Yeremia 9:1 - BAIBLO ALOO NGMAMI KLƆUKLƆU Ɔ

¹ I ná nɛ ye yi pee kaa vu kɛ e mi nyu, nɛ ye hɛngmɛhi plɛ pee nyu hɛngmɛ nɛ vo nyu ngɛ mi jee babaaba. Jinɛ i ko fo ya nyɔ kɛ pia kɛ ha ye ma mi bi ɔmɛ nɛ a gbe ɔ.

Yeremia 9:1 ပူးပေါင်းရင်းမြစ်များ

La 119:136

Ye hɛngmɛ tslaa nyu babaaba kaa pa nɛ ngɛ bee, ejakaa nimli adesahi yi o mlaa amɛ a nɔ.

La 42:3

Ya sɔuu i ngɛ foe nyɔ kɛ pia. Ye vo nyu ba pee ye niye ní; ejakaa nihi ngɛ mi bie kpamisa ke, “Jije o Mawu ɔ ngɛ?”

La 55:7

Niinɛ, i ko te kɛ ya tsitsaa, nɛ i ko ya hi nga kplanaa a nɔ tɔɔ.

Yesaya 16:9

Amlɔ nɛ ɔ lɛɛ, i ngɛ ya foe ha Sibma wai ngmɔ ɔmɛ kaa bɔ nɛ i fo ha Yazer ɔ. Ye vo nyu ɔmɛ ngɛ si puee ngɛ Heshbon kɛ Eleale ma amɛ a he; ejakaa ngmɔ ɔmɛ a hɛ mi kpata, nɛ ní kpali a ngmlaa hoo hu se po.

Yesaya 22:4

Nyɛɛ ngmɛɛ ye he nɛ ma nyɛ ya wawɛɛ ha nihi nɛ gbo ɔ. Nyɛ ko gba nyɛ he nya kaa nyɛ maa jɔɔ ye bua.

Yeremia 13:17

Se ke nyɛ bui tue kɛ mwɔɔ ɔ, lɛɛ ma fo ya ngɛ laami mi ngɛ nyɛ he nɔ womi ɔ he. Ma fo ya hluu kɛ yaa si ye hɛngmɛ maa tɔ nyu, ejakaa a nuu Yawɛ ma mi bi ɔmɛ nyɔguɛ kɛ je.

Yeremia 14:17

Yawɛ fa mi ke ma de ma a ke, “Ye hɛngmɛ nɛ tɔ nyu nyɔ kɛ pia daa nɛ ɔ nɛ ma ko kpa ya fomi gblegbleegble. Ejakaa a fia ye ma mi bi ɔmɛ ní kɛ pue si nɛ a plaa wawɛɛ nitsɛ.

Yeremia 3:10

Ní nɛ ɔmɛ tsuo a se ɔ, Yuda, Israel nyɛmiyo yaholɔ ɔ kpale we kɛ bɛ ye ngɔ kɛ e tsui tsuo; e ní peemi níhi tsɔɔ we kaa e tsake. Imi, Yawɛ lɛ i de.”

Yeremia 4:19

Ao! Ao! Ye mi mi! Ye mi mi! Ye tsui! Ye tsui ngɛ fiae kpla, kpla! I be nyɛe nɛ ma pee dii; ejakaa i nu nɛ a ngɛ titimati kpae, nɛ ta ose ngɛ pɛe.

Yeremia 5:7

Yawɛ bi ke, “Mɛni he je lɛ ma ngɔ ye ma a he yayami ɔmɛ kɛ pa mɛ ɔ? Ye ma a kua mi nɛ a ya ja yaka mawuhi. I lɛ ye ma a kɛ ya si a tɔ saminya, se ajuama bɔmi mohu ji nɔ́ nɛ a suɔ, nɛ yaholi a wehi a mi a naa mɛ ngɛ.

Yeremia 6:26

Yawɛ de e ma a ke, “Nyɛ bu kpekpe ya bo, nɛ nyɛɛ ngɔ nyɛ he kɛ wuwlua si ngɛ la zu mi. Nyɛɛ wo yana nɛ nyɛɛ ye kɔmɔ kaa a yeɔ kɔmɔ kɛ haa bi kake too nɛ gbo, ejakaa ta a nɛ ma nyɛ hɛ mi kpatami ɔ ma ba tua nyɛ tlukaa.

Yeremia 8:18

Ye we aywilɛho ɔ nya wa tsɔ ha mi; i nyɛ we hu. Ye tsui kpa miɔ nɛ e ma tsɔ.

Yeremia 9:18

Ma a de ke, “Nyɛ de mɛ nɛ a pee esɔ nɛ a ba wo yana ha wɔ, kɛ yaa si wa hɛngmɛ ɔmɛ maa tɔ nyu, nɛ wa hɛngmɛ se maa fuu kɛ ya fomi sɔuu.”

Kɔmɔ Yemi 2:11

I fo ya hluu, nɛ ye hɛngmɛ tsuo fuu. I ngɛ he hiami mi wawɛɛ. Ye tsui ngɛ mi yee, ejakaa a ywia ye we bi ɔmɛ a ma a. Jokuɛwi kɛ bimwɔwi ngɛ hɛlie ngɛ gbɛjegbɛ ɔmɛ a nɔ ngɛ ma a mi.

Ezekiel 22:12

Nyɛ ti ni komɛ heɔ nyɔ mi ní nɛ a kɛ pueɔ muɔ si. Ni komɛ paa sika kɛ haa a nyɛmimɛ Israel fɔfɔɛhi, nɛ a heɔ hekpa fuu ngɛ a dɛ kɛ naa a he kpɔtɔɔ. Nɛ a hɛ je ye nɔ.” Nyɔmtsɛ Yawɛ lɛ de.

Hosea 7:4

Dikali kɛ atuã tsɔli ji mɛ tsuo. Ninyɛ nɛ nya wa wawɛɛ nitsɛ lɛ ngɛ a mi. Ninyɛ ɔ jeɔ sisi kaa flɔɔnɔɔ mi la nɛ ngɛ tsoe tikɔɔ hluu kɛ ya suu be nɛ mamu ɔ ma fu saminya, nɛ́ abolo sãlɔ ɔ ma klɛ la a mi, konɛ e tso gegeege.