Yesaya 1:25 - BAIBLO ALOO NGMAMI KLƆUKLƆU Ɔ

²⁵ I kɛ nyɛ maa to ní. Ma tsu nyɛ he kaa a tsuɔ dade he, nɛ ma je nyɛ he mu ɔ tsuo.

Yesaya 1:25 ပူးပေါင်းရင်းမြစ်များ

Malaki 3:3

E ma ba kojo kaa bɔ nɛ sika hiɔ ga ní tsulɔ tsuɔ sika hiɔ he ɔ. Kaa bɔ nɛ sika hiɔ, loo sika tsu ga ní tsulɔ tsuɔ sika he ɔ, ja ji bɔ nɛ Yawɛ tsɔlɔ ɔ maa tsu osɔfo ɔmɛ a he, konɛ a ngɔ nike ní nɛ sa kɛ ba ha lɛ Yawɛ ɔ.

Yeremia 9:7

Enɛ ɔmɛ a he je ɔ, Yawɛ Tabohiatsɛ ɔ ke, “Ma gbla a tue, nɛ ma ha nɛ a tsake a je mi babɛ kaa bɔ nɛ sika galɔ tsuɔ sika he ɔ. Ye ma mi bi ɔmɛ pee yayami. Anɛ nɔ́ kpa ko pa ngɛ nɛ ma pee mɛ lo?

Yesaya 4:4

Nyɔmtsɛ ɔ kɛ e he wami maa kojo Zion biyi ɔmɛ, nɛ e maa tsu ma a he. E ma fɔ mu níhi, kɛ muɔ nɛ pue si ngɛ Yerusalem ɔ tsuo.

Yesaya 1:22

Yerusalem, mo nɛ be ko ɔ, o he jua wa kaa sika hiɔ ɔ, jehanɛ lɛɛ, o he be se nami ko kulaa; sa a, o ngɛ kaa dã kpakpa; se jehanɛ lɛɛ, o ngɛ kaa dã nɛ a tsa mi nyu.

Zefania 3:11

Jamɛ a be ɔ, zo be nyɛ pee hu kaa nyɛ ye ma a, nyɛ tsɔ ye hɛ mi atuã. Ma je he woli, kɛ he nɔ woli kɛ maa je nyɛ kpɛti, nɛ nyɛ be ye hɛ mi atuã tsɔe hu gblegbleegble ngɛ ye yo klɔuklɔu ɔ nɔ.

Ezekiel 22:22

Ee, a maa sile mɛ ngɛ Yerusalem kaa a sileɔ sika hiɔ ngɛ flɔɔnɔɔ mi! Lɔ ɔ loko a maa le kaa imi Yawɛ lɛ i ngɛ a tue gblae ɔ nɛ.”

Ezekiel 20:38

Ma je atuã tsɔli ɔmɛ, kɛ ni nɛmɛ nɛ tɔ̃ ye nɔ ɔ kɛ je nyɛ kpɛti. A maa je zugba nɔ he nɛ a ya to nibwɔ ngɛ ɔ mohu, se a be Israel zugba a nɔ bae, konɛ nyɛɛ le kaa imi ji Yawɛ.”

Yeremia 6:29

La ngɛ tsoe nɛ sumui sileɔ ngɛ mi. Se e he hia we kaa a ya nɔ nɛ a tsu ye ma mi bi ɔmɛ a he hu, ejakaa nimli yayamihi nɛ ngɛ a kpɛti ɔ, a je we mɛ.

Kpojemi 3:19

Nihi nɛ i suɔ mɛ ɔ, i kaa a hɛ mi, nɛ i gblaa a tue. Lɔ ɔ he ɔ, o hɛ nɛ dɔ, nɛ o tsake o tsui.

Mateo 3:12

E hɛɛ e ngma mi sami tsimi ngɛ e dɛ, nɛ e kɛ maa sa e ngma a tsuo mi. E ma bua e ngma a nya kɛ wo gba mi, se tsakati ɔ lɛɛ e maa sã ngɛ la nɛ gbo we gblegbleegble mi.”

Ezekiel 22:20

Kaa bɔ nɛ a buaa sika hiɔ, akɔblee, dade, kɛ sumui nya ngɔ woɔ flɔɔnɔɔ mi, nɛ a huu la kɛ woɔ he, nɛ a sileɔ ɔ, ja pɛpɛɛpɛ ma bua a nya kɛ ba ma a mi. Ma ngɔ abofu kɛ hɛdɔ kɛ sile mɛ kaa bɔ nɛ la sileɔ dade ɔ.

Mose V, 32:43

“Je mahi lee, nyɛ je Yawɛ ma a yi; nihi tsuo nɛ gbee e ma a, Yawɛ gblaa a tue. E yeɔ lue ngɛ e he nyɛli ɔmɛ a nɔ, nɛ e kɛ e ma a he yayami paa mɛ.”

La 119:119

Yiwutsotsɛmɛ tsuo nɛ ngɛ je mi ɔ, o buu mɛ kaa kuku nɔ dade. Lɔ ɔ he ɔ, o mlaa amɛ pɛ lɛ i suɔ.

Yesaya 27:9

Se bɔ nɛ Israel maa pee kɛ je a he yayami ɔmɛ konɛ a kɛ pa mɛ ji, a maa wɛɛ je ma amɛ a bɔ sami la tɛ ɔmɛ bukɔbukɔ kaa ayilɔ, nɛ yo mawu Ashera a tsopa kɛ e he via bɔ sami la tɛ ɔmɛ, loo e we amaga amɛ ekoeko be si hie hu.

Ezekiel 22:19

Lɔ ɔ he ɔ, imi Nyɔmtsɛ Yawɛ, i ngɛ mɛ dee ke mɛ tsuo kulaa se nami ko kulaa be a he. Ma bua a nya kɛ ba Yerusalem ma a mi.

Yeremia 9:6

A peeɔ yi wu tso níhi nɔtonɔto; jã kɛ̃ nɛ a sisiɔ nɔ. Yawɛ ke e ma mi bi ɔmɛ kua lɛ.