Yesaya 1:19 - BAIBLO ALOO NGMAMI KLƆUKLƆU Ɔ

¹⁹ Ke nyɛ maa bu mi tue ɔ, lɛɛ nyɛ maa ye zugba a mi niba ní kpakpa.

Yesaya 1:19 ပူးပေါင်းရင်းမြစ်များ

Yesaya 3:10

Nihi nɛ peeɔ nɔ́ nɛ da a, a bua maa jɔ, nɛ a nɔ́ tsuaa nɔ́ maa ya nɔ saminya. A maa ye a dengme gbomi mi ngɔɔmi.

Yoel 2:26

Jehanɛ lɛɛ, nyɛ maa ye ní nɛ nyɛ maa tɔ. Nyɛ ma je Yawɛ, nyɛ Mawu ɔ yi ngɛ nyakpɛ níhi nɛ e tsu ha nyɛ ɔ he. A be ye ma a ahlua bɔe ligbi ko ligbi ko hu.

Hebribi 5:9

Benɛ Mawu ha nɛ e hi kɛ pi si ɔ, e ba pee nɔ nɛ haa nihi nɛ buɔ lɛ tue ɔ naa neneene yi wami hemi.

Mose V, 28:1

“Ke nyɛ bu Yawɛ, nyɛ Mawu ɔ gbi tue, nɛ nyɛ ye e mlaa amɛ tsuo nɛ i ngɛ nyɛ woe mwɔnɛ ɔ a nɔ ɔ, lɛɛ e ma wo nyɛ nɔ gojoo pe je ma amɛ tsuo.

Yesaya 25:6

Yawɛ maa ngmɛ okplɔɔ ngɛ yo nɛ ɔ nɔ ha je ma amɛ tsuo. A maa ye ní kpakpa: lo nɛ tu zɔ saminya, kɛ zɔ nɛ a je kɛ je wu mi tɔɔ; nɛ a maa nu wai kpakpa.

Yesaya 65:13

Lɔ ɔ he ɔ, imi Nyɔmtsɛ Yawɛ, i ngɛ dee ke, ni nɛmɛ nɛ buɔ mi tue, nɛ a jaa mi ɔ, a ma ná ní babauu maa ye, se nyɛɛ lɛɛ hwɔ maa gbe nyɛ; ye sɔmɔli ɔmɛ ma na nyu maa nu, se nyɛɛ lɛɛ kuma maa gbe nyɛ; ye sɔmɔli ɔmɛ ma nya, se nyɛɛ lɛɛ zo maa gbe nyɛ.

Yeremia 7:5

“Nyɛ tsake nyɛ je mi babɛ; kɛ nyɛ ní peepee. Nyɛɛ kɛ nyɛ nyɛmimɛ nɛ hi si saminya.

Yeremia 21:8

Jehanɛ, Yawɛ de mi ke ma de ma a ke, “Nyɛɛ bu tue! I kɛ nɔ́ enyɔ ngɛ nyɛ hɛ mi fɔe nɛ nyɛɛ hla kake, blɔ nɛ kɛ nɔ yaa wami mi, kɛ blɔ nɛ kɛ nɔ yaa gbenɔ mi.

Hagai 1:12

Kɛkɛ nɛ Shealtiel Zerubabel, kɛ Yehozadak bi Yoshua, kɛ ma a tsuo nɛ kpale kɛ je ma se ngɛ Babilonia kɛ ba a, pee nɔ́ nɛ Yawɛ, a Mawu ɔ de mɛ ke a pee ɔ, nɛ a bu gbalɔ Hagai, Yawɛ tsɔlɔ ɔ tue, ejakaa Yawɛ nɛ tsɔ lɛ. Ma a tsuo ye gbeye.

Mose III, 25:19

Zugba a maa ba ní, nɛ nyɛ maa ye ní nɛ nyɛ maa tɔ; nɛ nyɛ maa hi zugba a nɔ ngɛ he jɔmi mi.

Mose III, 26:3

“Ke nyɛ bu ye gbi tue nɛ nyɛ ye ye blɔ nya tomi ɔmɛ, kɛ ye mlaa amɛ a nɔ ɔ,

Mose III, 26:5

Nyɛ ngmɔ ɔmɛ maa ba ní saminya; nyɛ maa hi blɛfo kpɔe hluu kɛ yaa si wai yiblii nya buami be; nɛ nyɛ maa hi wai yiblii nya buae hluu kɛ maa su blɛfo dumi be ekohu. Nyɛ maa ye ní, nɛ nyɛ maa tɔ; nyɛ maa hi si ngɛ tue mi jɔmi mi ngɛ zugba a nɔ.

Yesaya 58:14

lɛɛ bua jɔmi nɛ a naa ngɛ imi Yawɛ ye sɔmɔmi mi ɔ, nyɛ ma na. Ma ha je ɔ tsuo maa wo nyɛ hɛ mi nyami, nɛ zugba a nɛ i ngɔ ha nyɛ nɛ̃, Yakob ɔ, ma ha nyɛ maa ye e mi ní kpakpa amɛ. Imi, Yawɛ lɛ i de.”

Yeremia 7:7

Ke nyɛ tsake ɔ, zugba nɛ ɔ nɛ i ngɔ kɛ ha nyɛ nɛmɛ blema ko ɔ, ma ha nɛ nyɛ maa hi nɔ, nɛ e maa pee nyɛ weto ní.