Yesaya 1:18 - BAIBLO ALOO NGMAMI KLƆUKLƆU Ɔ

¹⁸ Yawɛ ke, “Jehanɛ, nyɛɛ ba nɛ wɔ tsuo wa susu he. Ke nyɛ he yayami ɔ tsu kaa mɛni po, ma ha e ma hiɛ futaa kaa snoo, loo jijɔ he bwɔmi.

Yesaya 1:18 ပူးပေါင်းရင်းမြစ်များ

Hiob 9:33

Se sane he buálɔ ko be; nɔ ko be nɛ maa kojo Mawu kɛ nɔmlɔ a kpɛti.

La 51:7

Ngɔɔ nga nɛ a fi kɛ bla kaa bɛ kɛ tsu ye he, konɛ ye he nɛ tsɔ. Du ye he ha mi saminya, nɛ ma hiɛ futaa pe sinoo.

La 51:9

Koo hyɛ ye yayami ɔmɛ, se mohu tsu mɛ tsuo pɛpɛɛpɛ.

Yesaya 1:23

Atuã tsɔli ji o ganɔ ɔmɛ, nɛ juli ji o huɛmɛ; be tsuaa be ɔ, nike ní, kɛ nyɔ mi ní a ngɛ hee. A yi awusahi a sane ha we mɛ ngɛ sane yemi he, nɛ a bui yalɔyihi hu a sane tue.

Yesaya 3:13

Yawɛ pee klaalo kaa e maa jaje e sane ɔ; e pee klaalo kaa e maa kojo e ma a.

Yesaya 41:1

Mawu ke, “Nyɛ, wo nya mahi, nyɛɛ pee dii, nɛ nyɛɛ bu mi tue! Nyɛ dla nyɛ he saminya, konɛ waa hyɛ sane ɔ mi! Nyɛɛ hɛ nyɛ kɛ ba, konɛ nyɛ ba je nyɛ nya, nɛ waa hyɛ nɔ nɛ nɔ́ da.

Yesaya 41:21

Yawɛ, Israel matsɛ ɔ ke, “Nyɛ je ma amɛ, nyɛɛ jaje nyɛ sane ɔ nɛ waa nu. Nyɛ je nyɛ we odase ɔmɛ kpo.

Yesaya 44:22

I je o tɔmi ɔmɛ kɛ je o he kɛ ho kaa bɔku. O yayami ɔmɛ laa kaa mɔtu afua. Kpale kɛ ba ye ngɔ, imi lɛ i he o yi wami ɔ nɛ.”

Yesaya 50:8

Nɔ nɛ maa wo mi nguɔ ɔ ngɛ ye kasa nya. Mɛnɔ lɛ e kɛ mi ná a? É ba konɛ waa kpe! Mɛnɔ ji ye he nyɛlɔ ɔ? É hɛ lɛ kɛ ba ye ngɔ.

Yesaya 55:7

Nyɛ yiwutsotsɛmɛ, nyɛ kpa awi yemi, nyɛ yayami peeli, nyɛ ko susu nɔ́ yaya hu. Nyɛɛ kpale kɛ ba Yawɛ, wa Mawu ɔ ngɔ. E naa mɔbɔ, nɛ be tsuaa be ɔ, e kɛ nɔ tɔmi paa.

Yeremia 2:5

Yawɛ ke, “Mɛni tɔmi nyɛ nɛmɛ ɔmɛ na ngɛ ye he loko a tsɔ a he kɛ je ye he ɔ? A ya nyɛɛ níhi nɛ he be se nami a se, nɛ mɛ nitsɛmɛ a plɛ pee yaka nimli.

Ezekiel 18:27

Jehanɛ hu, ke nɔ nɛ peeɔ yayami kpa yayami peemi, nɛ e ye dami sane, nɛ e pee nɔ́ nɛ da a, e ma he e yi wami.

Ezekiel 33:16

Yayami nɛ e pee ɔ, ma ngɔ kɛ pa lɛ, nɛ e yi ma na wami; ejakaa e pee nɔ́ nɛ da, nɛ e ye dami sane.

Mika 6:2

Nyɛ yohi, nyɛɛ bu munyuhi nɛ Yawɛ kɛ ngɛ e ma a nya poe ɔ tue! Nyɛ zugba a sisi tomihi nɛ nyɛ ngɛ daa, nyɛ ta tue! Yawɛ kɛ e ma, Israel na, nɛ e maa jaje e sane ɔ.

Ni Tsumi 17:2

Paulo ya kpe he ɔ kaa bɔ nɛ e pɔɔ peemi ɔ. E kɛ Yuda bi ɔmɛ ya hla ngmami ɔmɛ a mi Hejɔɔmi ligbi etɛ sɔuu.

Ni Tsumi 18:4

Daa Hejɔɔmi ligbi ɔ, e ya fiɛɔ Mawu munyu ngɔ tsɔɔ nihi ngɛ kpe he ɔ, nɛ e bɔɔ mɔde kaa e ma tsake Yuda bi, kɛ Hela bi tsuo.

Ni Tsumi 24:25

Se benɛ Paulo ngɛ dami, he nɔ yemi, kɛ kojomi nɛ maa ba a he munyu tue ɔ, Felike ye gbeye wawɛɛ, nɛ e de lɛ ke, “Yaa lolo, ke i na deka a, ma tsɛ mo ekohu.”

Romabi 5:20

A wo mlaa a hulɔ, konɛ wa yɔse yayami ɔmɛ babauu; se he nɛ yayami hiɛ ngɛ ɔ, lejɛ ɔ Mawu dloomi ɔ hiɛ kɛ be nɔ babauu.

Kpojemi 7:14

I de lɛ ke, “Ye Nyɔmtsɛ, i li; mo lɛ o le!” E de mi ke, “Haomi kpetekpleenyɛ ɔ, nimli nɛ ɔmɛ ji ni nɛmɛ nɛ gblee mi kɛ be slɔkee. A fɔ a tade ɔmɛ a he, nɛ a ha nɛ a hiɛ futaa ngɛ To bi ɔ muɔ ɔ mi.

Samuel I, 12:7

Lɔ ɔ he ɔ, nyɛɛ da si dii, konɛ ma po nyɛ nya ngɛ Yawɛ hɛ mi, nɛ ma kai nyɛ ní nguahi nɛ Yawɛ pee kɛ he nyɛɛ kɛ nyɛ nɛmɛ ɔmɛ a yi wami.