye kunimi nguanguahi.

1 Yohane 2:27

Se nyɛɛ lɛɛ Kristo ha e mumi ɔ ba nyɛ nɔ. Be abɔ nɛ e mumi ɔ ngɛ nyɛ nɔ ɔ, e hia we nɛ nɔ ko nɛ ba tsɔɔ nyɛ ní. Ejakaa mumi ɔ ngɛ nyɛ nɔ́ tsuaa nɔ́ tsɔɔe; nɛ anɔkuale ɔ mumi ɔ ngɛ nyɛ tsɔɔe ɔ nɛ, pi lakpa. Lɔ ɔ he ɔ, nyɛɛ bu nɔ́ nɛ mumi ɔ ngɛ tsɔɔe ɔ tue, konɛ nyɛɛ ya nɔ nɛ nyɛɛ hi Kristo mi.

Samuel II, 1:21

Nyɛ Gilboa yohi, bɔ́, loo hiɔmi nɛ ko nɛ ngɛ nyɛ nɔ; nyɛ ngmɔ ko ngmɔ ko nɛ kó ba ní. Ejakaa lejɛ ɔ nyɛ katsɛmɛ ɔmɛ a tsɛ̃i ɔmɛ a hɛ mi pue si ngɛ; Saul tsɛ̃i ɔ fɔɔ si nɛ a pɔɛ he nu hu!

La 84:9

Mawu, wa kpa mo pɛɛ nɛ o gbaa wa matsɛ ɔ, nɔ nɛ mo nitsɛ o pɔ lɛ nu ɔ.

Ni Tsumi 4:27

Niinɛ, Herode, Pontio Pilato, ma je li ɔmɛ, kɛ Israel ma amɛ hu ba bua a he nya ngɛ ma nɛ ɔ mi ngɔ wo Yesu, o tsɔlɔ klɔuklɔu nɛ o pɔ lɛ nu ɔ he.

Yesaya 37:35

Ejakaa ma bu ma nɛ ɔ he; nɛ nɔ́ ko nɔ́ ko be a he sae. Ma pee nɔ́ nɛ ɔ ngɛ ye tsɔlɔ David he kɛ wo imi nitsɛ ye hɛ mi nyami.’ ”

La 132:10

Yawɛ, mo nitsɛ lɛ o wo o tsɔlɔ David si, nɛ o wo lɛ matsɛ, lɔ ɔ he ɔ, ko kua lɛ.

La 2:6

nɛ e ma de mɛ ke, “Imi Yawɛ nitsɛ lɛ i ngɔ ye matsɛ ɔ ngɔ to Zion, ye yoku klɔuklɔu ɔ nɔ.”

Yohane 1:41

E kɛ we kulaa nɛ Andrea kɛ e nyɛmi Simon ba kpe. Andrea de Simon ke, “Wa na Mesia a.” (Mesia sisi ji Kristo).

La 81:6

“I je nyɛ tlomi ɔmɛ kɛ je nyɛ nɔ; i ha nɛ nyɛ ngmɛɛ nyɛ kusii ɔmɛ a he.

Yesaya 30:23

Ke nyɛ du ní ɔ, Yawɛ ma ha hiɔmi maa nɛ kɛ pue zugba a nɔ, nɛ niye ní babauu maa ba; jamɛ a be ɔ mi ɔ, nyɛ na amɛ ma na zugba agbo nɛ a maa ye ní ngɛ nɔ.

Yesaya 52:2

Yerusalem nɛ a pee mo nyɔguɛ, tee si nɛ o huanya bunyuku ɔ ngɔ pue si, nɛ o hi o matsɛ sɛ ɔ nɔ! Zion biyo nɛ a nu mo nɛ a bɔ mo pã, je pã a ngɛ o kuɛ!

Yesaya 55:2

Mɛni he je nyɛ puɛɔ sika kɛ heɔ nɔ nɛ be nyɛ tɔe? Mɛni he je nyɛ ngɔɔ nyɛ ní tsumi mi hiɔwo kɛ heɔ nɔ́ nɛ tɔɛ nɔ? Nyɛɛ bu mi tue saminya nɛ nyɛɛ pee nɔ nɛ i ngɛ dee ɔ; kɛkɛ nyɛ maa ye ní kpakpahi nɛ nyɛ bua maa jɔ nyɛ he.

Ezekiel 30:18

Ma kpɔ Egipt he wami ɔ ngɛ e dɛ, nɛ e he nɔ womi babauu ɔ se maa po; jamɛ a be ɔ, diblii maa wo ngɛ Tafanes piani katakata. Amanehlu maa pee kaa bɔku nɛ ha Egipt zugba a nɔ, nɛ a maa nuu e ma amɛ a mi bi ɔmɛ tsuo nyɔguɛ.

Mose III, 7:35

Bɔhi nɛ a kɛ la sãã ha Yawɛ ɔ, Aaron kɛ e bimɛ ɔmɛ a blɔ fa mi nɔ́ nɛ a gbaa nɔ kɛ ha mɛ kɛ je be nɛ a wo mɛ osɔfo ji nɛ ɔ nɛ.

Yeremia 30:8

Yawɛ Tabohiatsɛ ɔ ke, “Jamɛ a ligbi ɔ, ma ku kuɛpã tsohi nɛ ngɛ a kuɛ ɔ, nɛ ma tsɔ kɔsɔkɔsɔ ɔmɛ. Nɛ a be ni kpahi sɔmɔe hu.