Yesaya 10:1 - BAIBLO ALOO NGMAMI KLƆUKLƆU Ɔ

¹ Musu tloo nyɛ! Nyɛ nɛ nyɛ woɔ mlaahi nɛ dɛ, nɛ nyɛ ngmaa mlaahi nɛ nyɛ kɛ waa ye ma a yi mi.

Yesaya 10:1 ပူးပေါင်းရင်းမြစ်များ

Luka 11:52

“Nyɛ mlaa tsɔɔli, musu tloo nyɛ! Safe nɛ bliɔ sinya nɛ yaa nile we ɔ, nyɛ ngɔ kɛ to; nyɛ nitsɛmɛ nyɛ yɛ lejɛ ɔ, nɛ nihi nɛ hlaa kaa a maa ya hu nyɛ tsiɔ mɛ blɔ!”

Mateo 23:23

“Nyɛ mlaa tsɔɔli kɛ Farisi bi! Musu tloo nyɛ! Osatotsɛmɛ! Nyɛ haa Mawu kowɛ, kɛ anisi, kɛ kumino mi dlami nyɔngmanyɔngma mi kakaaka, se níhi nɛ mlaa a tsɔɔ kaa a he hia, níhi kaa dami sane yemi, mɔbɔ nami, kɛ anɔkuale yemi ɔ, lɔ ɔmɛ lɛɛ nyɛ siɔ. Jinɛ e sa kaa nyɛɛ pee enɛ ɔmɛ, nɛ nyɛ ko si ekpa amɛ hulɔ.

Yohane 19:6

Benɛ osɔfo nikɔtɔma amɛ, kɛ tsɔli ɔmɛ na Yesu ɔ, a kpa ngmlaa ke, “Sɛu lɛ! Sɛu lɛ!” Pilato de mɛ ke, “Nyɛ nitsɛmɛ nyɛɛ ngɔ lɛ nɛ nyɛ ya sɛu mɔ; ejakaa imi lɛɛ i nɛ sane yobu ko ngɛ e he nɛ ma da nɔ kɛ bu lɛ fɔ.”

Yohane 9:22

Nyumu ɔ fɔli ɔmɛ de enɛ ɔ, ejakaa a ngɛ Yuda ma nimeli ɔmɛ gbeye yee. Blɔɔ Yuda bi ɔmɛ so ngɔ to kaa ke nɔ ko ma gba mi paa ma de ke Yesu ji Kristo ɔ, a maa fie jamɛatsɛ ɔ kɛ je kpe he ɔ.

Habakuk 2:6

Nihi nɛ a ye a nɔ mohu maa ye kunimi yeli ɔmɛ a he fɛu, nɛ a maa muɔ mɛ. A ma de ke, “Musu tloo nihi nɛ ngɔɔ níhi nɛ pi a nɔ kɛ peeɔ a nɔ! Kɛ yaa si mɛni be po nyɛ maa hi awaba níhi kpɔe ngɛ níhi a dɛ konɛ nyɛ ná ní?”

Yesaya 5:8

Musu tloo nyɛ! Wehi babauu, kɛ zugbahi nyɛ ngɛ hee kɛ ngɛ ní nɛmɛ nɛ nyɛ ngɛ momo ɔ a he piɛe. E be kɛe kulaa nɛ nɔ kpa ko be he ko nae maa hi hu, nɛ e maa piɛ nyɛ pɛ ngɛ zugba a nɔ.

Yuda 1:11

Musu tloo mɛ pɛ! A ya ngɔ Kain blɔ ɔ. Yayami nɛ Balaam pee ɔ, a ngɔ a he ya wo jamɛ a yayami ɔ mi ngɛ se nami he. A tsɔ atuã kaa bɔ nɛ Kora tsɔ atuã a, nɛ a hɛ mi kpata kaa lɛ.

Mateo 26:24

Nɔmlɔ Bi ɔ ma gbo kaa bɔ nɛ a ngma ngɛ e he ɔ, se musu tloo nɔ nɛ maa tsɔɔ e se blɔ ɔ! Afani nɛ a fɔ we jamɛ a nɔmlɔ ɔ!”

Mateo 23:29

“Nyɛ mlaa tsɔɔli, kɛ Farisi bi! Musu tloo nyɛ! Osatotsɛmɛ! Nyɛ fiaa yɔkɔhi kɛ haa gbali ɔmɛ. Nyɛ dlaa dali ɔmɛ a yɔkɔ ɔmɛ a he saminyawiiwi,

Mateo 23:27

“Nyɛ mlaa tsɔɔli, kɛ Farisi bi! Musu tloo nyɛ! Osatotsɛmɛ! Nyɛ ngɛ kaa yɔkɔhi nɛ a sa a he nɛ a he pee fɛu, se a mi hyi tɔ kɛ ni gbogboehi a wuhi, kɛ ní sasɛhi.

Habakuk 2:12

Mo nɛ o pee yayami kɛ to ma sisi, nɛ o pue muɔ si kɛ fia gbogbo ɔ, musu tloo mo!

Habakuk 2:9

Mo nɛ o kɛ yi wu tso kpɔ nihi a níhi kɛ ha o weku li, nɛ o hla kaa haomi kɛ nyagba kó ba o we mi ɔ, musu tloo mo!

Mika 6:16

Ní nɛ ɔmɛ maa ba mi, ejakaa nyɛ ya ye Matsɛ Omri mlaa amɛ a nɔ, nɛ níhi nɛ e bi Ahab pee ɔ, nyɛ hu nyɛ pee jamɛ a ní ɔmɛ nɔuu. Nyɛ ya nyɛɛ a blɔ yayami ɔmɛ a nɔ. Enɛ ɔ he je ɔ, ma kpata nyɛ hɛ mi pɛsɛpɛsɛ. Je ma amɛ ma li nyɛ, nɛ a maa ye nyɛ he fɛu; nɔ tsuaa nɔ nɛ maa na nyɛ ɔ maa hie nyɛ.” Yawɛ lɛ de.

Mateo 11:21

“Korazin, musu tloo mo! Betsaida, mo hu musu tloo mo! Nyakpɛ ní babauu nɛ a pee ngɛ nyɛ mi ɔ, a ya pee ngɛ Tiro, kɛ Sidon mohu jinɛ a tsake a tsui momoomo. Jinɛ Tiro, kɛ Sidon bi ma bu kpekpe ya bo, nɛ a maa ngɔ a he kɛ wuwlua la zu mi kɛ tsɔɔ kaa a tsake a tsui niinɛ.

Habakuk 2:19

O deɔ tso kpoku ke, “O hɛ nɛ tsɛ!” Aloo tɛ nɛ tui munyu ke, “Tee si!” Anɛ amaga ma nyɛ je nina ko ha mo lo? A kɛ sika tsu kɛ sika hiɔ maa ha he lɛɛ, se wami ko be e mi kulaa. Musu tloo mo!

Habakuk 2:15

Mo nɛ o kɛ hɛdɔ wa o nyɛmimɛ yi mi, nɛ o pue a hɛ mi si, nɛ o ha a tataa si kaa nihi nɛ a tɔ dã a, musu tloo mo!

Yeremia 22:13

Nɔmlɔ nɛ guu blɔ nɛ dɛ nɔ nɛ e kɛ poo we, nɔ nɛ kɛ nɔ sisimi maa mɔ, nɔ nɛ haa nɛ e nyɛmi sɔmɔɔ lɛ yaka nɛ e wui lɛ hiɔ ɔ, musu tloo lɛ!

Yesaya 5:18

Musu tloo nyɛ! Nyɛ ní yayami ɔmɛ fi nyɛ kaa kpa nɛ nyɛ nyɛ we nɛ nyɛɛ pɛne ngɛ nyɛ he.

Yesaya 3:11

Se yayami peeli lɛɛ musu tloo mɛ; yayami nɛ a pee ní kpahi ɔ, jehanɛ, a ma ngɔ pee mɛ nitsɛmɛ.

La 58:2

Dɛbi! Yayami nɛ nyɛ maa pee he nyɛ susuɔ, nɛ yi wu tso níhi nyɛ peeɔ ngɛ zugba a nɔ.

Yesaya 5:11

Musu tloo nyɛ! Nyɛ tee si makɛ mla, kɛkɛ nyɛ bɔni dã numi, nɛ gbɔkuɛ hu nyɛ hii si be fuu kɛ tɔɔ dã kpɔtɔɔ.

Matsɛmɛ I, 21:13

Yaka nimli enyɔ ɔmɛ ba nɛ a ba po Nabot nya ngɛ ma a hɛ mi ke e jɛ Mawu, kɛ matsɛ ɔ. Lɔ ɔ he ɔ, a ngɔ lɛ kɛ je ma a mi, nɛ a ya fia lɛ tɛ nɛ a gbe.

Yesaya 3:14

Yawɛ kɛ ma nimeli, kɛ ganɔ ɔmɛ lɛ na sane ɔ nɛ. Munyu nɛ e kɛ ba po a nya ji nɛ ɔ nɛ: “Nyɛ kpata wai ngmɔ ɔmɛ a hɛ mi, nɛ níhi nɛ nyɛ kpɔ ngɛ ohiatsɛmɛ a dɛ ɔ, nyɛ ngɔ kɛ to nyɛ wehi a mi.

Yesaya 5:23

Nyɛ heɔ nyɔ mi ní ngɛ nihi nɛ ye fɔ a dɛ nɛ nyɛ ngmɛɔ a he; se nihi nɛ yi fɔ mohu lɛɛ nyɛ yi a sane ha we mɛ.

Yesaya 29:21

Mawu ma kpata nimli nɛ ɔmɛ hu a hɛ mi: nihi nɛ a kɛ a nya mi munyu poɔ nihi a nya kaa a tɔ mlaa, kɛ nihi nɛ tsɔɔ klama ha kojoli ngɛ kojomi he, nɛ a kɛ lakpa yemi haa nɛ a plɛɔ nɔ nɛ sane da a e sane hɛ mi kɛ buɔ si.

Yesaya 59:4

Ke a kɛ nɔ ko ya kojomi he ɔ, nyɛ yi sane ɔ ha lɛ bɔ nɛ sa. Nyɛɛ kɛ mlaa tsu we ní, nɛ nyɛ yeɔ lakpa kɛ faa nyɛ he ngɛ sane yemi he. Ga yayahi nɛ kpataa nihi a hɛ mi sɔuu nyɛ toɔ.

Yesaya 59:13

Wa tɔ o nɔ; wa wa nihi yi mi, nɛ wa kua mo. Wa ja we mo hu. Ni yayahi a he wa susuɔ, nɛ lakpa pɛ wa yeɔ.

Mose II, 23:3

Ko dla ohiatsɛ sane he ha lɛ ngɛ kojomi he.

Mose II, 23:6

“Ko plɛ ohiatsɛ sane hɛ mi ngɔ bu si ngɛ kojomi he.

Amos 2:7

Nyɛ niatsɛmɛ ɔmɛ hlaa kaa a ye ohiatsɛmɛ amimi daa; ke ohiatsɛ ngɛ amanehlu mi, kɛkɛ niatsɛ bua jɔ. Nɔ kɛ e tsɛ po kɛ nyɔguɛ yo kake naa bɔmi, nɛ a kɛ nɔ́ nɛ ɔ peemi bleɔ ye biɛ klɔuklɔu ɔ.