Yeremia 8:14 - BAIBLO ALOO NGMAMI KLƆUKLƆU Ɔ

¹⁴ Mawu ma a mi bi ɔmɛ bi a he ke, “Mɛni he je lɛ wa hii si ngɛ hiɛmɛ nɛ ɔ kɛ mwɔɔ? Nyɛ ha nɛ waa tu fo kɛ ya mahi nɛ a fia gbogbo ngɔ wo a he ɔ a mi, nɛ wa ya gbo ngɛ jamɛ a ma amɛ a mi. Yawɛ, wa Mawu ɔ bu wɔ gbenɔ fɔ, nɛ e ngɔ nyu kɛ kplu nɛ duɔ ngɛ mi ngɔ ha wɔ ke waa nu, ejakaa wa pee yayami kɛ si lɛ.

Yeremia 8:14 ပူးပေါင်းရင်းမြစ်များ

Yeremia 23:15

“Lɔ ɔ he ɔ, bɔ nɛ imi, Yawɛ Tabohiatsɛ ɔ i ngɛ dee ngɛ Yerusalem gbali ɔmɛ a he ji nɛ ɔ nɛ: ‘Ma ha mɛ agba nɛ a maa ye kaa niye ní, nɛ i kɛ duɔ maa wo nyu mi ha mɛ nɛ a nu. Ejakaa mɛ Yerusalem gbali ɔmɛ a he je nɛ ní yayamihi gbɛ fĩa zugba a nɔ tsuo.’ ”

Yeremia 9:15

Lɔ ɔ he ɔ, nyɛɛ bu nɔ́ nɛ imi, Yawɛ Tabohiatsɛ, Israel Mawu ɔ, i to kaa ma pee ɔ tue: ma gbla ye ma mi bi ɔmɛ a tue. Ma ha mɛ agba nɛ a ye, kɛ duɔ nɛ a nu.

Kɔmɔ Yemi 3:19

Ye we amanehlu, kɛ hi he ko nɛ be ye dɛ ɔ, ke i kai ɔ, e ngɛ kaa agba, loo duɔ nɛ nya wa ha mi.

Yeremia 35:11

Se benɛ Matsɛ Nebukadnezar ba tua zugba a, wa ya ye Babilonia kɛ Siria bi ɔmɛ a tabo ɔmɛ gbeye, nɛ wa pee wa yi mi kaa wa maa tu fo kɛ je a nya kɛ ba Yerusalem. Enɛ ɔ he je lɛ wa ba ngɛ Yerusalem ɔ nɛ.”

Mateo 27:34

Nɛ́ a su lejɛ ɔ, nɔ ko ha Yesu wai nɛ a kɛ tsopa nɛ dooɔ futu mi ke e nu; se benɛ e tso hyɛ ɔ, e sume kaa e maa nu.

La 69:21

A ha mi duɔ ngɛ niye ní nane mi; nɛ benɛ kuma ngɛ mi yee ɔ, a ha mi dã nɛ kuã ke ma nu.

Samuel II, 20:6

Kɛkɛ nɛ matsɛ ɔ de Abishai ke, “Sheba ma ba hao wɔ kulaa pe Absalom tete. Ngɔɔ ye tsɔli ɔmɛ, nɛ́ nyɛɛ nyɛɛ e se; ke pi ja a, e ma ya sɛ mahi nɛ a fia gbogbo ngɔ wo a he ɔ ekomɛ a mi, nɛ e maa hao wɔ.”

Mose V, 29:18

Nyɛ nɛ nyɛ daa si ngɛ hiɛ ɔ mwɔnɛ ɔ, nyɛɛ hyɛ saminya nɛ nɔ ko nɔ ko kó je Yawɛ, wa Mawu ɔ se kɛ ya ja ma je li a mawu ɔmɛ, nyumu jio, yo jio, weku jio, wɛtso jio. Nɔ́ nɛ ɔ ngɛ kaa tso sipoku nɛ maa wa, nɛ maa ngɔ e duɔ kɛ gbla haomi kɛ ba nyɛ nɔ.

Zakaria 2:13

Nyɛ tsuo nyɛɛ pee dii ngɛ Yawɛ hɛ mi; ejakaa e je e hi he klɔuklɔu ɔ kɛ ma.

Habakuk 2:20

Yawɛ ngɛ e we klɔuklɔu ɔ; nɔ tsuaa nɔ nɛ ngɛ je ɔ mi ɔ, e pee dii ngɛ e hɛ mi.

Amos 6:10

Ke nɔ nɛ gbo ɔ tsɛko, kɛ weku ɔ mi nɔ kpa ko ba nɛ a ba ngɔ gbogboe ɔ, a ma bi nɔ nɛ ya laa e he ngɛ tsu ɔ mi ke, “Anɛ nɔ ko piɛ o he ngɛ tsu ɔ mi kɛ mwɔɔ lo?” Ke nɔ ɔ he nɔ ke, “Dɛbi!” ɔ, weku no ɔ nɛ ma gbogboe ɔ ngɔmi ɔ ma de lɛ ke, “Pee dii! Wa ko wo Yawɛ biɛ ta nɛ e ba nu.”

Yeremia 14:20

Yawɛ, wa ngɛ jajee ke wa pee yayami kɛ si mo, nɛ wa nɛmɛ ɔmɛ hu pee yayami kɛ si mo.

La 39:2

I ma ye nya, nɛ i pee dii kaa mumui; nɔ́ nɛ sa kaa ma de po, i de we. Se mohu ɔ, ye nɔ́ nami ɔ nya ba wa kulaa pe kekle ɔ,

Mose V, 32:32

He nyɛli ɔmɛ puɛ kaa Sodom kɛ Gomora; a ngɛ kaa wai tso nɛ woɔ yiblii doodooe nɛ gbee nɔ,

Mose III, 10:3

Kɛkɛ nɛ Mose de Aaron ke, “Enɛ ɔ ji nɔ́ nɛ Yawɛ de ɔ nɛ. E ke, ‘Nihi nɛ hɛ mɛ kɛ su ye he ɔ, ma tsɔɔ mɛ bɔ nɛ i ngɛ klɔuklɔu ha, nɛ a maa wo ye hɛ mi nyami ngɛ ma a tsuo hɛ mi.’ ” Se Aaron de we nɔ́ ko.

Yesaya 47:5

Yawɛ ngɛ Babilon dee ke, “Hii si dii ngɛ diblii mi; a be mo tsɛe ke je ma amɛ a manyɛ hu.

Yeremia 3:25

Nyɛ ha nɛ waa kɛ zo nɛ pee wa heha nɔ́ kɛ hwɔ si, ejakaa wa pee yayami kɛ si Yawɛ, wa Mawu ɔ. Wa nɛmɛ ɔmɛ pee a nɔ́, nɛ wɔ hu kɛ je wa jokuɛwi a si kɛ ba si mwɔnɛ ɔ, wa kpa we. Wa yi Yawɛ, wa Mawu ɔ mlaa amɛ a nɔ.”

Yeremia 14:7

Ye ma a fa kue ha mi ke, ‘Yawɛ, wa he yayami ɔmɛ ngɛ odase yee kɛ ngɛ wɔ sie lɛɛ, se kɛ̃, moo piɛ wa he kaa bɔ nɛ o wo si ɔ. Wa tsɔ o hɛ mi atuã be babauu; wa pee yayami kɛ si mo.

Yeremia 9:14

A wa tue, nɛ a ya pee mɛ nitsɛmɛ a suɔmi nya níhi mohu. A ya ja Baal amaga amɛ kaa bɔ nɛ a nɛmɛ ɔmɛ tsɔɔ mɛ ke a pee ɔ.