Yeremia 8:18 - BAIBLO ALOO NGMAMI KLƆUKLƆU Ɔ

¹⁸ Ye we aywilɛho ɔ nya wa tsɔ ha mi; i nyɛ we hu. Ye tsui kpa miɔ nɛ e ma tsɔ.

Yeremia 8:18 ပူးပေါင်းရင်းမြစ်များ

Kɔmɔ Yemi 5:17

Enɛ ɔ ha nɛ wa ngɛ wa tsui yee wawɛɛ, nɛ wa vo nyu ɔ ha we nɛ waa hyɛ nɔ́ kpakpa ko hu;

Yeremia 6:24

Yerusalem bi ɔmɛ ke, “Wa nu a he, nɛ wa nine mi je wu! Wa tsui po, nɛ wa pee kaa yo nɛ nu kɔɔmi nɛ e miɔ nɛ e ma fɔ.

Yesaya 22:4

Nyɛɛ ngmɛɛ ye he nɛ ma nyɛ ya wawɛɛ ha nihi nɛ gbo ɔ. Nyɛ ko gba nyɛ he nya kaa nyɛ maa jɔɔ ye bua.

Habakuk 3:16

I nu sane nɛ ɔmɛ tsuo, nɛ ye he do blibliibli; fɔ̃ ha ye nya bɔni domi. Ye nɔmlɔ tso ɔ pee sikplikpii, nɛ ye nane mi jɔ ngɛ ye sisi. Ma mlɛ dii kɛ yaa su be nɛ Mawu maa gbla nihi nɛ ba tua wɔ ɔ a tue.

La 143:7

Yawɛ, he mi nɔ esɔ koo! Ye hɛ kɛ nɔ fɔmi tsuo miɔ nɛ e ta. Koo ngɔ o he kɛ laa mi; ke pi ja a, i kɛ gbogboe ɔmɛ ngɛ gbeje maa sɔ.

Yeremia 9:1

I ná nɛ ye yi pee kaa vu kɛ e mi nyu, nɛ ye hɛngmɛhi plɛ pee nyu hɛngmɛ nɛ vo nyu ngɛ mi jee babaaba. Jinɛ i ko fo ya nyɔ kɛ pia kɛ ha ye ma mi bi ɔmɛ nɛ a gbe ɔ.

Yeremia 23:9

I hao wawɛɛ nitsɛ, nɛ imi nɔmlɔ ɔ tsuo ye he ngɛ doe blibliibli. Yawɛ kɛ e munyu klɔuklɔu ɔ a he je ɔ, i pee kaa nɔ nɛ tɔ dã, loo nɔ nɛ nu dã pe nine.

Yeremia 4:19

Ao! Ao! Ye mi mi! Ye mi mi! Ye tsui! Ye tsui ngɛ fiae kpla, kpla! I be nyɛe nɛ ma pee dii; ejakaa i nu nɛ a ngɛ titimati kpae, nɛ ta ose ngɛ pɛe.