Yesaya 1:16 - BAIBLO ALOO NGMAMI KLƆUKLƆU Ɔ

¹⁶ Nyɛɛ du nyɛ he, konɛ nyɛ he nɛ tsɔ. Nyɛ kpa yayami nɛ nyɛ ngɛ pee nɛ ɔ nɛ ma jɔɔ hyɛmi. Ee, nyɛ kpa yayami peemi,

Yesaya 1:16 ပူးပေါင်းရင်းမြစ်များ

Matsɛmɛ II, 17:13

Yawɛ gu gbali, kɛ ní nali a nɔ nɛ e kɛ slɔ Israel kɛ Yuda ke, “Nyɛɛ kpale kɛ je nyɛ blɔ yayami ɔmɛ a nɔ. Nyɛɛ ye ye mlaa amɛ nɛ i wo nyɛ nɛmɛ ɔmɛ, kɛ blɔ nya tomi ɔmɛ a nɔ. I ngɔ ní nɛ ɔmɛ ngɔ ha nyɛ kɛ gu ye tsɔli gbali ɔmɛ a nɔ.”

La 26:6

Yawɛ, ma fɔ ye dɛ kɛ tsɔɔ kaa yayami ko be ye he; konɛ ma bɔle bɔ sami la tɛ ɔ.

La 34:14

Jɔɔ yayami peemi, nɛ o pee kpakpa. Hla tue mi jɔmi, nɛ o nyɛɛ se.

La 37:27

Kpa yayami peemi, nɛ o pee kpakpa, kɛkɛ ɔ, o nina maa hi zugba a nɔ daa;

La 51:2

Du ha mi konɛ ye mu ní ɔmɛ, kɛ yayami ɔmɛ tsuo nɛ a je ye he kulaa.

Abɛ Womi 21:3

Pee nɔ́ nɛ sa, kɛ nɔ́ nɛ da; lɔ ɔ saa Yawɛ hɛ mi pe nɔ nɛ a maa sã bɔ ha lɛ.

Abɛ Womi 4:27

Koo pee yayami. Ko gba kɛ je blɔ nɛ da nɔ; yaa o hɛ mi tɛɛ.

Yesaya 52:11

Nyɛ tsuo nyɛ ba be kɛ ho; nyɛɛ je Babilonia! Nyɛ nihi nɛ nyɛ hɛɛ Mawu we ɔ ní klɔuklɔu ɔmɛ, nyɛɛ pee nyɛ he klɔuklɔu; nyɛ ko ta nɔ́ ko nɛ he tsɔ we he.

Yeremia 18:11

Lɔ ɔ he ɔ, de Yuda ma a, kɛ Yerusalem ma mi bi ɔmɛ ke, i ngɛ a yi nɔ soe, nɛ ma gbla a tue. De mɛ ke a jɔɔ yayami peemi, nɛ a dla a blɔ ɔmɛ, nɛ a pee nɔ́ nɛ da.

Yeremia 25:5

A de nyɛ ke nyɛɛ kpale kɛ je nyɛ blɔ yayami ɔmɛ a nɔ, nɛ nyɛ kpa yayami peemi, konɛ zugba a nɛ Yawɛ ngɔ ha nyɛɛ kɛ nyɛ nɛmɛ ɔmɛ blema kaa nyɛ weto ní ɔ, nyɛɛ hi nɔ daa.

Yeremia 26:3

Alini a maa bu tue nɛ a maa kpale kɛ je a blɔ yayami ɔmɛ a nɔ. Ke a pee ja a, lɛɛ yi mi nɛ i to kaa ma gbla a tue ngɛ a ní yayami ɔmɛ a he ɔ, ma tsake jamɛ a yi mi tomi ɔ.”

Yeremia 35:15

Daa nɛ ɔ, i tsɔɔ ye tsɔli gbali ɔmɛ kɛ baa nyɛ ngɔ. A ba deɔ nyɛ ke nyɛɛ kpale kɛ je nyɛ blɔ yayami ɔmɛ a nɔ, nɛ nyɛɛ pee nɔ́ nɛ da. A bɔ nyɛ kɔkɔ ke nyɛ ko ja mawu kpahi, nɛ nyɛ ko sɔmɔ mɛ hulɔ, bɔ nɛ pee nɛ nyɛɛ hi zugba a nɛ i ha nyɛɛ kɛ nyɛ nɛmɛ ɔmɛ ɔ nɔ. Se nyɛ bui mi tue, nɛ ye munyu ɔmɛ hu nyɛ ngɔɛ.

Yeremia 4:14

Yerusalem, mo fɔ ní yayami ɔmɛ kɛ je o tsui mi, nɛ a he o yi wami. Kɛ yaa si mɛni be lɛ o maa hi ní yayamihi a he susue?

Amos 5:15

Nyɛɛ hie nɔ́ nɛ dɛ blɔ. Nyɛɛ suɔ nɔ́ kpakpa, nɛ nyɛɛ hyɛ nɛ a ye dami sane ngɛ kojomi he ɔmɛ. Alini, Yawɛ Tabohiatsɛ Mawu ɔ maa na Yosef nina nɛ piɛɔ mɔbɔ.

Yona 3:8

Nɔ tsuaa nɔ nɛ bu kpekpe ya bo, konɛ a na he piami ngɛ nimli kɛ lohwehi tsuo a hɛ mi; nɛ nɔ tsuaa nɔ nɛ sɔle wawɛɛ kɛ tsɛ Mawu; nɔ tsuaa nɔ nɛ kpale kɛ je e blɔ yayami ɔmɛ a nɔ, kɛ e yi mi wami ní ɔmɛ a se,

Zakaria 13:1

Yawɛ Tabohiatsɛ ɔ ya nɔ nɛ e de ke, “Ke jamɛ a be ɔ su ɔ, a ma bli nyu vu ko nya, nɛ a maa ngɔ e mi nyu ɔ kɛ tsu David nina, kɛ Yerusalem bi ɔmɛ a he kɛ jé a he yayami ɔ, kɛ a he mu ɔ.

Zakaria 7:7

Munyu nɛ ɔmɛ nɔuu ji sɛ gbi nɛ Yawɛ ha kɛ gu gbali nɛ sɛ hlami ɔ a nɔ. Jamɛ a be ɔ, Yerusalem na ní kpɔtɔɔ. Jamɛ a be ɔ, nihi babauu ngɛ Yerusalem ma a mi; nɛ kɔpe ɔmɛ nɛ bɔle ma a, kɛ zugba a nɛ ngɛ leneyi je, kɛ yo ɔmɛ a kuɔ si ɔ tsuo hyi tɔ kɛ nimli.

Mateo 3:8

Nyɛɛ pee níhi nɛ tsɔɔ kaa nyɛ tsake nyɛ tsui.

Ni Tsumi 22:16

Mɛni he je nɛ o ngɛ tsle toe? Tee si nɛ o ha a sɔle mo ngɛ Nyɔmtsɛ ɔ biɛ mi, nɛ o kpa Mawu pɛɛ nɛ e ngɔ o he yayami kɛ pa mo.’

Romabi 12:9

Suɔmi ɔ, e je nyɛ tsui mi tɔɔ. Nyɛɛ nyɛ yayami kulaa; nɛ nyɛɛ pɛtɛ nɔ́ kpakpa he.

2 Korintobi 7:1

Siwohi nɛ wa na kɛ je Mawu dɛ mi ji nɛ ɔmɛ nɛ. Lɔ ɔ he ɔ, ye nyɛmimɛ nyɛ ha wa je níhi tsuo nɛ woɔ wa nɔmlɔ tso, kɛ mumi he mu kɛ ya se, konɛ wa he nɛ tsɔ kulaa kɛ hi si ngɛ Mawu gbeye yemi nya.

Yakobo 4:8

Nyɛɛ hɛ nyɛ kɛ su Mawu he, nɛ e maa hɛ lɛ kɛ su nyɛ he. Yayami peeli, nyɛ fɔ nyɛ dɛ! Nyɛ yi mi enyɔɔnyɔtsɛmɛ, nyɛ tsake nyɛ tsui.

1 Petro 2:1

Lɔ ɔ he ɔ, nyɛ kpa yayami tsuaa yayami peemi, lakpa, osato, ninyɛ, kɛ nihi a he munyu tumi.

1 Petro 3:11

E jɔɔ yayami peemi, nɛ e pee kpakpa. E bɔ mɔde wawɛɛ, nɛ e kɛ e nyɛmimɛ nɛ hi si ngɛ he jɔmi mi.

Kpojemi 7:14

I de lɛ ke, “Ye Nyɔmtsɛ, i li; mo lɛ o le!” E de mi ke, “Haomi kpetekpleenyɛ ɔ, nimli nɛ ɔmɛ ji ni nɛmɛ nɛ gblee mi kɛ be slɔkee. A fɔ a tade ɔmɛ a he, nɛ a ha nɛ a hiɛ futaa ngɛ To bi ɔ muɔ ɔ mi.