Yesaya 1:7 - BAIBLO ALOO NGMAMI KLƆUKLƆU Ɔ

⁷ Nyɛ zugba a hɛ mi kpata; a sã nyɛ ma amɛ. Nibwɔhi ngɛ nyɛ zugba a ngɔe ngɛ nyɛ dɛ pani nya, nɛ a ngɛ nɔ́ tsuaa nɔ́ hɛ mi kpatae.

Yesaya 1:7 ပူးပေါင်းရင်းမြစ်များ

Kɔmɔ Yemi 5:2

Wa weto ní plɛ pee nibwɔhi a nɔ́. Wa we ɔmɛ hu ma se li lɛ ngɛ a mi.

Mose V, 28:43

“Jehanɛ, nibwɔhi nɛ ngɛ nyɛ zugba a nɔ ɔ maa ya nɔ ma plɔke; se nyɛɛ lɛɛ si kɛkɛ nyɛ maa hi gbee.

Mose V, 28:33

Nyɛ zugba a nɔ niba ní nɛ nyɛ gbo he dengme ɔ hu, je ma ko nɛ nyɛ li ma ba ye lɛ tsuo; nyɛ be nɔ́ kpakpa ko nae, se a maa wa nyɛ yi mi, nɛ a maa pee nyɛ posoo kaa zugba zu.

Hosea 7:9

nɛ nibwɔ ɔmɛ butu ma a, se e li. Israel li tete kaa e nyagbe su ta.

Ezekiel 30:12

Ma ha Nilo pa a maa mii. Ma jua Egipt zugba a tsuo kɛ ha yiwutsotsɛmɛ ɔmɛ. Ma ha nibwɔhi ma kpata zugba a, kɛ e nɔ bi tsuo a hɛ mi. Imi, Yawɛ lɛ i de.”

Kronika II, 28:5

Akɛnɛ Matsɛ Ahaz pee yayami he je ɔ, Yawɛ, e Mawu ɔ ha nɛ Siria matsɛ ɔ ba ye e nɔ kunimi, nɛ e nuu Yuda bi babauu nyɔguɛ kɛ ho Damasko ya. Jehanɛ hu, Yawɛ ha nɛ Israel matsɛ, Peka, Remalia binyumu ɔ ba ye Ahaz nɔ, nɛ e gbe Yuda ta buli kpakpahi akpe lafa kɛ nyingmi enyɔ ligbi kake. Yawɛ, a nɛmɛ a Mawu ɔ ngmɛ blɔ nɛ a pee nɔ́ nɛ ɔ, ejakaa Yuda ma a kua lɛ.

Hosea 8:7

Ejakaa ke a du kɔɔhiɔ ɔ, a ma kpa lasiogblee! Blɛfo ngmɔ nɛ wui ní ɔ, a be mamu nae kɛ je mi. Ke e wo yiblii po nibwɔhi ma ba ye lɛ tsuo.

Yeremia 6:8

Nyɛ Yerusalem bi, nyɛɛ kase ní kɛ je haomi nɛ ɔmɛ a mi. Ke pi ja a, ma ngmɛɛ nyɛ he; ma ha nyɛ ma a ma plɛ pee ma doku nɛ nɔ ko nɔ ko be mi hie hu.”

Yeremia 2:15

A ngɛ huãe kɛ ngɛ lɛ woe kaa jatahi; a pee e zugba a kaa nga kplanaa nɔ; e ma amɛ plɛ pee ma dokuhi, nɛ nɔ ko nɔ ko be ma amɛ a mi hu.

Yesaya 34:9

Edom pa amɛ ma plɛ pee ama, nɛ zugba a maa pee ama kala. Zugba a tsuo ma mle kɛ la kaa ama nɛ ngɛ tsoe.

Yesaya 9:5

Ta buli nɛ ma wɔ tuami ɔ, a tokota amɛ, kɛ a tade ɔmɛ nɛ muɔ sɛ mi ɔ, a kɛ la maa sã lɛ tsuo, kaa lɛ́ ngɛ la mi.

Yesaya 6:11

I bi ke, “Nyɔmtsɛ, nɔ́ nɛ ɔ maa ya nɔ kɛ yaa si mɛni be?” E he nɔ ke, “Kɛ yaa su be nɛ ma amɛ a hɛ mi ma kpata, nɛ a maa pee ma dokuhi nɛ a be nɔ ko nɔ ko nae ngɛ we ɔmɛ a mi, nɛ zugba a nitsɛ hu nɔ maa je gu.

Yesaya 5:17

Ke be ɔ su ɔ, jijɔhi ma kpe nga ngɛ ma doku ɔmɛ a mi, nɛ to akpakpo bihi hu ma na niye ní ngɛ lejɛ ɔ.

Yesaya 5:9

I nu nɛ Yawɛ Tabohiatsɛ ɔ de ke, “Wehi nɛ kle, nɛ a he ngɛ fɛu nɛ ɔ tsuo ma ba pee we dokuhi.

La 107:39

Benɛ a he nyɛli ba ye Mawu ma a nɔ, nɛ a wa mɛ yi mi, nɛ a pee mɛ nisɛ ní babauu ɔ,

La 107:34

Zugba nɛ baa ní saminya a plɛ pee ngo zɔ zugba; ejakaa nihi nɛ hi lejɛ ɔ, yayami sɔuu a pee.

Mose III, 26:34

Kɛkɛ ɔ, jeha abɔ nɛ sa kaa zugba a nɛ jɔɔ e he nɛ nyɛ ngmɛ́ blɔ ɔ, jehanɛ lɛɛ e ma na.

Mose III, 26:33

Ma ha ta maa nyɛɛ nyɛ se, nɛ ma gbɛ nyɛ ngɔ fĩa je ma amɛ tsuo a mi. Nyɛ maa je zugba a nɔ, nɛ ma amɛ ma plɛ ma dokuhi.

Mose V, 29:23

La zu, kɛ ngo maa ha ngmɔ ɔmɛ tsuo a nɔ. Nɔ́ ko nɔ́ ko be hie dumi ngɛ nɔ hu, nɛ nga po be puɛe ngɛ nɔ. Nyɛ zugba a maa pee kaa Sodom kɛ Gomora, kɛ Adma kɛ Zeboiim nɛ Yawɛ kpata a hɛ mi benɛ e mi mi fu wawɛɛ ɔ.

La 109:11

E hiɔtsɛmɛ nɛ a ba kpɔ e níhi tsuo ngɛ e dɛ; nɛ níhi tsuo nɛ e gbo dengme kɛ na a, nibwɔhi nɛ a ba ha.

Yesaya 1:8

A si Yerusalem kɛ fɔ si mɔbɔmɔbɔ kaa ma nɛ ta sá e yi. E ngɛ kaa bulɔ tsu bi ko ngɛ wai ngmɔ mi, loo gba nɛ a ma ngɛ atlɛ ngmɔ mi.

Yesaya 3:8

Niinɛ, musu tloo Yerusalem! Yuda hɛ mi kpata! Ejakaa a deɔ nɔ́ tsuaa nɔ́, nɛ a peeɔ nɔ́ tsuaa nɔ́ kɛ siɔ Yawɛ; a jee blɔ pueɔ Mawu nitsɛ hɛ mi si.

Yesaya 9:18

Ma a yi wu tso ní peemi ɔ nya wa kaa la nɛ ngɛ mio tso hue, kɛ miohi sãe. E ngɛ tsoe kaa hue nɛ ngɛ sãe, nɛ la su ku ngɛ jee titiiti kɛ yaa hiɔwe.

Yesaya 49:19

“A kpata o zugba a hɛ mi; a pee o ma a butuu; se jehanɛ lɛɛ, nihi nɛ ma lejɛ ɔ himi ɔ, zugba a be mɛ sue hu. Nihi nɛ ba pee mo butuu ɔ maa je o he kɛ ya se lokoo.

Yesaya 60:15

“A be mo kuae, nɛ a be mo nyɛe hu kaa sa be ko nɛ o pee ma doku nɛ nɔ ko gui lejɛ ɔ. Ma wo o nɔ gojoo, nɛ o he maa pee fɛu. O maa pee he nɛ bua jɔmi maa hi daa.

Yesaya 62:8

Yawɛ ka e he kita, nɛ bɔ nɛ e ngɛ nɔ mi mae ngɛ dee ji, “Ye ma, i be o blɛfo ngɔe kɛ ha o he nyɛli nɛ a ye hu, nɛ o wai nɛ o gbo he dengme ɔ, nibwɔhi ba be nue hu.

Yesaya 64:10

O ma klɔuklɔu ɔ plɛ pee nga kplanaa. Zion plɛ pee nga nɔ, nɛ Yerusalem pee ma doku.

Yeremia 4:7

Je ma amɛ a hɛ mi kpatalɔ ɔ ma kaa jata nɛ hia kpo kɛ je e laami he. E ma nɛ e ba kpata Yuda zugba a hɛ mi. Yuda ma amɛ maa pee ma dokuhi, nɛ nɔ ko nɔ ko be a mi hie hu.

Yeremia 7:34

Zugba a ma plɛ pee nga kplanaa. Ma ha nɛ nyami, bua jɔmi, kɛ ayɛflo he ní peemi hoo ɔ se maa po ngɛ Yuda ma amɛ a mi, kɛ Yerusalem gbɛjegbɛ ɔmɛ a nɔ.

Yeremia 44:6

Enɛ ɔ he je ɔ, ye mi mi la nɛ nya wa a puɛ ní ngɛ Yuda ma amɛ a mi, kɛ Yerusalem gbɛjegbɛ ɔmɛ a nɔ kaa bɔ nɛ la sãã nɔ́ ɔ. Nɛ ma amɛ a hɛ mi kpata, nɛ a pee ma dokuhi kaa bɔ nɛ a ngɛ mwɔnɛ ɔ.

Ezekiel 25:4

Lɔ ɔ he ɔ, ma ngɔ nyɛ kɛ wo nihi nɛ je beleku je ɔ a dɛ mi. A maa ngɔ nyɛ zugba a kɛ pee a nɔ́. A ma ba po wehi ngɛ he nɛ nyɛ ngɛ ɔ, nɛ a kɛ nyɛ maa hi si. A maa ye nyɛ tso yiblii, nɛ a maa nu nyɛ na nyɔ nyu.

Mika 5:11

Ma kpata ma amɛ a hɛ mi ngɛ nyɛ zugba a nɔ, nɛ ma ku nyɛ mɔ ɔmɛ tsuo ngɔ pue si.

Mika 6:13

Lɔ ɔ he ɔ, i je sisi bɔni nyɛ tue gblami momo; ma kpata nyɛ hɛ mi ngɛ nyɛ yayami ɔmɛ a he.