Yeremia 8:6 - BAIBLO ALOO NGMAMI KLƆUKLƆU Ɔ

⁶ Ke i bu nyɛ ní sɛɛmi he tue keii ɔ, mɛni ji nɔ́ nɛ i nuɔ? Lakpa sɔuu! Nɔ ko nɔ ko tu we anɔkuale. Nyɛ ti nɔ ko nɔ ko he yayami dɔɛ lɛ nɛ e pia e he, nɛ́ e bi e he ke, ‘Ao, mɛni ji nɔ́ nɛ i pee nɛ ɔ?’ Nɔ tsuaa nɔ ngɛ lɛ nitsɛ e blɔ nɔ kɛ bee kaa okpɔngɔ nɛ ngɛ fo tue kitikiti ngɛ ta nga nɔ.

Yeremia 8:6 ပူးပေါင်းရင်းမြစ်များ

La 14:2

Yawɛ hyɛɛ nimli adesahi ngɛ zugba kɛ jeɔ hiɔwe. E hyɛɛ kaa e maa na nɔ ko nɛ le nɔ́, nɛ hlaa lɛ Mawu ɔ se blɔ lo.

Ezekiel 18:28

Ejakaa jamɛatsɛ ɔ pia e he, nɛ e kpale kɛ je e tɔmi ɔmɛ a mi; niinɛ, e yi ma na wami, e be gboe.

2 Petro 3:9

Nɔ́ nɛ Nyɔmtsɛ ɔ wo si ke e maa pee ɔ, pi tsle nɛ e ngɛ toe ngɛ he kaa bɔ nɛ ni komɛ ngɛ susue ɔ; e tsui si kɛkɛ lɛ e ngɛ toe ha nyɛ. Ejakaa e sume nɛ nɔ ko nɔ ko hɛ mi nɛ kpata, se mohu nɔ tsuaa nɔ nɛ tsake e tsui.

Malaki 3:16

Kɛkɛ nɛ nihi nɛ yeɔ Yawɛ gbeye ɔ kɛ a sibi tu munyu, nɛ Yawɛ bu tue nɛ e nu nɔ́ nɛ a ngɛ dee ɔ. Ngɛ e hɛ mi ɔ, a ngma nihi tsuo nɛ a yeɔ Yawɛ gbeye, nɛ a buɔ lɛ ɔ a biɛ.

Mika 7:2

Anɔkualetsɛmɛ ta zugba a nɔ; dalɔ kake ngmelu po be. Nɔ tsuaa nɔ ngɛ blɔ ko hlae nɛ e kɛ pue muɔ si; nɔ tsuaa nɔ ngɛ lɛ nitsɛ e nyɛmi klama tsɔe.

Kpojemi 9:20

Nihi tsuo nɛ piɛ, nɛ mɛɛ haomi nɛ ɔmɛ gbi mɛ ɔ, a tsakee we a tsui, nɛ níhi nɛ a kɛ mɛ nitsɛmɛ a nine pee ɔ, a ngmɛɛ we he. A kpa we mumi yayamihi jami. Amagahi nɛ a kɛ sika tsu, loo sika hiɔ, loo ayawa, loo tɛ, loo tso pee ɔ, pi kaa a kpa mɛ jami; pohu amaga amɛ hyɛ we nɔ́, a nui nɔ́, nɛ a nyɛɛ we hulɔ.

Hagai 1:7

Anɛ nyɛ li nɔ́ nɛ kɛ ní nɛ ɔmɛ ba lo?

Hagai 1:5

Anɛ nɔ́ nɛ nyɛ ngɛ nae nɛ ɔ, nyɛ kpa we si lolo?

Ezekiel 22:30

I hla nɔ ko nɛ maa po piɛ kɛ wo a he, loo nɛ e maa tsi puɔ ɔ nɛ ngɛ gbogbo ɔ mi ɔ ha ma a, konɛ ma ko puɛ zugba a, se i nɛ nɔ ko nɔ ko.

Yeremia 5:1

Yerusalem bi, nyɛɛ tu fo kɛ gu gbɛjegbɛ ɔmɛ a nɔ kɛ ya kɛ ba! Nyɛɛ po nyɛ hɛ nɛ nyɛɛ hyɛ kɛ bɔle si! Nyɛɛ kpa jua amɛ a nɔ nɛ nyɛ hla fitsofitso kaa nyɛ maa na nɔ kake ngmelu nɛ peeɔ nɔ́ nɛ da, nɔ nɛ bɔɔ mɔde kaa e maa ye Mawu anɔkuale lo? Ke nyɛ na nɔ kake ngmelu kaa ja a, lɛɛ Yawɛ maa ngɔ Yerusalem he yayami ɔmɛ kɛ pa lɛ.

Yesaya 59:16

E pee lɛ nyakpɛ kaa nɔ ko nɔ ko be nɛ maa da mi ha ni nɛmɛ nɛ a ngɛ mɛ yi mi wae ɔ. Lɔ ɔ he ɔ, lɛ nitsɛ e he wami e kɛ ma he e ma a yi wami; nɛ e ma a maa ye kunimi.

Yesaya 30:18

Se kɛ̃ ɔ, Yawɛ ngɛ mlɛe kaa e maa na nyɛ mɔbɔ; ejakaa nɔ́ nɛ da pɛ e peeɔ daa. Nihi nɛ ngɔɔ a hɛ ngɔ fɔɔ Yawɛ nɔ ɔ, a naa bua jɔmi.

Hiob 10:2

Mawu, koo bu mi fɔ. Mɛni i pee, loko o kɛ mi ngɛ sane yee kikɛ nɛ ɔ?

Yeremia 23:25

Munyuhi nɛ lakpa gbali ɔmɛ tuɔ ngɛ ye biɛ mi ɔ, i nu lɛ tsuo pɛpɛɛpɛ. A deɔ ke imi lɛ i ha mɛ sɛ gbi ngɛ nlami mi.

Hiob 34:31

Hiob, anɛ o jaje o yayami ɔmɛ kɛ tsɔɔ Mawu lo? Anɛ o wo lɛ si kaa o be yayami pee hu lo?

Hiob 34:32

Anɛ o fa kue ha Mawu ke e tsɔɔ mo o tɔmi ɔmɛ lo? Anɛ o kplɛɛ kaa o ma kpa yayami peemi lo?

Yesaya 57:17

Ye mi mi fu mɛ, nɛ i gbla a tue, nɛ i kua mɛ; ejakaa a peeɔ yayami, nɛ a hɛ kɔ̃ɔ̃; se kɛ̃ ɔ, a wa tue, nɛ a ya nɔ pee níhi nɛ mɛ nitsɛmɛ a suɔ.

Yeremia 3:5

Anɛ o mi mi ma fu mi daa kɛ yaa neneene lo?’ Israel, bɔ nɛ o deɔ ji nɛ ɔ nɛ; se kɛ̃ ɔ, o hɛ ngɛ o he nɔ nɛ o ngɛ ní yayamihi pee kɛ mwɔɔ.”

Daniel 9:11

Israel ma a tsuo tɔ o mlaa amɛ, nɛ a bui o gbi tue. Wa pee yayami kɛ si mo, nɛ lɔ ɔ he nɛ o ngɔ gbiɛmi ɔmɛ nɛ a ngma ngɛ o tsɔlɔ Mose mlaa womi ɔ mi ɔ kɛ ba wa nɔ ɔ nɛ.

Zefania 3:7

I de ke, ‘Jehanɛ lɛɛ ye ma mi bi ɔmɛ maa bu mi tue; jehanɛ lɛɛ ke i bɔ mɛ kɔkɔ ɔ, a maa ye gbeye, nɛ e be hiae kaa ma gbla a tue ekohu.’ Se a ya nɔ pee yayami pe kekle ɔ mohu.”