Yeremia 9:19 - BAIBLO ALOO NGMAMI KLƆUKLƆU Ɔ

¹⁹ A wo yana ngɛ Zion, nɛ a ngɛ dee ke, “Wa yi ta oo, wa yi ta! Wa hɛ mi pue si pɛ! Nyɛ ha nɛ waa je wa zugba a nɔ, ejakaa a ku wa we ɔmɛ tsuo ngɔ pue si.”

Yeremia 9:19 ပူးပေါင်းရင်းမြစ်များ

Yeremia 4:13

Hyɛ, he nyɛli ɔmɛ ngɛ fo nɔ kɛ ma kaa bɔku. A ta zugba lɛ ɔmɛ hia kɛ ma kaa lasiogblee, nɛ a we okpɔngɔ ɔmɛ a he sɔɔ kulaa pe kɔlehi. Akuanyɛ! Wa yi ta pɛ!

Mose V, 28:29

Nyɛ maa hi si tataae piani katakata kaa nɔ nɛ hyɛ we nɔ́, nɛ nyɛ be blɔ nae. Nyɛ nɔ́ ko nɔ́ ko be nɔ yae? A maa wa nyɛ yi mi, nɛ a maa fia nyɛ ojo be tsuaa be; se nyɛ be nɔ ko nae nɛ maa je ngmlaa ha nyɛ.

Mika 2:10

Nyɛɛ je hiɛ ɔ nɛ nyɛɛ ho; he jɔɔmi he ko be hiɛ ɔ ha nyɛ. Yayamihi gbegbeegbe nɛ nyɛ pee ngɛ hiɛmɛ nɛ ɔ a he je ɔ, a ma kpata ma nɛ ɔ hɛ mi.

Mika 2:4

Jamɛ a be ɔ, nihi ma la hɛdo la nɛ ɔ kɛ li nyɛ. A ma nya awe nɛ a maa ye kɔmɔ ke, Wa yi ta pɛ! Yawɛ kpɔ wa zugba a ngɛ wa dɛ Nɛ e ngɔ kɛ ha nihi nɛ nuu wɔ nyɔguɛ ɔ.”

Kɔmɔ Yemi 5:2

Wa weto ní plɛ pee nibwɔhi a nɔ́. Wa we ɔmɛ hu ma se li lɛ ngɛ a mi.

Kɔmɔ Yemi 4:15

Nihi kpaa ngmlaa kɛ woɔ mɛ, nɛ a deɔ ke, “Nyɛɛ je hiɛ ɔ! Nyɛ nɛ nyɛ ble nyɛ he! Nyɛ ko ta wa he!” Lɔ ɔ he ɔ, a wo lalaalo kɛ kpa ma amɛ tsuo a nɔ, se ma ko ma ko he we mɛ.

Yeremia 4:20

Haomi ɔmɛ ba nɔtonɔto kɛ ya si zugba a tsuo hɛ mi kpata. A hule wa bo tsu ɔmɛ ngɔ pue si tlukaa, nɛ a hía bo ɔmɛ a mi dukuduku.

Yeremia 2:14

“Israel ɔ nɛɛ, nyɔguɛ ji lɛ lo? Anɛ nyɔguɛ si himi mi a fɔ lɛ ngɔ wo lo? Mɛni he je mɔ nɛ e he nyɛli ɔmɛ ngɛ e se nyɛɛe, nɛ a ngɛ lɛ dae kikɛ nɛ ɔ?

Mose III, 20:22

Yawɛ de ke, “Nyɛ hɛ nɛ hi ye mlaa amɛ, kɛ ye blɔ nya tomi ɔmɛ tsuo a nɔ, nɛ nyɛɛ ye a nɔ, konɛ nyɛɛ hi Kanaan zugba a nɛ i kɛ nyɛ yaa nɔ ɔ nɔ; ke pi ja a, zugba a maa fie nyɛ kɛ je lejɛ ɔ.

Mose III, 18:28

Ke nyɛ hu nyɛ pee ní nɛ ɔmɛ kɛ ble zugba a, zugba a maa fie nyɛ kaa bɔ nɛ e fie nihi nɛ hi lejɛ ɔ loko nyɛ ba a.

Mose III, 18:25

nɛ a kɛ ble zugba a hulɔ ɔ ji nɛ ɔmɛ nɛ. Lɔ ɔ he je nɛ i ngɛ zugba a tue gblae, nɛ zugba a hu ngɛ ni ɔmɛ fiee ɔ nɛ.

Yeremia 7:15

Ma fie nyɛ kɛ je hiɛ ɔ kaa bɔ nɛ i fie nyɛ nyɛmimɛ ɔmɛ tsuo, nɛ ji Efraim nina a. Imi, Yawɛ lɛ i de.”

Yeremia 7:19

Se anɛ imi ye mi mi la a ngɛ woe ɔ lo? Dɛbi! Mɛ nitsɛmɛ a he lɛ a ngɛ pee; a kɛ ma kpata mɛ nitsɛmɛ a hɛ mi.

Yeremia 7:29

“Nyɛ sã nyɛ yi nɔ nɛ nyɛ sake bwɔmi ɔ pue he; nyɛɛ wo yana nɛ nyɛɛ ye kɔmɔ ngɛ yoku kpataa amɛ a nɔ, ejakaa imi Yawɛ ɔ, ye mi mi fu ye ma a, nɛ i kua mɛ.

Yeremia 15:1

Kɛkɛ nɛ Yawɛ de mi ke, “Ke Mose kɛ Samuel ba da ye hɛ mi nɛ a fa kue ha mi tete po, i be nimli nɛ ɔmɛ mɔbɔ nae. Fie mɛ kɛ je ye hɛ mi hiɛmɛ nɛ ɔ nɛ a ho.

Yesaya 32:9

Nyɛ yihi nɛ nyɛ ngɛ mle yee, nɛ haomi ko be nyɛ nɔ, nyɛɛ bu nɔ́ nɛ i ngɛ nyɛ dee ɔ tue.

Ezekiel 27:2

“Nɔmlɔ adesa, la mɔbɔ la kɛ nyɛ ya ha Tiro ma a.