Yesaya 1:26 - BAIBLO ALOO NGMAMI KLƆUKLƆU Ɔ

²⁶ Ma ha nyɛ ma nimeli, kɛ ga woli kpakpahi kaa nihi nɛ hi si blema a. Ke enɛ ɔ ba mi ɔ, a ma tsɛ Yerusalem ke ma nɛ a yeɔ dami sane kɛ anɔkuale ngɛ mi.”

Yesaya 1:26 ပူးပေါင်းရင်းမြစ်များ

Zakaria 8:3

Ma kpale kɛ ba Zion, nɛ ma ba hi Yerusalem. Jehanɛ lɛɛ a ma tsɛ ma a ke ma nɛ yeɔ anɔkuale; nɛ a ma tsɛ Yawɛ Tabohiatsɛ yo ɔ ke yo klɔuklɔu.

Yeremia 33:7

Ma ha nɛ Yuda kɛ Yerusalem ma na a he ekohu, nɛ ma to mɛ si kaa kekle ko ɔ.

Kpojemi 21:27

Nɔ́ ko nɛ he tsɔ we be ma a mi bae. Nɔ nɛ peeɔ níhi nɛ a hiee, loo e yeɔ lakpa hu be mi bae. Nihi nɛ a ngma a biɛ ngɛ To bi ɔ hɛ kali a womi ɔ mi ɔ, mɛ pɛ lɛ a maa ba ma a mi.

Zakaria 8:8

Ma ya kpale mɛ kɛ ba Yerusalem, nɛ a maa pee ye ma, nɛ imi hu ma pee a Mawu. Ma ye mɛ anɔkuale, nɛ ma pee nɔ́ nɛ da.”

Zefania 3:13

Israel bi nɛ maa piɛ ɔ, a be nɔ́ yayami pee; a be lakpa yee, nɛ a be nɔ sisie hulɔ. A ma plɔke, nɛ a he mi maa jɔ mɛ, nɛ nɔ ko nɔ ko be nyɛe maa wo a he gbeye.”

Ezekiel 45:8

Zugba nɛ ganɔ nɛ ngɛ ma a nɔ yee ɔ ma na ngɛ Israel bi ɔmɛ a kpɛti ji nɛ ɔ nɛ. Ke nyɛ pee ja a, ganɔ ɔmɛ be ye ma a blɔ nya ní kpɔe ngɛ a dɛ, se mohu a maa dla zugba a mi kɛ ha wɛtso ɔmɛ pɛpɛɛpɛ.

Yeremia 33:11

bua jɔmi, kɛ lele hwɔmi gbi ekohu. Nyɛ maa nu ayɛflo kɛ e huno a gbi, kɛ la nɛ nihi nɛ ngɔ sina bɔhi kɛ ma Yawɛ we ɔ ngɛ lae ke, ‘Nyɛɛ na Yawɛ Tabohiatsɛ ɔ si, ejakaa Yawɛ hi, nɛ e suɔmi ɔ ngɛ daa!’ Ma ha nɛ kplɔkɔtɔ, kɛ he jɔmi maa ba zugba nɛ ɔ nɔ kaa kekle ko ɔ. Imi, Yawɛ lɛ i de.”

Yeremia 31:23

Yawɛ Tabohiatsɛ, Israel Mawu ɔ ke “Ke i kpale ma a kɛ ba mɛ nitsɛmɛ a zugba a nɔ ekohu ɔ, a ma de ngɛ Yuda zugba a nɔ, kɛ ma amɛ a mi ekohu ke, ‘Yawɛ nɛ gbaa Yerusalem yo klɔuklɔu ɔ, he nɛ lɛ Yawɛ nitsɛ hii ɔ.’

Yesaya 60:21

O ma mi bi ɔmɛ tsuo maa pee nɔ́ nɛ da. A maa hi zugba a nɔ kɛ maa ya neneene. Imi lɛ i to mɛ si. Imi lɛ i pee mɛ jã, konɛ a kɛ wo ye hɛ mi nyami.

Yesaya 60:14

Nihi nɛ wa mo yi mi ɔ a bimɛ ɔmɛ maa ba, nɛ a ma ba kpla si ha mo. Nihi nɛ gbe o he guɛ be ko ɔ, mɛ hu a ma ba kpla si ngɛ o nane nya. Nɛ a ma tsɛ mo ke, ‘Yawɛ ma,’ ‘Zion, Israel Mawu klɔuklɔu ɔ ma.’

Yesaya 33:5

Yawɛ kle! E ngɛ he wami ngɛ nɔ́ tsuaa nɔ́ nɔ. E ma ha a maa ye dami sane sɔuu; anɔkuale pɛ a maa tu ngɛ Yerusalem be tsuaa be,

Yesaya 1:21

Ma nɛ sa a, e yeɔ anɔkuale ɔ, jehanɛ lɛɛ hyɛ, e ngɛ e ní pee kaa yaholɔ! Sa be ko ɔ, nimli nɛ peeɔ nɔ́ nɛ da nɛ a hyi ma a mi tɔ, se jehanɛ lɛɛ awi yeli sɔuu lɛ piɛ ngɛ ma a mi.

Mose IV, 12:3

Mose nɛ ɔ, nɔmlɔ nɛ he jɔ ji lɛ; niinɛ e he jɔ pe nimli adesahi tsuo nɛ a ngɛ zugba a nɔ ɔ.

Zefania 3:9

“Jamɛ a be ɔ, ma ha je ma amɛ gbi nɛ he tsɔ. Mɛ tsuo a maa fa kue ha imi Yawɛ, nɛ a maa pee a nya kake kɛ sɔmɔ mi.

Mose IV, 16:15

Mose mi mi fu wawɛɛ nitsɛ, nɛ e de Yawɛ ke, “Ko he bɔ ɔmɛ nɛ a ba sã a! I he we teji kake po ngɛ a dɛ, nɛ i yi a ti nɔ ko nɔ ko sane yayami ko hulɔ.”

Yesaya 54:14

Dami sane yemi, kɛ kpakpa peemi ma ha o ma a he maa wa. Nɔ ko nɔ ko be mo yi mi wae, nɛ nɔ ko nɔ ko be o he gbeye woe.

Mika 4:8

Nɛ mo Yerusalem, he nɛ Mawu hii nɛ e kɛ hyɛɛ e ma a nɔ kaa to hyɛlɔ ɔ, o he wami kɛ o blɔ nya nɛ o hɛɛ kaa matsɛ ma a, o maa kpale na ekohu. Mawu lɛ de.

Yesaya 2:3

nɛ a ma de ke, “Nyɛ ha wa ya kuɔ Yawɛ yo ɔ kɛ ya Israel Mawu ɔ sɔlemi we ɔ. E maa tsɔɔ wɔ nɔ́ nɛ e suɔ kaa waa pee; nɛ wa maa pee bɔ nɛ e maa tsɔɔ wɔ ɔ pɛpɛɛpɛ. Ejakaa Yawɛ ní tsɔɔmi ɔ, Yerusalem e jee; e kɛ e ma a tuɔ munyu kɛ jeɔ Zion yo ɔ nɔ.”