Yesaya 1:14 - BAIBLO ALOO NGMAMI KLƆUKLƆU Ɔ

¹⁴ I sume nyɛ Nyɔhiɔhe nyami be ɔmɛ, kɛ Hejɔɔmi ligbi ɔmɛ; enɛ ɔmɛ peeɔ haomi kɛ pɔtɔ ha mi.

Yesaya 1:14 ပူးပေါင်းရင်းမြစ်များ

Amos 5:21

Yawɛ ke, “Kusumihi nɛ nyɛ peeɔ, kɛ gua pɔtɛɛhi nɛ nyɛ bɔɔ ngɛ nyɛ nyami ligbi ɔmɛ a nɔ, nɛ nyɛɛ kɛ woɔ ye hɛ mi nyami ɔ, i hiee, nɛ i na we a he bua jɔmi.

Yesaya 43:24

O he we tsopa kɛ e he via ha mi, nɛ o ngɔɛ lohwehi a zɔ hu kɛ ba sã we bɔ kɛ sa ye hɛ mi, se mohu, o ngɔ o he yayami kɛ ngɛ mi haoe sɔuu, nɛ pɔ tɔ mi kɛ o tɔmi ɔmɛ.

Amos 2:13

“Lɔ ɔ he ɔ, ma gbla nyɛ tue, nɛ nyɛ ma kɛmɛ kaa bɔ nɛ tlɔɔke kɛmɛɛ ke a wo lɛ ngma nɛ́ e hyi kɛ be nɔ ɔ.

Yesaya 61:8

Yawɛ de Yerusalem bi ɔmɛ ke, “I suɔ kaa a ye dami sane; i sume ojo fiami, kɛ yi mi wami; ma pee ye ma a kpakpa bɔ nɛ sa mɛ, nɛ i kɛ mɛ maa so somi ko nɛ maa hi si kɛ maa ya neneene.

Yesaya 7:13

Yesaya he nɔ ke, “Matsɛ David nina, jehanɛ bu tue. E ji nɔ́ yayami kaa o maa hao nimli adesahi hluu kɛ yaa si a tsui si tomi maa ta. Anɛ o ngɛ hlae nɛ o hao wa Mawu ɔ hu ja kɛ yaa si e tsui si tomi maa ta lo?

Malaki 2:17

Nyɛɛ kɛ nyɛ munyu babauu ɔ woɔ Yawɛ pɔtɔ. Se nyɛ biɔ ke, “Kɛ wa peeɔ kɛ woɔ lɛ pɔtɔ kɛɛ?” Ɛ̃ɛ̃, bɔ nɛ nyɛ peeɔ ji kaa nyɛ deɔ ke, “Nɔ tsuaa nɔ nɛ peeɔ yayami ɔ, e hi, nɛ Yawɛ suɔ lɛ.” Jehanɛ hu, nyɛ biɔ ke, “Jije Mawu nɛ yeɔ dami sane ɔ ngɛ?”

Zakaria 11:8

Nyɔhiɔ kake mi ɔ, to hyɛli etɛ komɛ nɛ sume mi ɔ, i ngmɛɛ a he, ejakaa a sane ba gbe ye nya.

Yesaya 29:1

Musu tloo Yerusalem! Yerusalem, Mawu bɔ sami la tɛ ɔ musu tloo lɛ! David ma nɛ e hi mi ɔ, musu tloo lɛ. Jeha kake, loo enyɔ komɛ kɛ a mi ní yemi, kɛ nyami ɔmɛ a se ɔ,

Kronika I, 23:31

kɛ be tsuaa be nɛ a maa sã sami bɔ ha Yawɛ ɔ, Hejɔɔmi ligbi jio, Nyɔhiɔhe nyami be jio, nyami be kpa amɛ jio. Ke be su kɛ ha ní tsumi nɛ ɔmɛ a tsumi ɔ, Levi bi abɔ nɛ hia kaa a ya tsu ní ɔ, yaa nɛ a ya tsuɔ ngɛ mlaa a nya.

Yesaya 29:2

ma nɛ a tsɛɛ “Mawu bɔ sami la tɛ ɔ”, Mawu ma ha e maa na amanehlu. Ma mi bi ɔmɛ maa ye kɔmɔ, nɛ a maa wo yana. Ma a tsuo maa pee kaa bɔ sami la tɛ ko nɛ a kpa muɔ ngɔ pue nɔ.

Yesaya 66:23

Nyɔhiɔhe nyami be tsuaa Nyɔhiɔhe nyami be, kɛ Hejɔɔmi ligbi tsuaa Hejɔɔmi ligbi ɔ, nimli adesahi nɛ ngɛ je ma amɛ tsuo a mi ɔ ma ba ja mi ngɛ Yerusalem.” Yawɛ lɛ de.

Hosea 2:11

E nyami be ɔmɛ: Nyɔhiɔhe, Hejɔɔmi, kɛ nyami be kpa amɛ tsuo a se maa po.

Hosea 5:7

A yi Mawu anɔkuale; a kɛ ni kpahi ya fɔ bimɛ. Lɔ ɔ he ɔ, e be kɛe kulaa nɛ mɛ nitsɛmɛ, kɛ a zugba a tsuo hɛ mi ma kpata.