Yesaya 10:18 - BAIBLO ALOO NGMAMI KLƆUKLƆU Ɔ

¹⁸ Hue kpakpa amɛ, kɛ ngmɔhi nɛ baa ní saminya a, a hɛ mi ma kpata pɛsɛpɛsɛ kaa bɔ nɛ gbenɔ hiɔ kpataa nɔmlɔ adesa hɛ mi ɔ.

Yesaya 10:18 ပူးပေါင်းရင်းမြစ်များ

Matsɛmɛ II, 19:23

O tsɔ o tsɔli kɛ ba ye Yawɛ he fɛu nɛ o de ke, ‘I ngɔ ye ta zugba lɛhi babauu kɛ kuɔ yoku ɔmɛ kɛ ya su Lebanon tɔɔ. I poo Lebanon seda tso gagaá amɛ, kɛ sɛsɛo saminyawiiwi ɔmɛ ngɔ pue si. I sɛ Lebanon hue kusuu ɔ mi kɛ ya tsitsaa lokoo.

Yeremia 21:14

Se imi lɛɛ ma gbla o tue ngɛ nɔ́ nɛ o pee ɔ he. Ma mɛ o matsɛ we ɔ he la, nɛ la a maa sa nɔ́ tsuaa nɔ́ kɛ bɔle si. Imi, Yawɛ lɛ i de.”

Yesaya 9:18

Ma a yi wu tso ní peemi ɔ nya wa kaa la nɛ ngɛ mio tso hue, kɛ miohi sãe. E ngɛ tsoe kaa hue nɛ ngɛ sãe, nɛ la su ku ngɛ jee titiiti kɛ yaa hiɔwe.

Matsɛmɛ II, 19:28

Akɛnɛ o kɛ mi tuɔ munyu basabasa, nɛ i nu o he nɔ womi hu he he je ɔ, ma ngɔ gbowe kɛ wo o gugwɔ mi, ma wo o nya mi dade; nɛ ma kpale mo kɛ maa gu blɔ nɛ o gu nɔ kɛ ba a nɔ.”

Yesaya 10:16

Nyɔmtsɛ Yawɛ Tabohiatsɛ ɔ maa ngɔ hiɔ kɛ gbla ta buli nɛ je oblai ɔ tsuo a tue. A maa ta he lo. La ko ma mle ngɛ a nɔmlɔ tso mi, nɛ la nɛ ɔ maa tso wawɛɛ.

Yesaya 32:19

(Se gbiɛ ngo ngu maa nɛ pue a ngmɔ ɔmɛ a mi, nɛ a ma a hɛ mi ma kpata.)

Yesaya 37:24

O tsɔ o tsɔli kɛ ba ye imi Nyɔmtsɛ ɔ ye he fɛu, nɛ o de ke, ‘I ngɔ ye ta zugba lɛhi kɛ kuɔ yo ɔmɛ kɛ ya su Lebanon tɔɔ. I poo Lebanon seda tso gagaa amɛ, kɛ sɛsɛo saminyawiiwi ɔmɛ ngɔ pue si. I sɛ Lebanon hue kusuu ɔ mi kɛ ya tsitsaa lokoo.

Zakaria 12:6

“Jamɛ a be ɔ, ma ha Yuda we puɔ nya amɛ maa pee kaa buɛ kɛ e he la gegeege nɛ a to lɛ́ ngɔ wo sisi, loo kaa blɛfo nɛ a kpɔ, nɛ a bua nya pue jatɛ kɛ e nya la nɔ. Je ma amɛ nɛ bɔle mɛ ɔ tsuo a hɛ mi ma kpata, se Yerusalem lɛɛ e maa ma e ma he ɔ nɔuu.