Yesaya 1:3 - BAIBLO ALOO NGMAMI KLƆUKLƆU Ɔ

³ Nahi le a tsɛ, nɛ tejihi hu le he nɛ a nɔ hyɛlɔ haa mɛ ní ngɛ. Se imi nitsɛ ye ma Israel ɔ, mɛɛ lɛɛ a li nɔ́ ko nɔ́ ko; a juɛmi bɛ he.”

Yesaya 1:3 ပူးပေါင်းရင်းမြစ်များ

La 94:8

Ye ma, mɛni he je lɛ nyɛ biɛ kikɛ nɛ ɔ? Kuasiahi, mɛni be nyɛ maa le nɔ́?

Abɛ Womi 28:5

Yayami peeli nui dami sane yemi sisi. Ni nɛmɛ nɛ sɔmɔɔ Yawɛ ɔ, mɛɛ lɛɛ a nuɔ sisi saminya.

Abɛ Womi 6:6

Hejɔtsɛ, yaa tatu ngɔ. Yaa kase bɔ nɛ e toɔ e níhi a blɔ nya ha, nɛ o le ní.

Yesaya 27:11

Tso kɔni ɔmɛ gbli, nɛ a ku kɛ pueɔ si; yi ɔmɛ ya buaa nya kaa lɛ́ nɛ a ma slɛ, ejakaa ma a nui nɔ́ ko nɔ́ ko sisi. Mawu, a bɔlɔ ɔ mi mi be lɛ sãe ngɛ a he, nɛ e be mɛ mɔbɔ nae hulɔ.

Yesaya 42:20

Israel, o naa níhi babauu, se o kɔ se lo? O ngɛ tue hu nɛ o kɛ nuɔ nɔ́, se mɛni tutuutu o nu?”

Yesaya 44:18

Nɔ́ nɛ a ngɛ pee ɔ, a li, nɛ a nui sisi hulɔ. A nga a hɛngmɛ, konɛ a ko hyɛ nɔ́, a tsi a juɛmi nya, konɛ a ko nu nɔ́ sisi.

Yesaya 5:12

Nyɛ tsɛɔ ní yemi nɛ nyɛ nuɔ dã; nyɛ fiaa saku, nɛ nyɛ nyaa; nyɛ kpaa bɛ, nɛ nyɛ hii miɛ. Se akɛnɛ nɔ́ nɛ Yawɛ ngɛ pee ɔ lɛɛ nyɛ susuu we he kulaa he je ɔ,

Yesaya 5:13

a maa nuu nyɛ nɛ a maa bɔ nyɛ pã kɛ ho ma se ya. Mi mi hwɔ maa gbe nyɛ ma nimeli ɔmɛ, nɛ kuma maa ye ni gu ɔmɛ kɛ yaa si a ma gbo.

Yesaya 56:11

A ngɛ kaa gbehi nɛ li tɔ biɛ! Ma nɔ yeli nɛ ɔmɛ be juɛmi kokooko! Nɔ tsuaa nɔ peeɔ nɔ́ nɛ e suɔ; mɛ nitsɛmɛ a se nami pɛ a hlaa.

Yeremia 10:14

Nimli adesahi tsuo biɛ; a li nɔ́ ko nɔ́ ko. Sika gali a hɛ mi pue si pɛ; ejakaa amaga amɛ nɛ a puɛɛ ɔ, ní guhi ji mɛ; wami ko wami ko be a mi.

Yeremia 10:8

Mɛ tsuo pɛpɛɛpɛ a biɛ, nɛ a jeɔ kuasia. Amagahi nɛ a kɛ tso pee ɔ, mɛni a ma nyɛ maa kase kɛ je a dɛ?

Yeremia 35:16

Yonadab nina ye mlaa nɛ a nɛ̃ wo mɛ ɔ nɔ, se nyɛ ma nɛ ɔ lɛɛ nyɛ bui mi tue fɛɛ.

Yeremia 4:22

Yawɛ ke, “Ye ma mi bi ɔmɛ biɛ pɛ; ye ma mi bi ɔmɛ li mi. A ngɛ kaa jokuɛwi kuasiahi; a be juɛmi. A he sɔɔ kɛ peeɔ yayami, se kpakpa peemi lɛɛ a li.”

Yeremia 50:6

“Ye ma a ngɛ kaa tohi nɛ a hyɛli ɔmɛ ha nɛ a nane kpata ngɛ yo ɔmɛ a nɔ. A ngɛ kaa tohi nɛ a ngmɛɛ a he, nɛ a wo lalaalo ngɛ yo ɔmɛ a nɔ hluu kɛ ya si a hi he po laa mɛ.

Yeremia 8:7

Godohi tete le be nɛ a kɛ kpaleɔ a se kɛ baa we; lahuɛ, otoklii, kɛ aklawa hu le be nɛ a kɛ jeɔ he kake kɛ yaa he kake. Se ye ma, nyɛɛ lɛɛ nyɛ li ye mlaa amɛ.

Ezekiel 16:30

Bɔ nɛ Nyɔmtsɛ Yawɛ ngɛ dee ji nɛ ɔ nɛ: “Hyɛ bɔ nɛ o mumu nya ta ha! O pee o he ajuamatsɛ, nɛ e pee we mo zo ko zo ko kulaa!

Daniel 9:11

Israel ma a tsuo tɔ o mlaa amɛ, nɛ a bui o gbi tue. Wa pee yayami kɛ si mo, nɛ lɔ ɔ he nɛ o ngɔ gbiɛmi ɔmɛ nɛ a ngma ngɛ o tsɔlɔ Mose mlaa womi ɔ mi ɔ kɛ ba wa nɔ ɔ nɛ.

Hosea 2:8

E li tete kaa ngma, dã, kɛ nu ɔ, imi lɛ i ha lɛ. Jehanɛ, sika hiɔ, kɛ sika tsu ní nɛ a kɛ jaa Baal ɔ, e li kaa imi lɛ i kɛ dloo lɛ.

Mateo 13:19

Nihi nɛ nuɔ matsɛ yemi ɔ he sɛ gbi, se a nui sisi ɔ, a ngɛ kaa wu nɛ ya pue blɔ he ɔ. Nɔ yayami ɔ baa nɛ e ba saa nɔ́ nɛ a du ngɛ a mi ɔ kɛ jeɔ.

Romabi 1:28

Jehanɛ ɔ hu, akɛnɛ nimli nɛ ɔmɛ bui a he kaa e sa mɛ kaa a leɔ Mawu ɔ, Mawu hu ngmɛɛ a he ngɔ ha juɛmi nɛ sɛ́, konɛ a pee níhi nɛ sɛ́.

2 Petro 3:5

A jeɔ blɔ peeɔ kaa a li kaa blema lokoo ɔ, munyu kɛkɛ lɛ Mawu tu, nɛ hiɔwe kɛ zugba ba, kaa a je zugba kɛ je nyu mi, nɛ nyu a kɛ bɔ zugba a.