Yeremia 9:21 - BAIBLO ALOO NGMAMI KLƆUKLƆU Ɔ

²¹ Gbenɔ kuɔ wa saflɛ ɔmɛ kɛ ba sɛ wa mɔ ɔmɛ a mi, nɛ e kpata wa nihewi ɔmɛ, kɛ wa yihewi ɔmɛ a hɛ mi; jokuɛwi pa fiɛ we ngɛ gbɛjegbɛ ɔmɛ a nɔ hu, nɛ nihewi kɛ yihewi ta jua amɛ a nɔ.

Yeremia 9:21 ပူးပေါင်းရင်းမြစ်များ

Kronika II, 36:17

Enɛ ɔ he je ɔ, Yawɛ ngɔ Babilonia matsɛ ɔ kɛ ba tua mɛ. Babilonia matsɛ ɔ kɛ klaate gbe Yuda nihewi ɔmɛ ngɛ Yawɛ we ɔ mi po. E nɛ́ nɔ ko nɔ ko mɔbɔ, jokuɛyo jio, nɔkɔtɔma jio, yo jio, nyumu jio, hiɔtsɛ jio, nɔ nɛ ngɛ he wami jio. Mawu ngɔ mɛ tsuo pɛpɛɛpɛ ngɔ wo e dɛ mi.

Yesaya 40:30

Nihewi kpakpataa po gbɔjɔɔ, nɛ pɔ tɔɔ mɛ; nihewi a he wami taa, nɛ a nɔɔ si.

Yeremia 15:7

I ngɔ nɔ́ mi sami nɔ́ kɛ sa nyɛ mi ngɛ ma amɛ tsuo a mi ngɛ zugba a nɔ. I kpata nyɛ, ye ma a hɛ mi; i gbe nyɛ bimɛ ɔmɛ, ejakaa nyɛ kpa we nyɛ ní yayami ɔmɛ peemi.

Yeremia 18:21

Se Yawɛ, jehanɛ lɛɛ, ha nɛ a bimɛ ɔmɛ nɛ a gbo kɛ hwɔ; ha nɛ a gbe mɛ ngɛ ta mi. Ha nɛ nyɛmɛ ɔmɛ nɛ a pee yalɔyihi kɛ yosahi; ha nɛ gbenɔ hiɔ nɛ gbe tsɛmɛ ɔmɛ, konɛ nihewi ɔmɛ lɛɛ a gbe mɛ ngɛ ta nga nɔ.

Yeremia 44:7

“Lɔ ɔ he ɔ, imi Yawɛ Tabohiatsɛ, Israel Mawu ɔ, i ngɛ bie ke mɛni he je nyɛ ngɛ nyɛ nitsɛmɛ nyɛ he yayami nguaa kaa kikɛ nɛ ɔ pee? Anɛ nyɛ suɔ kaa nyɛ tsuo nyɛ hɛ mi nɛ kpata, nyumuhi, yihi, jokuɛwi, kɛ bimwɔwi, nɛ nyɛ ti nɔ ko nɔ ko nɛ ko piɛ ngɛ Yuda lo?

Yeremia 50:30

Enɛ ɔ he je ɔ, a maa gbe e nihewi ɔmɛ tsuo ngɔ pue si ngɛ gbɛjegbɛ ɔmɛ a nɔ ngɛ ma a mi; nɛ a ma kpata e ta buli ɔmɛ tsuo a hɛ mi jamɛ a ligbi ɔ. Imi, Yawɛ lɛ i de.

Yeremia 6:11

Yawɛ, enɛ ɔmɛ a he je ɔ, ye mi mi fu mɛ wawɛɛ nitsɛ kaa bɔ nɛ mo hu o mi mi fu mɛ ɔ pɛ; jehanɛ lɛɛ i be nyɛe tsui tomi hu.” Kɛkɛ nɛ Yawɛ de mi ke, “Ngɔɔ ye mi mi fumi ɔ kɛ kple jokuɛwi a nɔ ngɛ gbɛjegbɛ ɔ nɔ; ngɔɔ kɛ kple nihewi a nɔ ngɛ a he nya buami he ɔmɛ. A maa nuu nyumuhi kɛ a yihi kɛ je, nɛ nihi nɛ bwɔ kotokoto po be a he yee.

Yeremia 6:21

Lɔ ɔ he ɔ, ma fɔ blɔ mi tso ha mɛ; a ma tɛ nɔ nɛ a maa nɔ si bum. Tsɛmɛ kɛ a bimɛ ma gbo, nɛ nihi kɛ a huɛmɛ a hɛ mi ma kpata.”

Yeremia 7:33

Ni gbogboe ɔmɛ maa pee lohwe pɛlitsɛmɛ, kɛ nga mi lohwehi a niye ní, nɛ nɔ ko nɔ ko be mɛ fiee.

Yeremia 8:2

A be wu nɛ ɔmɛ a nya buae, nɛ a be mɛ pue hulɔ; wu ɔmɛ maa pee kaa kuku ngɛ zugba a nɔ. A ma ka wu ɔmɛ ngɔ ha pu kɛ nyɔhiɔ kɛ dodoehi. Ní nɛ ɔmɛ ji níhi nɛ ma a suɔ saminya; ma a sɔmɔ mɛ, nɛ a bi ní ngɛ a ngɔ, nɛ a ja mɛ hulɔ.

Yoel 2:9

A maa tuu kɛ sɛ ma a mi; a maa ma fo ngɛ gbogbo ɔmɛ a nɔ, nɛ a maa kuɔ kɛ gu saflɛhi a mi, kɛ sɛ wehi a mi kaa juli.

Amos 5:2

Israel bi nɛ nyɛ ngɛ kaa zangmawi! Nyɛ nɔ ta, nɛ nyɛ be si tee hu. A gbe nyɛ ngɔ pue nyɛ nitsɛmɛ nyɛ zugba nɔ; Nɛ nɔ ko bɛ nɛ e ba wo nyɛ nɔ.

Amos 6:9

Ke nihi nyɔngma ya laa a he ngɛ we ko mi, nɛ a susu kaa a ye a he ɔ, mɛ hu a ma gbo ja nɔuu.

Zefania 1:17

Yawɛ ke, “Jamɛ a ligbi ɔ, i kɛ haomi nɛ nya wa maa ba nimli adesahi a nɔ, nɛ a maa hi si tataae kɛ hi bee kaa hɛ yuyuili. A pee yayami kɛ si imi Yawɛ, lɔ ɔ he ɔ, a ma kpa a muɔ ngɔ pue si kaa nyu, nɛ a gbogboe ɔmɛ maa sa ngɛ zugba.”