Yeremia 9:7 - BAIBLO ALOO NGMAMI KLƆUKLƆU Ɔ

⁷ Enɛ ɔmɛ a he je ɔ, Yawɛ Tabohiatsɛ ɔ ke, “Ma gbla a tue, nɛ ma ha nɛ a tsake a je mi babɛ kaa bɔ nɛ sika galɔ tsuɔ sika he ɔ. Ye ma mi bi ɔmɛ pee yayami. Anɛ nɔ́ kpa ko pa ngɛ nɛ ma pee mɛ lo?

Yeremia 9:7 ပူးပေါင်းရင်းမြစ်များ

Yesaya 1:25

I kɛ nyɛ maa to ní. Ma tsu nyɛ he kaa a tsuɔ dade he, nɛ ma je nyɛ he mu ɔ tsuo.

Malaki 3:3

E ma ba kojo kaa bɔ nɛ sika hiɔ ga ní tsulɔ tsuɔ sika hiɔ he ɔ. Kaa bɔ nɛ sika hiɔ, loo sika tsu ga ní tsulɔ tsuɔ sika he ɔ, ja ji bɔ nɛ Yawɛ tsɔlɔ ɔ maa tsu osɔfo ɔmɛ a he, konɛ a ngɔ nike ní nɛ sa kɛ ba ha lɛ Yawɛ ɔ.

Yeremia 6:27

Kaa bɔ nɛ sika he ní tsulɔ hlaa sika nitsɛ ngɛ sika yaya kpɛti ɔ, jã kɛ̃ i hla mo Yeremia, konɛ o hyɛ ye ma mi bi ɔmɛ fitofitso kaa kɛ ji bɔ nɛ a je mi bami ngɛ kɛɛ.

Yesaya 48:10

I ngɔ amanehlu kɛ ka nyɛ kaa bɔ nɛ a tsuɔ sika hiɔ he ngɛ flɔɔnɔɔ mi; se i na kaa nyɛ he be se nami ko kulaa.

Zakaria 13:9

Ma ngɔ mi dlami etɛ mi kake nɛ ɔ kɛ wo la mi, nɛ ma tsu a he kaa bɔ nɛ a tsuɔ sika hiɔ he ɔ. Ma tsu a he kaa bɔ nɛ a tsuɔ sika tsu he. Kɛkɛ ɔ, a maa fa kue ma tsɛ mi, nɛ ma he nɔ. Ma de mɛ ke, ‘Ye ma ji nyɛ,’ nɛ a ma de ke, ‘Yawɛ ji wa Mawu.’ ”

1 Petro 4:12

Nyɛmimɛ nɛ i suɔ, bɔ nɛ a ngɛ nyɛ hemi kɛ yemi ɔ kae, nɛ nyɛ ngɛ nɔ́ nae ɔ, e ko pee nyɛ nyakpɛ. Nyɛ ko susu kaa nɔ́ ko nɛ bɛ hyɛ nyɛ ngɛ nae ɔ.

1 Petro 1:7

A kɛ amanehlu nɛ ɔmɛ ngɛ nyɛ kae kaa nyɛ heɔ Mawu yeɔ niinɛ lo. Sika tsu po nɛ puɛɔ ɔ, a kaa ngɛ la mi. Lɔ ɔ he ɔ, nyɛ hemi kɛ yemi ɔ nɛ he jua wa kulaa pe sika tsu ɔ, ja a ka lɛ, bɔ nɛ pee nɛ e mi nɛ wa. Kɛkɛ ɔ, ligbi ɔ nɛ Yesu Kristo maa ba ekohu ɔ, a ma je nyɛ yi, nɛ a maa bu nyɛ, nɛ nyɛ hɛ mi maa ba nyami.

Yeremia 31:20

“Israel, mo ji ye bi nɛ i suɔ saminya; mo ji bi nɛ i suɔ pe bimɛ ɔmɛ tsuo. Be tsuaa be nɛ ma de nɔ́ ko kɛ si mo ɔ, ja i kɛ suɔmi kai mo kɛ̃. Ye hɛ jaa ngɛ o he, lɔ ɔ he ɔ, ma na mo mɔbɔ kɛ̃.

Kronika II, 36:15

Se kɛ̃ ɔ, Yawɛ, a nɛmɛ a Mawu ɔ ngmɛɛ we e ma a he. Daa nɛ ɔ, e tsɔɔ e gbali ɔmɛ nɛ a ya bɔɔ mɛ kɔkɔ, ejakaa e sume kaa e ma a, loo Yerusalem hɛ mi nɛ kpata.

Samuel II, 13:26

Kɛkɛ nɛ Absalom de ke, “Ke o kplɛɛ we ɔ, lɛɛ i kpa mo pɛɛ nɛ o ha nɛ ye nyɛminyumu Amnon ba sɛ wɔ mɔ.” Matsɛ ɔ bi lɛ ke, “Mɛni he je o ngɛ Amnon hlae ɔ?”

La 55:22

Ngɔɔ o haomi ɔmɛ kɛ ha Yawɛ, nɛ e maa bu o he. Nɔ nɛ peeɔ nɔ́ nɛ da a, Mawu be blɔ ngmɛe kɔkɔɔkɔ nɛ he nyɛlɔ nɛ ye e nɔ kunimi.

La 62:5

Mawu pɛ nɔ i ngɔ ye hɛ kɛ fɔ; lɔ ɔ he ɔ, i pee dii kɛ ngɛ lɛ blɔ hyɛe, konɛ e ba he ye yi wami.

La 120:4

Nyɛ hɛɛ kɛ̃ɛ̃ mi bihi nɛ a nya ba, kɛ la ngu hɛuu kɛ ma kaa ta buli.

Yesaya 59:3

Nyɛ yeɔ fɔ, ejakaa nyɛ pueɔ muɔ si, nɛ nyɛ peeɔ yayamihi babauu. Yi wu tso níhi a he sɔuu nyɛ susuɔ, nɛ munyuhi nɛ jeɔ nyɛ nya a, lakpa sɔuu.

Yeremia 5:1

Yerusalem bi, nyɛɛ tu fo kɛ gu gbɛjegbɛ ɔmɛ a nɔ kɛ ya kɛ ba! Nyɛɛ po nyɛ hɛ nɛ nyɛɛ hyɛ kɛ bɔle si! Nyɛɛ kpa jua amɛ a nɔ nɛ nyɛ hla fitsofitso kaa nyɛ maa na nɔ kake ngmelu nɛ peeɔ nɔ́ nɛ da, nɔ nɛ bɔɔ mɔde kaa e maa ye Mawu anɔkuale lo? Ke nyɛ na nɔ kake ngmelu kaa ja a, lɛɛ Yawɛ maa ngɔ Yerusalem he yayami ɔmɛ kɛ pa lɛ.

Hosea 4:1

Nyɛ Israel bi, nyɛɛ bu nɔ́ nɛ Yawɛ ngɛ dee ɔ tue. Yawɛ ke Israel ma a tɔ̃ e nɔ. E ke, “Anɔkuale yemi ta zugba a nɔ; suɔmi be, nɛ imi Mawu nitsɛ hu a li mi.