Yesaya 1:15 - BAIBLO ALOO NGMAMI KLƆUKLƆU Ɔ

¹⁵ “Ke nyɛ wo nyɛ nine nɔ, nɛ nyɛ ngɛ sɔlee ɔ, i be nyɛ hyɛe; nyɛ nine he pee kɛ muɔ.

Yesaya 1:15 ပူးပေါင်းရင်းမြစ်များ

Mika 3:4

Be ma nɛ nyɛ ma kpa ngmlaa kɛ tsɛ Yawɛ, se e be nyɛ nya mi poe. E be nyɛ kue fami ɔ tue bue, ejakaa nyɛ pee yayami.

Abɛ Womi 1:28

jamɛ a be ɔ mi ɔ, nyɛ ma tsɛ mi, se i be nɔ hee. Nyɛ ma hla ye se blɔ kɛ hɛdɔ, nɛ nyɛ be mi nae.

Zakaria 7:13

Akɛnɛ ke i de nɔ́ ko nɛ a bui tue he je ɔ, ke a fa kue ɔ, i he we nɔ.

Yeremia 14:12

Ke a ha hwɔ tete po, i be a kue fami ɔ tue bue; nɛ ke a sã sami bɔ, kɛ niye ní bɔ ha mi hu, i be hee. Se mohu ɔ, níhi nɛ i kɛ ma kpata a hɛ mi ji ta, hwɔ, kɛ gbenɔ hiɔ.”

La 66:18

Kaa pe i suɔ yayami, nɛ i ngɔ kɛ laa ngɛ ye tsui mi ɔ, Nyɔmtsɛ ɔ ko bui mi tue.

Matsɛmɛ I, 8:22

Jehanɛ Salomo ya da bɔ sami la tɛ ɔ hɛ mi ngɛ Israel ma kpekpemi ɔ tsuo hɛ mi; nɛ e wo e nine nɔ kɛ ya hiɔwe,

Yesaya 58:7

Nɔ nɛ hwɔ ngɛ lɛ yee ɔ, nyɛ ha lɛ ní nɛ e ye, nɛ nihi nɛ be he ko nɛ a maa hi ɔ, nyɛɛ ngɔ mɛ kɛ ba nyɛ we mi. Ke nyɛ na nɔ ko nɛ hɛɛ e he gu ɔ, nyɛ ha lɛ bo; nyɛ ko pee kpɛle ngɛ nyɛ nitsɛmɛ nyɛ weku li a he.

La 55:1

Mawu, bu ye kue fami ɔ tue; kue nɛ i ngɛ fae ha mo ɔ, koo tsi o tue.

Hiob 27:20

Sawale maa nu lɛ kaa pa nɛ hia kɛ bee. Kɔɔhiɔ nɛ nya wa maa fia lɛ kɛ ho nyɔ mi.

Matsɛmɛ I, 8:54

Benɛ Salomo fa kue ha Yawɛ gbe nya a, e te da si ngɛ bɔ sami la tɛ ɔ hɛ mi he nɛ e kpla si ngɛ ɔ, nɛ e wo e nine nɔ kɛ ya hiɔwe.

Mateo 23:13

“Nyɛ mlaa tsɔɔli, kɛ Farisi bi, musu tloo nyɛ! Osatotsɛmɛ! Nyɛ ngaa hiɔwe matsɛ yemi ɔ nya ngɔ woɔ nihi, se nyɛ nitsɛmɛ lɛɛ nyɛ sɛ́ mi. Ni nɛmɛ nɛ a hlaa kaa a maa sɛ mi ɔ hu nyɛ ngmɛ́ mɛ blɔ! [

Mateo 6:7

“Ke nyɛ ngɛ sɔlee ɔ, nyɛ ko tu munyu putɛputɛɛ kaa bɔ nɛ wɔ jali peeɔ ɔ. Mɛɛ lɛɛ a susuu kaa ke a tu munyu fuu loko Mawu maa bu mɛ tue.

1 Timoteo 2:8

He tsuaa he nɛ asafo ɔ ma bua a he nya ngɛ kɛ ja Mawu ɔ, nyumuhi nɛ a sɔle. E hia kaa a pee Kristo se nyɛɛli nɛ ngɔ a he kɛ ha Mawu kulaa. Ke a ngɛ sɔlee ɔ, a wo a nine nɔ, nɛ mi mi la kó hi mi; nɛ a ko hla kaa a maa sã nya ngɛ nɔ́ ko he.

Yesaya 8:17

Yawɛ ngɔ e hɛ mi ngɔ laa e ma a, se imi lɛɛ i heɔ yeɔ, nɛ i ngɔ ye hɛ ngɔ fɔ e nɔ.

La 134:2

Nyɛ wo nyɛ nine nɔ ngɛ he klɔuklɔu ɔ, nɛ nyɛ je Yawɛ yi.

Ezra 9:5

Gbɔkuɛ bɔ sami be ɔ, i gbe ye hwɔ hami ɔ nya, nɛ i te si ngɛ zugba kɛ ye he tade sisi nɔ́ ɔ, kɛ nɔha nɔ́ ɔ nɛ i hía a. I kplã si, nɛ i wo ye nine nɔ kɛ ha Yawɛ, ye Mawu ɔ.

Yohane 9:31

Wa le kaa Mawu bui yayami peeli tue, se nɔ nɛ yeɔ lɛ gbeye, nɛ e peeɔ Mawu suɔmi nya ní ɔ, Mawu buɔ lɛ tue.

Mose II, 9:29

Mose de lɛ ke, “Ke i je ma a mi pɛ ma wo ye nine nɔ ngɔ tsɔɔ Yawɛ. Hiɔwe simi ɔ se maa po, nɛ gbiɛ ngo ngu ɔ be nɛe hu, konɛ o na nɛ o le kaa Yawɛ nɔ́ ji je ɔ nɛ.

Hiob 35:13

Niinɛ, Mawu bui yaka ngmlaa tue; Mawu Ope ɔ bui he akɔtaa.

Yesaya 4:4

Nyɔmtsɛ ɔ kɛ e he wami maa kojo Zion biyi ɔmɛ, nɛ e maa tsu ma a he. E ma fɔ mu níhi, kɛ muɔ nɛ pue si ngɛ Yerusalem ɔ tsuo.

Yesaya 45:15

Israel Mawu ɔ nɛ heɔ e ma a yi wami ɔ, e ji Mawu nɛ laa e he.

Yesaya 58:4

Nyɛ haa hwɔ, se nyɛ peeɔ basabasa; nyɛ pɛɔ, nɛ nyɛ nɔɔ kunɔ. Nyɛ susuɔ kaa kikɛmɛ a hwɔ hami ɔ ma ha ma bu nyɛ kue fami tue lo?

Yesaya 64:7

Nɔ ko nɔ ko be nɛ faa kue ha mo; nɛ nɔ ko nɔ ko ba bi we yemi kɛ buami kɛ ji o ngɔ. O ngɔ o hɛ mi kɛ laa wɔ. Wa yayami ɔmɛ ha nɛ o kua wɔ.

Yeremia 4:31

I nu gbi ko nɛ ngɛ pɛe kaa yo nɛ nu kɔɔmi; i nu kɛmɛmi ko kaa yo nɛ ngɛ e kekleekle bi fɔe. Mamoo Yerusalem nɛ e kɛ gbafa ngɛ ngmlaa kpae ɔ nɛ. E juale e nine mi, nɛ e ngɛ dee ke, “Akuanyɛ! Ye yi ta pɛ! He nyɛli ɔmɛ miɔ nɛ a maa gbe mi!”

Yeremia 11:11

Lɔ ɔ he ɔ, imi Yawɛ, i ngɛ mɛ dee ke, ma ha nɛ haomi maa ba a nɔ nɛ a he be mi jee. Ke a fa kue ha mi po, i be mɛ tue bue.

Ezekiel 11:6

Nyɛ gbe nihi babauu, nɛ ma nɛ ɔ gbɛjegbɛ ɔmɛ tsuo a nɔ hyi tɔ kɛ a gbogboe ɔmɛ.

Ezekiel 14:3

“Nɔmlɔ adesa, ni nɛmɛ nɛ ngɔ a hɛ ngɔ fɔ amagahi a nɔ kɛ a tsui tsuo, nɛ lɔ ɔ he ɔ, yayami pɛ a peeɔ ɔ, anɛ a susuɔ kaa ma ha a ba bi ní ngɛ ye ngɔ lo?

Ezekiel 39:23

Je ma amɛ hu maa le kaa imi lɛ i ha Israel bi ɔmɛ ya hi ma se kaa nyɔguɛhi, ejakaa a pee yayami kɛ si mi. I kua mɛ, i ha a he nyɛli ba ye a nɔ ngɛ ta mi, nɛ a gbe mɛ.

Hosea 5:6

A maa ngɔ tohi, kɛ nahi kɛ ba sã bɔ ha Yawɛ, se a be lɛ nae; ejakaa Yawɛ je a se.