Yeremia 9:10 - BAIBLO ALOO NGMAMI KLƆUKLƆU Ɔ

¹⁰ I de ke, “Ma ye kɔmɔ ha yoku ɔmɛ, nɛ ma fo ya ha lohwehi a lɛmi he ɔmɛ ngɛ nga a nɔ. Ejakaa lejɛ ɔmɛ gbli, nɛ a fɔɔ si gu; nɔ ko nɔ ko gui lejɛ ɔmɛ hu. A pa nui kaa na ngɛ pɛe muu muu ngɛ lejɛ ɔmɛ hu; lohwe pɛlitsɛmɛ, kɛ pu mi lohwehi tsuo tu fo kɛ je.”

Yeremia 9:10 ပူးပေါင်းရင်းမြစ်များ

Yesaya 41:15

Hyɛ, ma pee mo kaa ngma mi sami he klama kɛ e lunguhi nɛ a nya ba. O maa ywia yo ɔmɛ, nɛ o maa pee mɛ butuu; o maa pee yoku ɔmɛ kaa jakati.

Yesaya 49:19

“A kpata o zugba a hɛ mi; a pee o ma a butuu; se jehanɛ lɛɛ, nihi nɛ ma lejɛ ɔ himi ɔ, zugba a be mɛ sue hu. Nihi nɛ ba pee mo butuu ɔ maa je o he kɛ ya se lokoo.

Yeremia 12:10

Ma nɔ yeli babauu ba puɛ ye wai ngmɔ ɔ; a ba naa ye ngmɔ ɔ nɔ, nɛ ye zugba saminyayoo ɔ plɛ pee nga kplanaa.

Yeremia 12:11

A kpata zugba a hɛ mi pɛsɛpɛsɛ, nɛ zugba a pee mɔbɔmɔbɔ. Zugba a tsuo plɛ pee nga kplanaa, nɛ nɔ ko nɔ ko yi he kɔmɔ.

Yeremia 12:4

Wa ngmɔ ɔmɛ a nɔ nga a tsuo gbli. Pu mi lohwehi, kɛ lohwe pɛlitsɛmɛ ngɛ tae. Wa zugba a pee mɔbɔmɔbɔ, ejakaa wa ma mi bi ɔmɛ pee yayami. Nɔ́ nɛ a deɔ ji, “Nɔ́ nɛ wa ngɛ pee nɛ ɔ, Mawu tsa nɛ.” Mɛni be nɔ́ nɛ ɔ maa ya nɔ kɛ yaa si?

Yeremia 14:6

Nga mi gbe ɔmɛ ya kuɔɔ yoku kpataa amɛ nɛ a hii kɔɔhiɔ mi fue kaa bɔ nɛ ogbeteehi peeɔ ɔ, hluu kɛ ya siɔ a hɛngmɛhi a nɔ peeɔ tsuu, ejakaa niye ní be a dɛ.

Yeremia 2:15

A ngɛ huãe kɛ ngɛ lɛ woe kaa jatahi; a pee e zugba a kaa nga kplanaa nɔ; e ma amɛ plɛ pee ma dokuhi, nɛ nɔ ko nɔ ko be ma amɛ a mi hu.

Yeremia 2:6

A bi we ke, ‘Jije Yawɛ ngɛ?’ Pohu, imi lɛ i je mɛ kɛ je Egipt zugba a nɔ; imi lɛ i kpaka mɛ kɛ gu nga kplanaa a nɔ, zugba kɛ e mi muɔhi kɛ e mi diblii kpii, zugba nɛ nyu be nɔ, nɛ nɔmlɔ adesa ko be nɔ, nɛ nɔ ko hu gui nɔ.

Yeremia 23:10

Zugba a nɔ hyi tɔ kɛ nimli nɛ yi Yawɛ anɔkuale. A peeɔ yayami, nɛ a kɛ a he wami tsu we nɔ́ kpakpa. Enɛ ɔ he je ɔ, Mawu gbiɛ zugba a; zugba a bɛ ní hu, nɛ e nɔ pee mɔbɔmɔbɔ.

Yeremia 50:3

“Je ma ko hia kɛ je omleyi je kɛ ma nɛ e ba tua Babilonia. A ma kpata zugba a hɛ mi, nɛ a maa pee lɛ butuu; nɛ nɔ ko nɔ ko be lejɛ ɔ hie hu. Nimli kɛ lohwehi tsuo maa tu fo kɛ je.”

Yeremia 7:29

“Nyɛ sã nyɛ yi nɔ nɛ nyɛ sake bwɔmi ɔ pue he; nyɛɛ wo yana nɛ nyɛɛ ye kɔmɔ ngɛ yoku kpataa amɛ a nɔ, ejakaa imi Yawɛ ɔ, ye mi mi fu ye ma a, nɛ i kua mɛ.

Yeremia 8:18

Ye we aywilɛho ɔ nya wa tsɔ ha mi; i nyɛ we hu. Ye tsui kpa miɔ nɛ e ma tsɔ.

Kɔmɔ Yemi 1:16

“Enɛ ɔ he i wo yana, nɛ vo nyu ngɛ ye hɛngmɛ mi jee kɛ ngɛ si puee. I be bua wolɔ ko nɛ maa wo mi he wami. Peepee ta ye bimɛ ɔmɛ a he, ejakaa he nyɛlɔ ɔ ye ye nɔ kunimi.

Kɔmɔ Yemi 2:11

I fo ya hluu, nɛ ye hɛngmɛ tsuo fuu. I ngɛ he hiami mi wawɛɛ. Ye tsui ngɛ mi yee, ejakaa a ywia ye we bi ɔmɛ a ma a. Jokuɛwi kɛ bimwɔwi ngɛ hɛlie ngɛ gbɛjegbɛ ɔmɛ a nɔ ngɛ ma a mi.

Kɔmɔ Yemi 5:18

ejakaa Zion Yo ɔ nɔ je gu kɛ fɔɔ si, nɛ nga mi gbehi ngɛ ma a mi ní kokoe ɔmɛ a mi kpae.

Ezekiel 14:15

“Aloo ke i ha lohwe awi yeli ba kpa zugba a nɔ, nɛ a gbe e nɔ bi ɔmɛ, nɛ lejɛ ɔ pee ma doku ngɛ lohwe awi yeli ɔmɛ a he, nɛ nɔ ko nɔ ko gui lejɛ ɔ hu ɔ,

Ezekiel 27:2

“Nɔmlɔ adesa, la mɔbɔ la kɛ nyɛ ya ha Tiro ma a.

Ezekiel 29:11

Nane ko nane ko be zugba a nɔ nyɛɛe hu, nɔmlɔ nɔ́ jio, lohwe nɔ́ jio. Lejɛ ɔ maa fɔ si gu jeha nyingmi eywiɛ sɔuu.

Ezekiel 33:28

Ma ha zugba a nɔ tsuo maa pee pasaa kulaa, kɛkɛ ɔ, zugba a mi he wami nɛ a ngɔ a hɛ kɛ fɔ nɔ ɔ se maa po. Yo ɔmɛ a nɔ maa je gu; lejɛ ɔmɛ maa pee gbeye, nɛ nɔ ko nɔ ko be lejɛ ɔmɛ gue hu.

Ezekiel 6:6

Nyɛ ma amɛ nɛ nyɛ ngɛ a mi ɔ ma ba pee ma dokuhi. Nyɛ jami he ɔmɛ a hɛ mi ma kpata; kɛkɛ ɔ, nyɛ bɔ sami la tɛ ɔmɛ, kɛ amaga amɛ maa ku dukuduku ngɔ pue si. Níhi nɛ nyɛ sãã tsopa kɛ e he via ngɛ mi ɔ maa ywia, nɛ nyɛ nine nya ní tsumi ɔmɛ tsuo a hɛ mi ma kpata.

Hosea 4:3

Enɛ ɔ he je nɛ zugba a pee mɔbɔmɔbɔ ɔ nɛ. Níhi tsuo nɛ ngɛ zugba a nɔ, nga mi lohwehi kɛ lohwe pɛlitsɛmɛ tsuo pee gbedee; nɛ pa mi lohi tete ngɛ gboe.”

Yoel 1:13

Nyɛ osɔfohi nɛ nyɛ sɔmɔɔ ngɛ bɔ sami la tɛ ɔ he, nyɛɛ ha kpekpe ya bo, nɛ nyɛɛ wo yana! Nyɛɛ ya Mawu we ɔ mi, nɛ nyɛ ya ye kɔmɔ nyɔnyɔɔnyɔ tsuo. Ejakaa niye ní be ɔ, wai hu be nɛ nyɛɛ kɛ maa sã bɔ ha nyɛ Mawu ɔ.

Yoel 1:19

Yawɛ, i ngɛ kue fae kɛ ngɛ mo tsɛe; ejakaa la sã tso ɔmɛ tsuo ngɛ nga a nɔ. La kpata lohwe lɛmi he ɔmɛ tsuo a hɛ mi ngɛ nya nɔ!

Amos 5:1

Israel ma, nyɛɛ bu kɔmɔ yemi la nɛ ɔ nɛ imi Amos, i ngɛ lae ha nyɛ ɔ tue:

Amos 5:16

Nyɛ yayami ɔmɛ a he je ɔ, bɔ nɛ Nyɔmtsɛ Yawɛ Tabohiatsɛ Mawu ɔ ngɛ dee ji nɛ ɔ nɛ: “A maa wo yana ngɛ kpe he ɔmɛ, kɛ gbɛjegbɛ ɔmɛ a nɔ, nɛ nihi maa hi dee ke, ‘Ao! Ao!’ A ma tsɛ ngmɔ huli po kɛ ba, nɛ a ma ba ye kɔmɔ ha nyɛ; a ma tsɛ nihi nɛ laa kɔmɔ yemi la kɛ ba, nɛ a ba nya awe.

Mika 2:4

Jamɛ a be ɔ, nihi ma la hɛdo la nɛ ɔ kɛ li nyɛ. A ma nya awe nɛ a maa ye kɔmɔ ke, Wa yi ta pɛ! Yawɛ kpɔ wa zugba a ngɛ wa dɛ Nɛ e ngɔ kɛ ha nihi nɛ nuu wɔ nyɔguɛ ɔ.”

Mika 3:12

Lɔ ɔ he ɔ, nyɛ he ɔ, a maa pee Zion kaa ngmɔ nɛ a hu. Yerusalem maa pee ma doku, nɛ yo ɔ nɔ he nɛ Yawɛ we ɔ maa si ngɛ ɔ maa hɛ, nɛ e maa pee pú.