Yeremia 8:5 - BAIBLO ALOO NGMAMI KLƆUKLƆU Ɔ

⁵ Ye ma! Mɛni he je mɔ lɛ nyɛ je ye se, nɛ nyɛ sume kaa nyɛ maa kpale kɛ ba a? Mɛni he je nyɛɛ kɛ nyɛ he ha sisimi ní hi kikɛ nɛ ɔ, nɛ nyɛ sume kaa nyɛ maa kpale kɛ ba ye ngɔ ɔ?

Yeremia 8:5 ပူးပေါင်းရင်းမြစ်များ

Yeremia 9:6

A peeɔ yi wu tso níhi nɔtonɔto; jã kɛ̃ nɛ a sisiɔ nɔ. Yawɛ ke e ma mi bi ɔmɛ kua lɛ.

Yeremia 5:3

Anɛ pi anɔkuale yemi pɛ nɛ Yawɛ suɔ lo? Yawɛ fia nyɛ ní, se nyɛ bui fɛɛ. Yawɛ kpata nyɛ hɛ mi, se nyɛ kase we ní kɛ ji mi. Nyɛ kplii nyɛ tsui kaa tɛ sa, nɛ nyɛ kpale we kɛ ji nyɛ yayami ɔmɛ a se.

Zakaria 7:11

“Se ye ma a bui mi tue fɛɛ; a si a konɔ wo mi, nɛ a tsi a tue, konɛ a ko nu nɔ́ nɛ i ngɛ mɛ dee ɔ.

Hebribi 12:25

Lɔ ɔ he ɔ, nɔ nɛ kɛ nyɛ ngɛ munyu tue ɔ, nyɛɛ bu lɛ tue. Nihi nɛ bui nɔ nɛ bɔ mɛ kɔkɔ ngɛ zugba a nɔ tue ɔ, a yi a he. Nɛ wɔɔ lɛɛ ke nɔ nɛ je hiɔwe ɔ kɛ wɔ ngɛ munyu tue nɛ wa bui lɛ tue ɔ, kɛ wa maa pee kɛ ye wa he kɛɛ?

Yohane 5:40

Se nyɛ sume kaa nyɛ maa ba ye ngɔ, konɛ nyɛ na wami.

Hosea 11:7

Ye ma a fia pɛɛ si kaa a ma kua mi; enɛ ɔ he je ɔ, ma gbla a tue, nɛ nɔ ko nɔ ko be nyɛe maa je ngmlaa ha mɛ.

Yeremia 5:27

Ju níhi hyi a wehi a mi tɔ kaa lohwe pɛlitsɛmɛ nɛ a nuu kɛ wo kusii mi. Enɛ ɔmɛ a he je ɔ, a na ní, nɛ a pee nimli nguahi.

Yesaya 44:20

E ní pee mɔbɔ kaa nɔ nɛ ngɛ la zu yee; a mlɔɔ lɛ, nɛ e laa blɔ; lɔ ɔ he ɔ, e be nyɛe ma he lɛ nitsɛ e yi wami, loo nɛ e ma de ke, “Anɛ pi yaka nɔ́ nɔ nɛ i ngɔ ye hɛ ngɔ fɔ nɛ ɔ?”

Yesaya 30:10

A deɔ gbali ɔmɛ ke, “Nyɛ ko na ní; nyɛɛ gba ní kpakpahi mohu ha wɔ. Nyɛɛ kɛ wɔ nɛ tu munyu nɛ maa ngɔ ngɛ wa tue mi; ke sisimi munyuhi pohu wa suɔ.

Kpojemi 2:25

kaa nyɛɛ pɛtɛ nɔ́ nɛ nyɛ ngɛ ɔ he wawɛɛ kɛ yaa si ma ba.

1 Tesalonikabi 5:21

Nyɛɛ ka nɔ́ tsuaa nɔ́ hyɛ. Nɔ́ nɛ hi ɔ, nyɛɛ pɛtɛ he nɛ wa;

Hosea 4:16

Israel ma a tue mi ti kaa bɔ nɛ teji okpɔngɔ tue mi ti ɔ. Kɛ ma pee kɛɛ nɛ ma lɛ mɛ ngɛ nga nɔ kaa bɔ nɛ a lɛɛ to ɔ?

Yeremia 2:32

Anɛ yiheyo hɛ maa je e june nɔ lo? Anɛ ayɛflo hɛ maa je e tade nɔ lo? Se ye ma a lɛɛ a hɛ je ye nɔ ligbi babauu nɛ e be hie kanemi.

Yesaya 1:20

Se ke nyɛ kpale we, nɛ nyɛ tsɔ atuã a, lɛɛ nyɛ ma gbo ngɛ klaate nya. Imi, Yawɛ, lɛ i de.”

Abɛ Womi 4:13

Kai slɔmi gbi nɛ a ha mo ɔ daa; koo ngmɛɛ he. Lɔ ɔ ji o wami.

Yeremia 5:6

Enɛ ɔ he je ɔ, jata maa je pu mi kɛ ba gbe mɛ; ogbetee maa je nga nɔ kɛ ba tsɔtslɔɔ a mi dukuduku, nɛ ngatsɛ ma ba wo ka ngɛ a ma amɛ a mi. Nɔ tsuaa nɔ nɛ maa je kpo ɔ, a ma tsɔtslɔɔ lɛ; ejakaa a pee yayamihi fuu, nɛ a tsɔ Mawu hɛ mi atuã si abɔ.

Yeremia 14:7

Ye ma a fa kue ha mi ke, ‘Yawɛ, wa he yayami ɔmɛ ngɛ odase yee kɛ ngɛ wɔ sie lɛɛ, se kɛ̃, moo piɛ wa he kaa bɔ nɛ o wo si ɔ. Wa tsɔ o hɛ mi atuã be babauu; wa pee yayami kɛ si mo.

Daniel 9:11

Israel ma a tsuo tɔ o mlaa amɛ, nɛ a bui o gbi tue. Wa pee yayami kɛ si mo, nɛ lɔ ɔ he nɛ o ngɔ gbiɛmi ɔmɛ nɛ a ngma ngɛ o tsɔlɔ Mose mlaa womi ɔ mi ɔ kɛ ba wa nɔ ɔ nɛ.

Yeremia 3:5

Anɛ o mi mi ma fu mi daa kɛ yaa neneene lo?’ Israel, bɔ nɛ o deɔ ji nɛ ɔ nɛ; se kɛ̃ ɔ, o hɛ ngɛ o he nɔ nɛ o ngɛ ní yayamihi pee kɛ mwɔɔ.”

Yeremia 6:17

Jehanɛ, to Yawɛ buli ngɛ ma a mi konɛ ma a nɛ bu titimati ɔ pɛmi tue. Se a de ke, “Wa be tue bue fɛɛ!”

Yeremia 6:19

Je ɔ, bu tue! Ma ngɔ haomi kɛ ba ma nɛ ɔ nɔ kaa yayamihi nɛ mɛ nitsɛmɛ a pee ɔ he tue gblami. Ejakaa a bui ye munyu ɔmɛ tue, nɛ ye mlaa a hu a yi nɔ.

Hosea 11:5

“Akɛnɛ a kua ye ngɔ bami ɔ, a maa kpale kɛ ho Egipt ya, nɛ Asiria maa ye a nɔ.

Hosea 13:2

A ngɛ yayami pee kɛ mwɔɔ. A ngɛ amagahi jae. Se amaga nɛ ɔmɛ ɔ, nimli a juɛmi kɛ a nine nya ní tsumi nɛ a kɛ sika hiɔ pee ji mɛ. Amagahi nɛ a ngɛ kaa na bi ɔ, ní nɛ ɔmɛ nyɛ ke a sã bɔ ha lo? Kɛ nimli adesahi maa pee kɛɛ nɛ a ma fiɔ ní nɛ ɔmɛ a nya he?