Yesaya 10:17 - BAIBLO ALOO NGMAMI KLƆUKLƆU Ɔ

¹⁷ Mawu nɛ ji la kɛ ha Israel ɔ ma mle. Mawu klɔuklɔu ha Israel ɔ ma mle kɛ la, nɛ ligbi kake too mi ɔ, e maa sã nɔ́ tsuaa nɔ́; e maa sã mio ɔmɛ, kɛ mio tso ɔmɛ tsuo.

Yesaya 10:17 ပူးပေါင်းရင်းမြစ်များ

Yesaya 27:4

Ye wai ngmɔ ɔ he mi mi la ko be ye mi hu. Ke kaa miohi, kɛ mio pu kɛkɛ nɛ i kɛ gba ta a, jinɛ ma ya mɛ a he la, nɛ ma sã mɛ tsuo.

Kpojemi 22:5

Diblii be si hie hu, nɛ kane, loo pu la he be mɛ hiae, ejakaa Nyɔmtsɛ Mawu ma ha mɛ la, nɛ a maa ye matsɛ kɛ maa ya neneene.

Nahum 1:10

Kaa bɔ nɛ a buaa mio tsohi, kɛ go gbigbli nya nɛ a sãã a, jã e maa sã nyɛ butuu!

Yeremia 7:20

Lɔ ɔ he ɔ, imi Nyɔmtsɛ Yawɛ, ma plɛ ye mi mi fumi nɛ nya wa kaa la nɛ ngɛ tsoe plamplam nɛ hí gbemi ɔ kɛ pue we nɛ ɔ nɔ. Ye mi mi ma fu nimli, lohwehi, tsohi, kɛ ngmɔ niba ní tsuo.

Yeremia 4:4

Somi nɛ nyɛɛ kɛ imi Yawɛ, nyɛ so ɔ, nyɛɛ ye nɔ, nɛ nyɛɛ ngɔ nyɛ he kɛ ha mi, nyɛ Yuda ma, kɛ Yerusalem bi. Ke nyɛ pee we ja a, ye mi mi ma fu nyɛ ngɛ nyɛ ní yayami ɔmɛ a he. Nɛ ke ye mi mi fu ɔ, nɔ ko be nyɛe maa jɔɔ he.”

Yesaya 37:23

Mɛnɔ he fɛu o ye ɔ? Mɛnɔ ahlua o bɔ ɔ? Mɛnɔ nɔ o wo o nya nɔ ngɛ ɔ? Mɛnɔ o bui ɔ? Pi imi, Israel Mawu klɔuklɔu ɔ lo?

Mose IV, 16:35

Kɛkɛ nɛ la je Yawɛ ngɔ ba sã nimli lafa enyɔ kɛ nyingmi enuɔ ɔmɛ nɛ a ngɔ tsopa kɛ e he via a kɛ ba a.

Kpojemi 21:23

Pu, loo nyɔhiɔ nɛ ma kpɛ he hia we ngɛ ma a mi; ejakaa Mawu hɛ mi nyami ɔ ji la nɛ kpɛɔ ngɛ ma a mi, nɛ To bi ɔ ji e kane.

Hebribi 12:29

ejakaa wa Mawu ɔ, la nɛ kpataa nɔ́ hɛ mi pɛsɛpɛsɛ ji lɛ.

Mateo 3:12

E hɛɛ e ngma mi sami tsimi ngɛ e dɛ, nɛ e kɛ maa sa e ngma a tsuo mi. E ma bua e ngma a nya kɛ wo gba mi, se tsakati ɔ lɛɛ e maa sã ngɛ la nɛ gbo we gblegbleegble mi.”

Yesaya 66:24

“Ke a je hiɛ ɔ, a ma ya na nihi nɛ kua mi ɔ a gbogboehi nɛ pueɔ si. Gɔgɔ nɛ gbogboe ɔmɛ wo ɔ be gboe gblegbleegble, nɛ la nɛ ngɛ mɛ sããe ɔ hu a be nyɛe maa gbe; a maa pee he mi nyɛɛmi nɔ́ ha nimli adesahi tsuo.”

Yesaya 60:19

“Tsa pi pu nɛ maa pee la ha mo piani hu, jehanɛ hu tsa pi nyɔhiɔ nɛ ma ha mo la nyɔ mi. Se mohu imi Yawɛ nitsɛ ma pee o la kɛ maa ya neneene. Ye hɛ mi nyami maa pee kaa la nɛ ma kpɛ ha mo.

Yesaya 37:36

Jamɛ a nyɔ ɔ mi nɔuu ɔ, Yawɛ bɔfo ko ya gbe ta buli 185,000 ngɛ Asiria ta a mi. E nɔ jena makɛ ɔ, ne mɛ nɛ a gbo kɛ pueɔ si.

Yesaya 33:14

Yayami peeli nɛ ngɛ Zion ɔ nu sawale, nɛ a he ngɛ doe blibliibli. Nɔ́ nɛ a ngɛ a he bie ji, “La nɛ ngɛ ní puɛe nɛ ɔ, wa ti mɛnɔ ma nyɛ nya maa da? La nɛ ngɛ tsoe nɛ gbo we gblegbleegble nɛ ɔ nɛ, wa ti mɛnɔ ma nyɛ nya maa da?”

Yesaya 31:9

A matsɛ ɔ kɛ sawale maa tu fo kɛ je, nɛ ma nimeli ɔmɛ hu maa ye gbeye wawɛɛ nitsɛ, nɛ a maa ma fo kɛ je a ta aflangaa amɛ a he.” Yawɛ lɛ de. Lɛ ji Yawɛ nɛ a jaa lɛ ngɛ Yerusalem, nɛ a kɛ la sãã bɔ haa lɛ ngɛ lejɛ ɔ nɛ.

Yesaya 9:18

Ma a yi wu tso ní peemi ɔ nya wa kaa la nɛ ngɛ mio tso hue, kɛ miohi sãe. E ngɛ tsoe kaa hue nɛ ngɛ sãe, nɛ la su ku ngɛ jee titiiti kɛ yaa hiɔwe.

La 97:3

La jeɔ ngɛ e hɛ mi, nɛ e sãã e he nyɛli nɛ bɔle lɛ ɔ.

La 84:11

Yawɛ Mawu ji wa pu kɛ wa tsɛ̃i. E naa wɔ mɔbɔ, nɛ e woɔ wa hɛ mi nyami. Nihi nɛ peeɔ nɔ́ nɛ da a, e ha we nɛ nɔ́ ko hiaa mɛ.

La 50:3

Wa Mawu ɔ ma oo, e pee we di, se mohu la gegeege nɛ puɛɔ nɔ́ ngɛ e hɛ mi kɛ ma, nɛ ahumi ngɛ fiae kɛ ngɛ lɛ bɔlee.

La 27:1

Yawɛ ji ye la; lɛ ji ye yi wami helɔ. lɔ ɔ he ɔ, i yi nɔ ko nɔ ko gbeye. Yawɛ ji ye he wami nɛ buu ye he; mɛnɔ gbeye ma ye mɔ?

La 21:9

Ke o je o he kpo ɔ, a hɛ mi ma kpata kaa nɔ́ nɛ flɔɔnɔɔ kɛ e mi la mi a ngɛ. Mo Yawɛ, o mi mi ma fu mɛ. O maa mii mɛ, nɛ la hu maa sã mɛ.

La 18:8

La su ku hia kɛ je e gugwɔ puɔhi a mi; la nɛ ngɛ tsoe je e nya mi, nɛ hã nɛ tsɛ̃ je e mi.

Yesaya 26:11

Yawɛ, o to kaa o maa gbla he nyɛli ɔmɛ a tue, se a li tete. Ha nɛ zo nɛ gbe mɛ, nɛ a na nɔ́. Gbla a tue kaa bɔ nɛ o to ha mɛ ɔ. Ha nɛ a na kaa o suɔ o ma a sane saminya.

Yesaya 27:7

Yawɛ gbla we Israel tue wawɛɛ kaa bɔ nɛ e gbla a he nyɛli ɔmɛ a tue ɔ; nɛ Israel bi nɛ nɔ ngɛ ta mi ɔ hu, a he híɛ kulaa kaa he nyɛli ɔmɛ.

Yesaya 30:33

Blema lokoo ɔ, a tsua muɔ ko nɛ a maa sã Asiria matsɛ ɔ ngɛ mi. Muɔ ɔ mi kuɔ, nɛ e bli, nɛ a to lɛ́ babauu kɛ wo mi. Yawɛ mumi ɔ nɛ ngɛ kaa la nɛ ngɛ tsoe plamplam ɔ maa sã lɛ.

Yesaya 31:1

Musu tloo nihi nɛ yaa Egipt ya biɔ yemi kɛ buami ngɛ lejɛ ɔ. Musu tloo mɛ, ejakaa a ngɔɔ a hɛ kɛ fɔɔ Egipt ta zugba lɛhi, kɛ okpɔngɔ ta buli a nɔ; ejakaa a hiɛ babauu, nɛ a he wa hulɔ. Se a ngɔɛ a hɛ kɛ fɔ we Yawɛ, Israel Mawu klɔuklɔu ɔ mohu nɔ; ga womi hu a bi we lɛ.

Yesaya 33:12

Nyɛ ta buli babauu ɔ maa sã ngɛ ta nga nɔ. A maa pee kaa la zu, loo mio tso nɛ a po kɛ pue si nɛ a mɛ he la.

Yesaya 47:14

“A maa pee kaa nga gbigbli, nɛ la maa sã mɛ! A be nyɛe ma he mɛ nitsɛmɛ a yi wami; la lilɛ ɔmɛ maa sã mɛ. Pi la kulɔɔ nɛ a hluiɔ ji nɛ ɔ; pi la nɛ a hii he.

Zakaria 12:6

“Jamɛ a be ɔ, ma ha Yuda we puɔ nya amɛ maa pee kaa buɛ kɛ e he la gegeege nɛ a to lɛ́ ngɔ wo sisi, loo kaa blɛfo nɛ a kpɔ, nɛ a bua nya pue jatɛ kɛ e nya la nɔ. Je ma amɛ nɛ bɔle mɛ ɔ tsuo a hɛ mi ma kpata, se Yerusalem lɛɛ e maa ma e ma he ɔ nɔuu.

Mose V, 4:24

Ejakaa Yawɛ, nyɛ Mawu ɔ ngɛ kaa la nɛ ngɛ tsoe plamplam; a kɛ lɛ plee we nɔ́ he.

Zefania 1:18

Ligbi ɔ nɛ Yawɛ ma je e mi mi fumi ɔ kpo ɔ, nɔ́ ko nɔ́ ko be nyɛe ma he ma a yi wami: sika hiɔ jio, sika tsu jio. E kɛ e mi mi fumi ɔ ma kpata je ɔ tsuo hɛ mi kaa bɔ nɛ la sãã nɔ́ ɔ. E maa gbe níhi tsuo ngɛ je ɔ mi si kake too.