Yesaya 1:24 - BAIBLO ALOO NGMAMI KLƆUKLƆU Ɔ

²⁴ Lɔ ɔ he ɔ, ta tue ha nɔ́ nɛ Yawɛ Tabohiatsɛ, Israel Mawu, hewamitsɛ ɔ ngɛ dee ɔ: “Ma ye ye he lue ngɛ nyɛ he nyɛli ɔmɛ a nɔ, konɛ nyɛ ko ba gba ye nya hu.

Yesaya 1:24 ပူးပေါင်းရင်းမြစ်များ

Yesaya 60:16

Je mahi, kɛ matsɛmɛ maa lɛ mo kaa bɔ nɛ binyɛ haa e bi nyɔ ɔ. O maa le jehanɛ kaa imi Yawɛ nɛ i ha o yi na wami. O maa le kaa imi, Israel Mawu kpetekpleenyɛ ɔ nɛ i ha o ye o he.

Yesaya 61:2

Yawɛ ke ma ya fiɛ ke be ko nɛ sa Yawɛ hɛ mi ma. Be nɛ Mawu maa gbla nihi a tue, kɛ kɔmɔ yeli a bua womi be ɔ su ta.

Yesaya 49:26

Ma ha nihi nɛ ngɛ mo haoe ɔ maa ye mɛ nitsɛmɛ a he lo awi; mɛ nitsɛmɛ a muɔ maa de mɛ kaa wai. Kɛkɛ ɔ, nimli adesahi tsuo maa le kaa imi ji Yawɛ. Imi ji nɔ nɛ heɔ o yi wami, nɛ haa nɛ o yeɔ o he. A ma na le kaa imi ji Israel Mawu kpetekpleenyɛ ɔ nɛ.”

Yesaya 35:4

Nyɛ de nɔ tsuaa nɔ nɛ e tsui ngɛ poe ɔ ke, “Wlua mo, koo ye gbeye! Hyɛ, o Mawu ɔ ma nɛ e ba kpɔ mo! E ma nɛ e ba gbla o he nyɛli ɔmɛ a tue.”

Mose V, 28:63

Kaa bɔ nɛ Yawɛ bua jɔ nyɛ he, nɛ e ha nyɛ plɔke, nɛ nyɛ he hiɛ babauu ɔ, jã kɛ̃ e bua maa jɔ e he, nɛ e ma kpata nyɛ hɛ mi pɛsɛpɛsɛ. A maa fie nyɛ kɛ je zugba nɛ nyɛ yaa ngɔ ɔ nɔ.

Kpojemi 18:8

Enɛ ɔ he je ɔ, haomi nɛ ɔmɛ maa ba e nɔ ligbi kake too: gbenɔ hiɔ, aywilɛho, kɛ hwɔ. Nɛ a kɛ la maa sã lɛ, ejakaa Nyɔmtsɛ Mawu ɔ nɛ maa kojo lɛ ɔ, e kle.”

Hebribi 10:13

Lejɛ ɔ nɛ e ngɛ mlɛe ngɛ kɛ yaa si Mawu maa ngɔ e he nyɛli ɔmɛ kɛ pee nɔ́ nɛ e kɛ e nane maa nɔ.

Ezekiel 21:17

Imi hu ma fia ye dɛ, nɛ ye we abofu ɔ se maa po. Imi, Yawɛ lɛ i de.”

Ezekiel 16:42

Kɛkɛ ɔ, ye mi mi la a nya maa ba si, nɛ ye hɛ be dɔe kɛ wo mo hu. Ma pee dii, nɛ ye mi mi be fue kɛ wo mo hu.

Ezekiel 5:13

“Ma gbla nyɛ tue wawɛɛ kɛ yaa si be nɛ ye mi mi la a se maa po, nɛ́ ye bua maa jɔ. Ke e ba mi ja a, kɛkɛ nyɛ maa le kaa imi Yawɛ, i kɛ nyɛ tu munyu kikɛ nɛ ɔ, ejakaa nyɛ yi mi anɔkuale, nɛ lɔ ɔ nɛ wo ye mi mi la a nɛ.

Yesaya 30:29

Se nyɛ, Mawu ma a lɛɛ nyɛ bua maa jɔ, nɛ nyɛ ma la kaa bɔ nɛ nyɛ laa kɛ ngɔɔmi ke nyɛ ngɛ nyami be klɔuklɔu yee ɔ. Nyɛ bua maa jɔ kaa nihi nɛ a ngɛ nyɛɛe kɛ yaa Yawɛ yo ɔ nɛ ji Israel tɛ sa a nɔ kɛ a dɛ mi bɛhi nɛ a ngɛ kpae kɛ ngɛ he toe.

La 132:2

E ka mo Yawɛ kita, nɛ e wo mo Yakob Mawu Ope ɔ si ke,

Mose V, 32:43

“Je mahi lee, nyɛ je Yawɛ ma a yi; nihi tsuo nɛ gbee e ma a, Yawɛ gblaa a tue. E yeɔ lue ngɛ e he nyɛli ɔmɛ a nɔ, nɛ e kɛ e ma a he yayami paa mɛ.”

Yeremia 50:34

Se nɔ nɛ ma ba kpɔ mɛ ɔ, e he wa; e biɛ ji Yawɛ Tabohiatsɛ. Lɛ nitsɛ e maa ye a sane ɔ ha mɛ; e kɛ he jɔmi maa ba zugba a nɔ, se Babilonia bi ɔmɛ lɛɛ e maa hao mɛ.”

Yesaya 63:4

I pee ye yi mi momo kaa ma gbla he nyɛli ɔmɛ a tue; lɔ ɔ he ɔ, ma he ye ma a yi wami; ejakaa be ɔ su jehanɛ.

Mose I, 49:24

Se Yosef lɛɛ e kɛ̃ɛ̃ ɔ ji e dɛ gblegbleegble. E he wami ɔ je Yakob Mawu Ope ɔ dɛ mi, To hyɛlɔ ɔ, nɛ ji Israel he bulɔ ɔ.

Yesaya 12:6

Nyɛ nihi tsuo nɛ nyɛ ngɛ Zion, nyɛ hwɔ lele nɛ nyɛ la kɛ bua jɔmi. Ejakaa Mawu kle, Mawu klɔuklɔu ji Israel Mawu ɔ nɛ kɛ nyɛ ngɛ ɔ nɛ.”

Yesaya 59:18

E maa gbla a tue kaa bɔ nɛ a pee ɔ pɛpɛɛpɛ kɛ to nane mi; nɛ ni nɛmɛ nɛ ngɛ ma se tsitsaa po be a he yee.

Yeremia 9:9

Anɛ ma ko gbla a tue ngɛ ní nɛ ɔmɛ a he lo? Ma nɛ ngɛ kaa kikɛ nɛ ɔ, ma ko gbla a tue lo? Imi, Yawɛ lɛ i ngɛ munyu tue ɔ nɛ.”

Mika 5:15

I kɛ mi mi la nɛ nya wa maa gbla je mahi tsuo nɛ bui mi ɔ a tue kɛ ye ye he lue.” Yawɛ lɛ de.

Ezekiel 5:12

Gbenɔ hiɔ, kɛ hwɔ maa gbe ma mi bi ɔmɛ a mi dlami etɛ mi kake; mi dlami etɛ mi kake maa nɔ ngɛ klaate nya kɛ maa bɔle ma a kɛ kpe, nɛ mi dlami etɛ mi kake ɔ hu, ma gbɛ mɛ ngɔ fĩa je ɔ mi tsuo; nɛ ma hia ta kɛ nyɛɛ a se.