Yeremia 9:4 - BAIBLO ALOO NGMAMI KLƆUKLƆU Ɔ

⁴ Nyɛ ti nɔ tsuaa nɔ nɛ hyɛ e he saminya ngɛ e nyɛmi he; nɔ ko nɔ ko nɛ ko ngɔ e hɛ ngɔ fɔ e nyɛmi nɔ. Ejakaa nɔ tsuaa nɔ pee e he Yakob kɛ ngɛ e nyɛmi sisie, nɛ jã kɛ̃ nyɛmi ngɛ e nyɛmi he guɛ gbee kɛ ngɛ bee.

Yeremia 9:4 ပူးပေါင်းရင်းမြစ်များ

Mose I, 32:28

Nyumu ɔ de lɛ ke, “A be o biɛ tsɛe ke Yakob hu. O kɛ Mawu kɛ nimlihi nɔ kunɔ, nɛ o ye kunimi; lɔ ɔ he ɔ, jehanɛ a ma tsɛ mo ke Israel.”

La 101:5

Nɔ nɛ gbeɔ e nyɛmi he guɛ ngɛ laami mi ɔ, ma kpata e hɛ mi. Nɔ nɛ ngɛ gegeege, nɛ e woɔ e he nɔ ɔ, i kɛ lɛ be bɔe.

La 15:3

nɛ e yi nɔ he sieku. Nɔ nɛ tu we nɔ he munyu, nɛ e pee we e nyɛmi yayami.

Abɛ Womi 10:18

Nɔ tsuaa nɔ nɛ nyɛɛ nɔ ngɛ laami mi ɔ, lakpatsɛ ji lɛ. Nɔ nɛ tuɔ nihi a he munyu kɛ puɛɔ mɛ ɔ, kuasia ji lɛ.

Abɛ Womi 25:18

Nɔ nɛ yeɔ lakpa odase ngɛ e nyɛmi he ɔ, e ngɛ kaa tsokpoti, loo klaate, loo kɛ̃ɛ̃ mi bi nɛ nya ba.

Abɛ Womi 4:16

Ke yiwutsotsɛmɛ pee we nɔ́ yayami ko ɔ, a nyɛ we nɛ a hwɔɔ mahe. Mahe jeɔ a hɛ mi kɛ ya siɔ be nɛ a yeɔ nɔ ko awi loko a hwɔɔ mahe.

Abɛ Womi 4:17

Yayami peemi ji abolo nɛ a yeɔ, nɛ basabasa ji wai nɛ a nuɔ.

Abɛ Womi 6:16

Ní kpaago komɛ nɛ Yawɛ hiee, nɛ e sume saasaa ji: Hewo, Lakpa yemi, Nɔ nɛ pee we nɔ́ ko e muɔ si puemi, Ga yayami tomi, He sɔmi kɛ yayami peemi, Lakpa odase yelɔ, kɛ Nɔ nɛ woɔ e nyɛmimɛ a kpɛti pɛ.

Yesaya 59:13

Wa tɔ o nɔ; wa wa nihi yi mi, nɛ wa kua mo. Wa ja we mo hu. Ni yayahi a he wa susuɔ, nɛ lakpa pɛ wa yeɔ.

Yesaya 9:16

Nihi nɛ nyɛɛ ma a hɛ mi ɔ ha ma a laa blɔ, nɛ a pee basaa.

Yeremia 12:6

Mo nitsɛ o nyɛmimɛ, kɛ o weku li te si kɛ wo mo; a so o yi nɔ, nɛ a ngɛ o se blɔ hlae kɛ hɛdɔ. Ke a ha mo hɛ mi, nɛ a kɛ mo tu munyu ngɛ he jɔmi mi po, koo ngɔ hɛ kɛ fɔ a nɔ.”

Yeremia 6:28

Mɛ tsuo pɛpɛɛpɛ atuã tsɔli, kɛ yakayaka nimli ji mɛ; a tue wa kaa akɔblee kɛ dade. Daa nɛ ɔ, a ngɛ nihi a sisi nyɛɛe kɛ ngɛ bee.

Yeremia 9:8

A lilɛ ngɛ kaa kɛ̃ɛ̃ mi bi nɛ gbeɔ nɔ; lakpa pɛ a yeɔ. Nɔ kɛ e nyɛmi tuɔ munyu ngɛ he jɔmi mi, se a tsui mi be ja; klama mohu lɛ a hii a sibi tsɔe.

Ezekiel 22:9

Ni komɛ yeɔ lakpa ngɛ ma a mi, bɔ nɛ pee nɛ a kpata a nyɛmimɛ a hɛ mi. Ni komɛ ya yeɔ niye ní bɔhi nɛ a sã ngɛ jami hehi; nɛ ni komɛ hu dii he lo akɔnɔ se wawɛɛ.

Mose III, 19:16

Koo pee o he sieku yelɔ kɛ hi yae kɛ hi bae ngɛ o ma mi bi ɔmɛ a kpɛti. Koo ye lakpa odase kɛ si o nyɛmi, nɛ́ a pue e muɔ si yaka gu. Imi ji Yawɛ.

Malaki 2:10

Anɛ pi tsɛ kake too nɛ wɔ tsuo wa ngɛ lo? Anɛ pi Mawu kake too ɔ nɛ bɔ wɔ tsuo lo? Mɛni he je mɔ nɛ wa yi wa nyɛmimɛ anɔkuale ɔ? Somi ɔ nɛ Mawu kɛ wa nɛmɛ ɔmɛ so ɔ, mɛni he je wa yi nɔ ɔ?

Mateo 10:17

Nyɛ hɛ nɛ hi nyɛ he nɔ; ejakaa nihi maa nuu nyɛ, nɛ a maa kojo nyɛ, nɛ a maa fia nyɛ kpa ngɛ kpe he ɔmɛ.

Mateo 10:21

“Nyɛmi maa ngɔ e nyɛmi ngɔ ha nɛ a ya gbe lɛ, nɛ tsɛmɛ hu maa ngɔ a bimɛ ngɔ ha ja nɔuu. Bimɛ maa te si ngɔ wo a fɔli, nɛ a ma ha nɛ a gbe mɛ.

Luka 21:16

Nyɛ fɔli, nyɛ nyɛmimɛ, kɛ nyɛ weku li, nyɛ huɛmɛ tete maa ngɔ nyɛ kɛ ha, nɛ a maa gbe nyɛ ti ni komɛ.

1 Tesalonikabi 4:6

Lɔ ɔ he ɔ, nɔ ko kó ya pee e nyɛmi yayami kaa e ma ya ngɔ e nyɛmi e yo. Wa de nyɛ enɛ ɔ momo, nɛ wa bɔ nyɛ kɔkɔ wawɛɛ kaa nihi nɛ peeɔ jã a, Nyɔmtsɛ ɔ maa gbla a tue.