Yesaya 1:6 - BAIBLO ALOO NGMAMI KLƆUKLƆU Ɔ

⁶ Kɛ je o yi mi kɛ ya su o nane si ɔ, pa sɔuu; he ko he ko be saminya. He komɛ kpɔ, he komɛ pee pa, pa momohi kɛ pa hehi. Pa amɛ ɔ, a tsɔɔ we; a fi we a nɔ, nɛ a to we a nɔ hulɔ.

Yesaya 1:6 ပူးပေါင်းရင်းမြစ်များ

Samuel II, 14:25

Ngɛ Israel tsuo ɔ, nɔ ko nɔ ko be nɛ he ngɛ fɛu kɛ Absalom sɔ; kɛ je e nane sisi hluu kɛ ya si e yi gbɛtɛ mi ɔ, sé ko be e he.

Hiob 5:18

Ke Mawu plaa mo ɔ, e fiɔ pa a nɔ; ke e fia mo nɔ́ ɔ, e tsaa mo.

La 77:2

Benɛ i ngɛ haomi mi ɔ, i hla Nyɔmtsɛ se blɔ. Nyɔ mi ɔ, i wo ye nine nɔ kɛ ya hiɔwe, nɛ i sɔle nɛ ye kɔni gbo we. I na we bua jɔmi ko kulaa.

Yesaya 30:26

Nyɔhiɔ ma kpɛ kaa pu, nɛ pu la a nya maa wa wawɛɛ kaa bɔ nɛ e nya waa daa a totoe si kpaago; e maa pee kaa ligbi kpaago pu tsotsoe tsuo nɛ a bua nya ngɔ ha ligbi kake. Plaami nɛ Yawɛ plaa e ma a, e maa fi pa amɛ a nɔ ha mɛ, nɛ pa amɛ ma gbo. Ní nɛ ɔmɛ tsuo maa ba mi jamɛ a be ɔ mi.

Yeremia 17:9

“Mɛnɔ maa le nɔmlɔ adesa tsui mi? E nɔ nɔ sisilɔ ko be ɔ, e hiɔ ɔ hu be tsa ba.

Yeremia 30:12

Bɔ nɛ Yawɛ ngɛ e ma a dee ji nɛ ɔ nɛ: “Nyɛ plaa wawɛɛ nitsɛ; nyɛ pa a be tsa ba.

Yeremia 30:15

Nyɛ ko tu nyɛ plaami ɔmɛ a he munyu hu; tsa ba ko be ha nyɛ. I gbla nyɛ tue kikɛ nɛ ɔ, ejakaa nyɛ pee yayami nguanguahi babauu.

Yeremia 33:6

Se kɛ̃ ɔ, be ma nɛ ma tsa Yerusalem hiɔ ɔ, nɛ ma ha nɛ ma mi bi ɔmɛ ma na he wami. Ma ha nɛ a ma plɔke, nɛ a ma na he jɔmi.

Yeremia 6:14

Pá nɛ ngɛ ye ma mi bi ɔmɛ a he ɔ, a tsɔɔ lɛ fa kɛ fa kɛkɛ, nɛ e peeɔ mɛ kaa pa a gbo. Lɔ ɔ he ɔ, a deɔ ke, ‘Wa ngɛ tue mi jɔmi, wa ngɛ tue mi jɔmi,’ be mi nɛ tue mi jɔmi ko be.

Yeremia 6:7

Kaa bɔ nɛ vu jeɔ nyu ɔ, ja pɛ lɛ Yerusalem bi ɔmɛ peeɔ yayamihi babauu. I nuɔ haomi kɛ hɛ mi kpatami he hoo ngɛ ma a mi; nihi nɛ a plaa, nɛ a pee hiɔtsɛmɛ ji ni nɛmɛ nɛ i naa.

Nahum 3:19

Tsa ba ko be ha o plaami ɔmɛ, nɛ o pa a kle. Nihi tsuo nɛ maa nu o hɛ mi kpatami ɔ he ɔ, a bua maa jɔ, nɛ a maa fia a dɛ. Yi wu tso níhi babauu nɛ o pee ɔ, anɛ nɔ ko ngɛ nɛ e he je mi lo?

Malaki 4:2

Se nyɛ nɛ nyɛ yeɔ mi gbeye ɔ, nyɛɛ lɛɛ ye he wami nɛ nya wa a ma tsa nyɛ, nɛ nyɛ yi ma na wami kaa bɔ nɛ pu la tsaa hiɔtsɛ ɔ. Nyɛ he mi maa jɔ nyɛ, nɛ nyɛ ma na bua jɔmi kaa na bihi nɛ a bli mɛ nɛ a ngɛ tuue kɛ je tsu mi.

Mateo 9:12

Benɛ Yesu nu ɔ, e de mɛ ke, “Nihi nɛ ngɛ he wami ɔ, tsopatsɛ he hia we mɛ kaa ni nɛmɛ nɛ ngɛ gboe.

Luka 10:34

E ya nyumu ɔ ngɔ, nɛ e plɛ nu kɛ wai ngɔ pue e pa amɛ a nɔ, nɛ e fi nɔ. Lɔ ɔ se ɔ, e wo nyumu ɔ ngɔ hi lɛ nitsɛ e lohwe nɔ, nɛ e ngɔ lɛ kɛ ya nibwɔhi a to he, nɛ e ya hyɛ e nɔ.