Yeremia 9:9 - BAIBLO ALOO NGMAMI KLƆUKLƆU Ɔ

⁹ Anɛ ma ko gbla a tue ngɛ ní nɛ ɔmɛ a he lo? Ma nɛ ngɛ kaa kikɛ nɛ ɔ, ma ko gbla a tue lo? Imi, Yawɛ lɛ i ngɛ munyu tue ɔ nɛ.”

Yeremia 9:9 ပူးပေါင်းရင်းမြစ်များ

Yesaya 1:24

Lɔ ɔ he ɔ, ta tue ha nɔ́ nɛ Yawɛ Tabohiatsɛ, Israel Mawu, hewamitsɛ ɔ ngɛ dee ɔ: “Ma ye ye he lue ngɛ nyɛ he nyɛli ɔmɛ a nɔ, konɛ nyɛ ko ba gba ye nya hu.

Yesaya 10:3

Ke Mawu bɔni nyɛ tue gblami ɔ, kɛ nyɛ maa pee kɛɛ? Ke e ngɔ haomi kɛ je ma se kɛ ba na nyɛ ɔ, kɛ nyɛ maa pee kɛɛ? Mɛnɔ ngɔ nyɛ ma sa fo kɛ ya ya hla yemi kɛ buami? Jije nyɛ maa ngɔ nyɛ juetli kɛ to?

Yesaya 57:6

Nyɛ ya ngɔɔ dongo tɛhi kɛ jeɔ kɔ̃ mi, nɛ nyɛ jaa mɛ. Nyɛ ngɔɔ wai kɛ sãã bɔ kɛ haa tɛhi; nɛ nyɛ ngɔɔ ngma hu kɛ sãã bɔ ha mɛ ja nɔuu. Ní nɛ ɔmɛ tsuo nɛ nyɛ peeɔ ɔ, anɛ nyɛ susuu kaa ye bua maa jɔ he?

Yeremia 12:11

A kpata zugba a hɛ mi pɛsɛpɛsɛ, nɛ zugba a pee mɔbɔmɔbɔ. Zugba a tsuo plɛ pee nga kplanaa, nɛ nɔ ko nɔ ko yi he kɔmɔ.

Yeremia 12:4

Wa ngmɔ ɔmɛ a nɔ nga a tsuo gbli. Pu mi lohwehi, kɛ lohwe pɛlitsɛmɛ ngɛ tae. Wa zugba a pee mɔbɔmɔbɔ, ejakaa wa ma mi bi ɔmɛ pee yayami. Nɔ́ nɛ a deɔ ji, “Nɔ́ nɛ wa ngɛ pee nɛ ɔ, Mawu tsa nɛ.” Mɛni be nɔ́ nɛ ɔ maa ya nɔ kɛ yaa si?

Yeremia 4:25

I na kaa nɔmlɔ adesa kake ngmelu be je ɔ mi; lohwe pɛlitsɛ ɔmɛ po te kɛ je.

Yeremia 5:29

“Anɛ e sɛ kaa i gblaa a tue ngɛ ní nɛ ɔmɛ a he lo? Ma nɛ ngɛ kaa kikɛ nɛ ɔ, e sɛ kaa i gblaa a tue lo?

Yeremia 5:9

Anɛ e sɛ kaa a gblaa a tue ngɛ ní nɛ ɔmɛ a he lo? Ma nɛ ngɛ kaa kikɛ nɛ ɔ, e sɛ kaa i gblaa a tue lo?

Hosea 4:3

Enɛ ɔ he je nɛ zugba a pee mɔbɔmɔbɔ ɔ nɛ. Níhi tsuo nɛ ngɛ zugba a nɔ, nga mi lohwehi kɛ lohwe pɛlitsɛmɛ tsuo pee gbedee; nɛ pa mi lohi tete ngɛ gboe.”

Yoel 1:19

Yawɛ, i ngɛ kue fae kɛ ngɛ mo tsɛe; ejakaa la sã tso ɔmɛ tsuo ngɛ nga a nɔ. La kpata lohwe lɛmi he ɔmɛ tsuo a hɛ mi ngɛ nya nɔ!

Amos 5:1

Israel ma, nyɛɛ bu kɔmɔ yemi la nɛ ɔ nɛ imi Amos, i ngɛ lae ha nyɛ ɔ tue:

Amos 5:2

Israel bi nɛ nyɛ ngɛ kaa zangmawi! Nyɛ nɔ ta, nɛ nyɛ be si tee hu. A gbe nyɛ ngɔ pue nyɛ nitsɛmɛ nyɛ zugba nɔ; Nɛ nɔ ko bɛ nɛ e ba wo nyɛ nɔ.