Yesaya 1:2 - BAIBLO ALOO NGMAMI KLƆUKLƆU Ɔ

² Yawɛ ke, “Hiɔwe kɛ zugba, nyɛɛ bu nɔ́ nɛ i ngɛ dee ɔ tue! Jokuɛwi nɛ i tsɔse nɛ a wa a te si ngɔ si mi.

Yesaya 1:2 ပူးပေါင်းရင်းမြစ်များ

Matsɛmɛ II, 21:22

E kua Yawɛ, e nɛmɛ a Mawu ɔ, nɛ e yi Yawɛ mlaa amɛ a nɔ.

La 49:1

Je ɔ mi nihi tsuo, nyɛɛ bu mi tue. Nyɛ ta tue saminya ha mi!

La 50:4

E maa kojo e ma a; lɔ ɔ he ɔ, e ngɛ hiɔwe kɛ zugba odase tsɛe.

Yesaya 30:1

Yawɛ ke, “Musu tloo Yuda ma nimeli ɔmɛ, ejakaa a kua mi. A toɔ gahi, nɛ a peeɔ níhi ngɛ mɛ nitsɛmɛ a dɛ he. A kɛ nihi soɔ nɛ pi ye suɔmi nya. Bɔ nɛ a peeɔ kɛ tĩaa yayami ngɔ haa a he ji nɛ ɔ nɛ.

Yesaya 30:9

Ejakaa ma atuã tsɔli ji mɛ; lakpatsɛmɛ, kɛ nihi nɛ bui Yawɛ mlaa a ji mɛ.

Yesaya 31:6

Yawɛ ke, “Israel ma, nyɛ pee yayami kɛ si mi, nɛ nyɛ tsɔ atuã. Se jehanɛ lɛɛ, nyɛɛ kpale kɛ ba ye ngɔ!

Yesaya 34:1

Nyɛ, je ma amɛ tsuo nyɛɛ ba! Nyɛ bua nyɛ he nya kɛ ba nɛ nyɛ ba bu tue. Zugba a tsuo, kɛ nɔ tsuaa nɔ nɛ ngɛ je ɔ mi, nyɛɛ ba nɛ nyɛ ba bu tue.

Yesaya 63:16

Mo ji wa tsɛ. Wa nɛmɛ Abraham, kɛ Yakob li wɔ, se mo Yawɛ, wa tsɛ, mo ji wa kpɔlɔ kɛ je blema lokoo.

Yesaya 65:2

Se ma a tsɛ we mi. Daa nɛ ɔ, i pee klaalo nɛ ma he ye ma a atuu; ma nɛ kplii a tsui, nɛ a peeɔ nɔ́ nɛ dɛ, kɛ mɛ nitsɛmɛ a suɔmi nya ní ji mɛ.

Yeremia 13:15

Israel ma, Yawɛ tu munyu! Nyɛɛ ba nyɛ he si, nɛ nyɛɛ bu lɛ tue.

Yeremia 22:29

Zugba lee, zugba! Bu Yawɛ munyu ɔ tue!

Yeremia 3:22

“Nyɛ nihi tsuo nɛ nyɛ je Yawɛ se, nyɛɛ kpale kɛ ba; e ma tsa nyɛ yayami hiɔ ɔmɛ.” Nyɛ ke, “Ee, wa ma Yawɛ ngɔ, ejakaa lɛ ji wa Mawu.

Yeremia 31:9

Ma kpale mɛ kɛ ba kɛ a hɛ mi ya, kɛ kue fami. Ma kpaka mɛ kɛ nyɛɛ pahi a tue ngɛ blɔ tlɔmɔɔ nɔ, konɛ a ko tɛ nɔ. I ngɛ kaa tsɛ kɛ ha Israel, nɛ Efraim ji ye kekleekle bi.”

Yeremia 6:19

Je ɔ, bu tue! Ma ngɔ haomi kɛ ba ma nɛ ɔ nɔ kaa yayamihi nɛ mɛ nitsɛmɛ a pee ɔ he tue gblami. Ejakaa a bui ye munyu ɔmɛ tue, nɛ ye mlaa a hu a yi nɔ.

Ezekiel 24:3

Buu abɛ nɛ ɔ kɛ tsɔɔ ma tue gboli nɛ ɔmɛ; nɛ o de mɛ ke abɛ nɛ ɔ, imi Nyɔmtsɛ Yawɛ nitsɛ lɛ i ngɛ mɛ bue. Ngɔɔ buɛ ɔ kɛ ma la a nɔ; yɛɛ nyu kɛ wo buɛ ɔ mi.

Ezekiel 36:4

Lɔ ɔ he ɔ, nyɛ Israel yohi, yokuhi, nyu dɔhi, kɔ̃hi, kɛ we dokuhi kɛ nyɛ he mahi nɛ a ha nyɛ mi ní nɛ nyɛ ba pee nɔ́ nɛ a yeɔ he fɛu ha mɛ, nyɛɛ bu nɔ́ nɛ imi Nyɔmtsɛ Yawɛ i ngɛ nyɛ dee ɔ tue.

Amos 3:1

Nyɛ Israel bi! Nyɛ ma a tsuo nɛ Yawɛ je kɛ je Egipt zugba a nɔ ɔ, nyɛɛ bu nɔ́ nɛ Yawɛ ngɛ dee ngɛ nyɛ he ɔ tue.

Mika 1:1

Yuda matsɛmɛ, Yotam, Ahaz, kɛ Hezekia a yi nɔ ɔ, Yawɛ kɛ sɛ gbi nɛ ɔ ha Mika nɛ je Moreshet ɔ. Yawɛ je ní nɛ ɔmɛ nɛ kɔɔ Samaria kɛ Yerusalem ma amɛ a he ɔ ngɔ tsɔɔ Mika.

Mika 1:2

Nyɛ je mahi tsuo, nyɛɛ bu tue; nyɛ nihi tsuo nɛ ngɛ je ɔ mi, nyɛɛ bu tue! Nyɔmtsɛ Mawu po nyɛ nya. Nyɛɛ bu tue! E ngɛ munyu tue kɛ je e we klɔuklɔu ɔ.

Mika 3:8

Se imi lɛɛ Yawɛ ngɔ e mumi ɔ kɛ wo ye mi tɔ. E ha mi he wami, kɛ dami sane yemi, kɛ kã nɛ ma kɛ jaje Israel ma a he yayami ɔ kɛ tsɔɔ mɛ.

Malaki 1:6

Bɔ nɛ Yawɛ Tabohiatsɛ ɔ ngɛ osɔfo ɔmɛ dee ji nɛ ɔ nɛ: “Bi buu e tsɛ, nɛ tsɔlɔ hu buu e nyɔmtsɛ. Ke tsɛ ji mi ɔ, mɛni he je nyɛ bui mi mɔ? Nɛ ke nyɔmtsɛ ji mi ɔ, mɛni he je nyɛ yi mi gbeye? Nyɛ gbeɔ ye he guɛ, se kɛ̃ ɔ, nyɛ biɔ ke, ‘Kɛ wa plɛ kɛ gbe o he guɛ kɛɛ?’

Ni Tsumi 4:20

Ejakaa wɔɔ lɛɛ, níhi nɛ wa na, kɛ níhi nɛ wa nu ɔ, wa be nyɛe ma ma wa nya ngɔ to nɔ kaa ja wa de.”

Mose V, 1:31

kɛ nga kplanaa a nɔ nɛ nyɛ na kɛ nyɛ hɛngmɛ ɔ. Nyɛ na bɔ nɛ Yawɛ, nyɛ Mawu ɔ hɛɛ nyɛ fiafiaafia hluu kɛ ba hiɛmɛ nɛ ɔ, kaa bɔ nɛ tsɛ hɛɛɔ e bi ɔ.’

Mose V, 30:19

Lɔ ɔ he ɔ, i ngɔ wami kɛ gbenɔ kɛ ngɛ nyɛ hɛ mi fɔe; i ngɔ Mawu gbaami kɛ gbiɛmi hu kɛ ngɛ nyɛ hɛ mi fɔe; nɛ i ngɛ hiɔwe kɛ zugba odase tsɛe ngɛ nɔ́ nɛ nyɛ maa hla a he. Nyɛɛ ngɔ wami.

Mose V, 32:1

“Hiɔwe kɛ zugba lee, nyɛ ba bu mi tue; nyɛ ba bu nɔ́ nɛ i ngɛ dee ɔ tue saminya.

Mose V, 4:26

I tsɛ hiɔwe kɛ zugba odase kaa ke nyɛ bui mi tue ɔ, nyɛ hɛ mi ma kpata ngɛ zugba a nɔ. Lɛɛ zugba a nɛ nyɛ yaa ngɔ ngɛ Yordan pa a se ɔ, nyɛ se be kɛe ngɛ nɔ. A ma kpata nyɛ hɛ mi pɛsɛpɛsɛ.