Yesaya 1:8 - BAIBLO ALOO NGMAMI KLƆUKLƆU Ɔ

⁸ A si Yerusalem kɛ fɔ si mɔbɔmɔbɔ kaa ma nɛ ta sá e yi. E ngɛ kaa bulɔ tsu bi ko ngɛ wai ngmɔ mi, loo gba nɛ a ma ngɛ atlɛ ngmɔ mi.

Yesaya 1:8 ပူးပေါင်းရင်းမြစ်များ

Zakaria 9:9

Zion, nyá oo, nyá! Yerusalem, mo he ose! Hyɛ, o matsɛ ɔ ma! E ma kɛ agbo jemi kɛ kunimi yemi. E ba e he si, nɛ e hi teji okpɔngɔ nɔ; ee, e hi teji okpɔngɔ bi nɔ.

Yohane 12:15

“Zion biyo, koo ye gbeye! O matsɛ ɔ ma. E hi teji bi nɔ.”

Zakaria 2:10

Yawɛ ke, “Yerusalem bi, nyɛ la nɛ nyɛ bua nɛ jɔ; ejakaa i ma nɛ i kɛ nyɛ ba hi si.”

Yesaya 62:11

Yawɛ ngɛ fiɛe kɛ yaa su je mi nyagbe he ɔ tɔɔ; e ke a de Zion biyo ɔ ke, “Be ɔ su jehanɛ, Yawɛ ma nɛ e ba he o yi wami. E ngɔ nihi nɛ e kpɔ ɔ kɛ ma.”

Yesaya 10:32

He nyɛli ɔmɛ ngɛ Nob ma a mi mwɔnɛ ɔ, nɛ a ma kɔ̃ kɛ ngɛ Zion yo ɔ, kɛ Yerusalem ma a tsɔɔe.

Kɔmɔ Yemi 2:6

Mawu we ɔ, he nɛ wa jaa lɛ ngɛ ɔ, e ywia lɛ dukuduku ngɔ pue si. E gu nyami be ɔmɛ, kɛ Hejɔɔmi ligbi ɔ. Abofu nɛ nya wa nɛ ɔ sa matsɛmɛ, kɛ osɔfohi tsuo a he.

Kɔmɔ Yemi 2:1

Benɛ Nyɔmtsɛ ɔ mi mi wo la a, e ha nɛ bɔku ha Zion nɔ. E kpɔ́ Israel he fɛu ɔ kɛ je hiɔwe kɛ ba pue zugba. Ligbi ɔ nɛ e mi mi fu ɔ, e kua lɛ nitsɛ e we pohu.

Yesaya 37:22

Nɔ́ nɛ Yawɛ ngɛ Asiria matsɛ ɔ dee ji nɛ ɔ nɛ: “Asiria matsɛ, Zion biyo, yomiyo ɔ ngɛ mo muɔe oo!

Yesaya 4:4

Nyɔmtsɛ ɔ kɛ e he wami maa kojo Zion biyi ɔmɛ, nɛ e maa tsu ma a he. E ma fɔ mu níhi, kɛ muɔ nɛ pue si ngɛ Yerusalem ɔ tsuo.

La 9:14

konɛ ma na bua jɔmi nɛ ma je o yi ngɛ Yerusalem bi ɔmɛ a hɛ mi; nɛ ma nya kɛ tsɔɔ kaa o he ye yi wami.

Hiob 27:18

Yayami peelɔ we nɛ e po ɔ ngɛ kaa anani ya, aloo tsu wayoo nɛ bulɔ pee.

Yeremia 4:17

A ma sá Yerusalem ma a yi kɛ kpe kaa bɔ nɛ buli buɔ zugba he ɔ; ejakaa ma mi bi ɔmɛ tsɔ Yawɛ hɛ mi atuã. Yawɛ lɛ de.

Yesaya 8:8

He nyɛli ɔmɛ ma ba gu Yuda zugba a nɔ kaa pa nɛ hyi ywia nga kɛ su nɔ konɔ tɔɔ, nɛ e ha nɔ́ tsuaa nɔ́ nɔ.” Mawu kɛ wɔ ngɛ! E bli e pɛlihi a mi kɛ ngɛ zugba a he bue.

Yesaya 1:7

Nyɛ zugba a hɛ mi kpata; a sã nyɛ ma amɛ. Nibwɔhi ngɛ nyɛ zugba a ngɔe ngɛ nyɛ dɛ pani nya, nɛ a ngɛ nɔ́ tsuaa nɔ́ hɛ mi kpatae.

Yesaya 1:9

Kaa Yawɛ Tabohiatsɛ ɔ ha we nɛ wa ti ni komɛ a yi nɛ na wami ɔ, wa ko pee kaa Sodom kɛ Gomora.

Yesaya 49:21

Kɛkɛ ɔ, o ma bi o he ke, ‘Mɛnɔ lɛ fɔ bimɛ nɛ ɔmɛ ha mi? Nihi gbo ta ye he; i plɛ pee nɔ ko nɛ fɔ we, a nu mi kɛ ho ma se ya. Hyɛ, a si imi nɔ kake too, lɛɛ jije lɛ nimli nɛ ɔmɛ je mɔ? Mɛnɔ nɛ lɛ mɛ?’ ”

Yeremia 6:2

Zion ma, Yerusalem ɔ ngɛ fɛu kaa yiheyo saminyayoo ko. Se kɛ̃ ɔ, a ma kpata e hɛ mi.

Yesaya 29:3

Mawu ma ba tua ma a, nɛ e ma sa ma a yi; a maa fia kpoku gojogojoohi kɛ wo e he ka.

Yesaya 30:17

Nyɛ he nyɛli ɔmɛ a ta bulɔ kake too maa wo nyɛ ta buli akpe fo; nɛ a nihi enuɔ pɛ maa wo nyɛ tsuo fo. Nyɛ tabo ɔ tsuo ma wo fo, nɛ nɔ́ nɛ maa piɛ ngɛ se ji aflangaa tso nɛ maa si ngɛ yoku yi mi!

Yesaya 37:4

Asiria matsɛ tsɔ e we asafoatsɛngua a kɛ ba jɛ Mawu hɛ kalɔ ɔ. Wa heɔ yeɔ kaa Yawɛ, o Mawu ɔ nu kikɛmɛ a jɛmi ɔ, nɛ ni nɛmɛ nɛ bɔ musu nɛ ɔ, e maa gbla a tue. Lɔ ɔ he ɔ, moo fa kue ha Yawɛ kɛ ha wa ti ni nɛmɛ nɛ piɛ ngɛ hiɛ ɔ.”