Yeremia 9:25 - BAIBLO ALOO NGMAMI KLƆUKLƆU Ɔ

^25-26 Yawɛ ke, “Be ma nɛ ma gbla Egipt bi, Yuda bi, Edom bi, Amon bi, kɛ Moab bi a tue. Nihi nɛ ngɛ nga kplanaa a nɔ nɛ a poɔ huɛ ngɛ a hɛ se ɔ hu piɛ he. A po nimli nɛ ɔmɛ tsuo pɛpɛɛpɛ. Se somi nɛ pomi okadi nɛ ɔ daa si ha a lɛɛ a yi nɔ. Nimli nɛ ɔmɛ jio, ye ma Israel ɔ jio, nɔ ko nɔ ko yi ye somi ɔ nɔ.”

Yeremia 9:25 ပူးပေါင်းရင်းမြစ်များ

Amos 3:2

Yawɛ ke, “Ngɛ je ma amɛ tsuo a kpɛti ɔ, nyɛ pɛ ji ma nɛ i je blɔ hla, nɛ i ngɛ nɔ hyɛe. Enɛ ɔ ha nɛ nyɛ he yayami ɔ kle agbo, nɛ e hia kaa ma gbla nyɛ tue wawɛɛ nitsɛ.”

Ezekiel 28:10

Nibwɔhi nɛ li imi Mawu ɔ ma kpata o hɛ mi; a maa gbe mo kaa a gbeɔ gbe. Imi, Nyɔmtsɛ Yawɛ lɛ i de.”

Romabi 2:28

Lɛɛ mɛnɔ ji Yuda no nitsɛnitsɛ mɔ? Pi okadi nɛ a to ngɛ nɔ he lo mi kaa nɔ pomi kikɛ nɛ ɔ nɛ peeɔ nɔ Yuda no.

Romabi 2:29

Mohu ɔ, Yuda no nitsɛnitsɛ peemi ɔ ngɛ nɔ ɔ nitsɛ e mi, nɛ nɔ pomi ɔ hu ngɛ e tsui mi. Mawu mumi ɔ pɛ lɛ tsuɔ enɛ ɔ, pi mlaa nɛ a ngma a. Kikɛmɛ a nɔmlɔ nɛ ɔ, Mawu nitsɛ lɛ jeɔ e yi, pi nɔmlɔ adesa.

Mose III, 26:41

nɛ lɔ ɔ he nɛ imi hu i je a se, nɛ i ngmɛɛ a he kɛ ha a he nyɛli, nɛ a kɛ mɛ ho ma se ya a nɛ. Se ke jehanɛ lɛɛ nyɛ nina tsake a tsui, nɛ a ba a he si, nɛ a kpa yayami peemi ɔ,

Samuel I, 14:6

Yonatan de niheyo ɔ nɛ hɛɛ e ta hwumi ní ɔmɛ ke, “Ha waa ho mɔmlɔtɔtsɛmɛ ɔmɛ a sito he ɔ ya. Eko piɔ, Yawɛ ma tsu nyakpɛ ní ha wɔ; ejakaa nɔ́ ko nɔ́ ko tsi Yawɛ nya kaa e kɛ nihi fuu, loo bɔɔ ma he nihi a yi wami.”

Samuel I, 17:26

David bi nyumu ɔmɛ nɛ daa si ngɛ e kasa nya a ke, “Nɔ nɛ maa gbe Filisti no nɛ ɔ, nɛ́ e ma je Israel kɛ je ahlua bɔmi nɛ ɔ mi ɔ, mɛni a maa pee ha lɛ? Mɛnɔ ji kikɛmɛ a Filisti no mɔmlɔtɔtsɛ nɛ ɔ, nɛ e ngɛ Mawu hɛ kalɔ ɔ tabo ɔmɛ ahlua bɔe kikɛ nɛ ɔ?”

Yeremia 4:4

Somi nɛ nyɛɛ kɛ imi Yawɛ, nyɛ so ɔ, nyɛɛ ye nɔ, nɛ nyɛɛ ngɔ nyɛ he kɛ ha mi, nyɛ Yuda ma, kɛ Yerusalem bi. Ke nyɛ pee we ja a, ye mi mi ma fu nyɛ ngɛ nyɛ ní yayami ɔmɛ a he. Nɛ ke ye mi mi fu ɔ, nɔ ko be nyɛe maa jɔɔ he.”

Ezekiel 31:18

“Tso nɛ ɔ daa si ha Egipt matsɛ ɔ, kɛ e ma kpekpemi ɔ tsuo. Tsohi nɛ ngɛ Eden ngmɔ ɔ mi po ka we, nɛ a he hu pee we fɛu kaa tso nɛ ɔ. Se jehanɛ lɛɛ kaa bɔ nɛ Eden ngmɔ ɔ mi tso ɔmɛ ya su gbeje ɔ, lɛ hu e maa ya lejɛ ɔ, nɛ e ma ya piɛ nihi nɛ a pui mɛ, kɛ nihi nɛ nɔ ngɛ ta mi ɔ a he. Imi, Nyɔmtsɛ Yawɛ lɛ i de.”

Mose III, 19:27

Nyɛ ko po huɛ ngɛ nyɛ yi kpɛti, nɛ nyɛ ko sua nyɛ kpɛni hulɔ.

Yeremia 49:32

“Nyɛɛ ha a we afukpɔngɔ ɔmɛ, kɛ a na amɛ tsuo! Nihi nɛ sɛɛ a yi kasa fa a, ma gbɛ mɛ ngɔ fĩa je ɔ tsuo, nɛ ma ha haomi maa je hehi munomuno kɛ ba na mɛ.

Ezekiel 44:7

A ha nibwɔhi mɔmlɔtɔtsɛmɛ, nihi nɛ a he tsɔ we, nɛ a bui mi tue ba sɛ ye we ɔ mi, benɛ osɔfo ɔmɛ ngɔ zɔ kɛ muɔ kɛ ngɛ bɔhi sãe ha mi ɔ. Ye ma a yi ye somi ɔ nɔ, nɛ a ngɔ a ní hiemi ní nɛ ɔmɛ hu kɛ tɔ ye nɔ.