Yeremia 9:5 - BAIBLO ALOO NGMAMI KLƆUKLƆU Ɔ

⁵ Nɔ tsuaa nɔ ngɛ e nyɛmi sisie, nɛ nɔ ko nɔ ko tu we anɔkuale. A lilɛ be kɛ lakpa yemi, nɛ a kplɛɛ we kaa a ma kpa yayami peemi.

Yeremia 9:5 ပူးပေါင်းရင်းမြစ်များ

Habakuk 2:13

Ma amɛ nɛ o ye a nɔ ɔ, ní tsumi kpakpataa nɛ a tsu ɔ tsuo pee yaka. Níhi tsuo nɛ o bua nya a, la sã mɛ. Yawɛ Tabohiatsɛ ɔ lɛ tsu nɔ́ nɛ ɔ nɛ.

Mika 6:12

Niatsɛmɛ nɛ ngɛ nyɛ kpɛti ɔ sisiɔ ohiatsɛmɛ ɔmɛ, nɛ nyɛ tsuo pɛpɛɛpɛ ɔ, lakpatsɛmɛ ji nyɛ.

Yesaya 57:10

Nyɛ gbaa nyɛ he nya babauu kɛ kpaa si; pɔ hu tɔɛ nyɛ nɛ nyɛ ma kpa. Nyɛ susuɔ kaa nyɛ amaga amɛ haa nyɛ he wami, lɔ ɔ he ɔ, nyɛ ngmɛɛ we a he.

Hiob 15:5

Nɔ́ nɛ o ngɛ dee ɔ yeɔ o he yayami ɔmɛ a he odase; lakpa sɔuu lɛ o ngɛ yee ɔ nɛ.

1 Timoteo 4:2

A maa pee a he lakpatsɛmɛ, kɛ nɔ sisili nɛ a he nile gbo pɛsɛpɛsɛ.

Efesobi 4:25

Lɔ ɔ he ɔ, nyɛ kpa lakpa yemi, nɛ nɔ tsuaa nɔ nɛ tu e nyɛmi anɔkuale sisiisi. Ejakaa wɔ tsuo pɛpɛɛpɛ wa ngɛ kaa Kristo nɔmlɔ tso ɔ he ní munomunohi.

Mika 6:3

Yawɛ ke, “Ye ma, mɛni i pee nyɛ? Anɛ i ha nɛ pɔ tɔ nyɛ lo? Nyɛ ha mi heto.

Ezekiel 24:12

Hyɛ kaa i gbo dengme yaka! Bɔ nɛ a peeɔ pɛ i pee nɛ ɔ nɛ; se kana babauu pa ngɛ buɛ ɔ mi kɛ sa; la a po nyɛ we kana a nɛ e je.

Yeremia 9:8

A lilɛ ngɛ kaa kɛ̃ɛ̃ mi bi nɛ gbeɔ nɔ; lakpa pɛ a yeɔ. Nɔ kɛ e nyɛmi tuɔ munyu ngɛ he jɔmi mi, se a tsui mi be ja; klama mohu lɛ a hii a sibi tsɔe.

Yeremia 9:3

Daa nɛ ɔ, a duɔ a lilɛ nya ngɔ to kaa kɛ̃ɛ̃ nɛ a dɔ mi nɛ a ma tsɛ̃. Lakpa, kɛ sisimi sɔuu ji zugba a nɔ; anɔkuale be. Yawɛ ke, “Ye ma mi bi ɔmɛ peeɔ yayami nɔtonɔto; se imi lɛɛ a li mi kaa a Mawu.”

Yesaya 5:18

Musu tloo nyɛ! Nyɛ ní yayami ɔmɛ fi nyɛ kaa kpa nɛ nyɛ nyɛ we nɛ nyɛɛ pɛne ngɛ nyɛ he.

Abɛ Womi 4:16

Ke yiwutsotsɛmɛ pee we nɔ́ yayami ko ɔ, a nyɛ we nɛ a hwɔɔ mahe. Mahe jeɔ a hɛ mi kɛ ya siɔ be nɛ a yeɔ nɔ ko awi loko a hwɔɔ mahe.

La 140:3

A lilɛ ngɛ kaa sinɔ duɔtsɛ nɔ́. A munyu ngɛ kaa sanga duɔ.

La 64:3

A duɔ a lilɛhi a nya kaa klaate; a munyu yaya amɛ ngɛ kaa kɛ̃ɛ̃ mi bihi

La 50:19

“O he sɔɔ kɛ tuɔ munyu yaya be tsuaa be; nɛ lakpa jeɔ o nya puu.

La 7:14

Ke yiwutsotsɛ ngɛ nɔ́ yayami susue ɔ, e hii nɔ́ ɔ plɛe ngɛ e yi mi kpamisa kaa bɔ nɛ bimwɔyo hii plɛe ngɛ yohɔyo mi mi ɔ. Nyagbe ɔ, nɔ́ nɛ jeɔ kpo ji lakpa.

Hiob 11:3

Hiob, munyuhi nɛ o ngɛ tue putɛputɛɛ ɔ, o susu kaa jamɛ munyu ɔmɛ ma ha nɛ wa ma wa nya lo? Ke o ngɛ nihi a he fɛu yee ɔ, nɔ ko nɛ ko pue o hɛ mi si lo?

Mose I, 19:11

Lɔ ɔ se ɔ, a ha nɛ ni ɔmɛ nɛ daa si ngɛ sinya a nya a tsuo a hɛ yu, nɛ a nɛ tsu ɔ nya blɔ hu.

La 52:3

O suɔ yayami pe kpakpa, nɛ o suɔ lakpa munyu hu pe anɔkuale.

Yeremia 7:28

De mɛ ke ma nɛ ɔ bui imi Yawɛ, a Mawu ɔ; a tue nɛ i gbla a hu a kase we ní kɛ ji mi. Anɔkuale laa pɛsɛpɛsɛ; munyu ‘anɔkuale’ ɔ po nɔ ko pa wui nɔ ta hu.

Yeremia 12:6

Mo nitsɛ o nyɛmimɛ, kɛ o weku li te si kɛ wo mo; a so o yi nɔ, nɛ a ngɛ o se blɔ hlae kɛ hɛdɔ. Ke a ha mo hɛ mi, nɛ a kɛ mo tu munyu ngɛ he jɔmi mi po, koo ngɔ hɛ kɛ fɔ a nɔ.”

Yeremia 12:13

Ye ma mi bi ɔmɛ du ngma, se a kpa mio mohu. A gbo dengme, se nɔ́ ko nɔ ko ji mi kɛ bɛ. A ngmɔ ɔmɛ bɛ ní, ejakaa ye mi mi fu mɛ wawɛɛ nitsɛ.”

Yeremia 13:23

Anɛ nɔmlɔ yumu ma nyɛ ma tsake e he womi su ɔ lo? Anɛ ngatsɛ ma nyɛ ma tsake e he huatahuata a lo? Ke e maa hi peemi ja a, lɛɛ nyɛ nɛ yayami peemi pee nyɛ he nɔ́ nɛ ɔ, nyɛ hu nyɛ ma nyɛ maa pee kpakpa.

Yeremia 51:58

A maa hule Babilonia gbogbohi kɛ a hɛ mi gbajagbajaa a ngɔ pue si, nɛ a maa mɛ agbo gagaaga amɛ a he la. Je ma amɛ tsu yaka ní pɛ; a gbo dengme kɛ ha la nɛ e ba sã. Imi, Yawɛ Tabohiatsɛ ɔ lɛ i de.”

Yeremia 51:64

nɛ o de ke, ‘Bɔ nɛ Babilonia ma mu kɛ ya nyu sisi ji nɛ ɔ nɛ. Babilonia ma mu, nɛ e be hiae hu, ejakaa Yawɛ ma kpata zugba a hɛ mi pɛsɛpɛsɛ.’ ” Yeremia sɛ gbi ɔ nya ta ngɛ hiɛ ɔ.

Malaki 2:10

Anɛ pi tsɛ kake too nɛ wɔ tsuo wa ngɛ lo? Anɛ pi Mawu kake too ɔ nɛ bɔ wɔ tsuo lo? Mɛni he je mɔ nɛ wa yi wa nyɛmimɛ anɔkuale ɔ? Somi ɔ nɛ Mawu kɛ wa nɛmɛ ɔmɛ so ɔ, mɛni he je wa yi nɔ ɔ?

Manyadali 2:10

Jamɛ a yi nɔ bi ɔmɛ tsuo kulaa hu ba gbo. Nɛ yi nɔ kpa bimɛ nɛ ba ngɛ a se ɔ, mɛɛ lɛɛ a li Yawɛ, kɛ ní tsumi nɛ e tsu ha Israel ɔ.

Abɛ Womi 12:5

Nihi nɛ peeɔ nɔ́ nɛ da a, ní kpakpahi a he a susuɔ. Se ga nɛ yayami peeli toɔ ɔ, sisimi sɔuu.

Yeremia 4:22

Yawɛ ke, “Ye ma mi bi ɔmɛ biɛ pɛ; ye ma mi bi ɔmɛ li mi. A ngɛ kaa jokuɛwi kuasiahi; a be juɛmi. A he sɔɔ kɛ peeɔ yayami, se kpakpa peemi lɛɛ a li.”