Yeremia 8:13 - BAIBLO ALOO NGMAMI KLƆUKLƆU Ɔ

¹³ “I ka kaa ma bua ye ma a nya kaa bɔ nɛ ngmɔ hulɔ buaa e ngmɔ niba ní nya a; se e hí peemi. Ye ma a ngɛ kaa wai tso nɛ wai yiblii be nɔ. A ngɛ kaa ngmɔkɔ tso nɛ ngmɔkɔ be nɔ; ba amɛ tete po ngla. Enɛ ɔ he je ɔ, i ha nɛ nibwɔhi ba ngɔ a zugba a.”

Yeremia 8:13 ပူးပေါင်းရင်းမြစ်များ

Mateo 21:19

E na ngmɔkɔ tso ko ngɛ blɔ ɔ he, nɛ e gba kɛ ya he; se e nɛ nɔ́ ko nɔ́ ko ngɛ tso ɔ nɔ pe ba kɛkɛ. Lɔ ɔ he ɔ, e de tso ɔ ke, “O be yiblii ko woe hu gblegbleegble!” Nɛ ngmɔkɔ tso ɔ ngla amlɔ nɔuu.

Yoel 1:7

A kpata wa wai tso ɔmɛ a hɛ mi, nɛ a kpe wa ngmɔkɔ tso ɔmɛ. A kpe toto ɔ ngɛ tso ɔmɛ a he kɛ ya si tso kɔni ɔmɛ a he pee futaa.

Yeremia 17:8

Jamɛatsɛ ɔ ngɛ kaa tso nɛ a du ngɛ pa tue nɛ je sipoku kɛ wo nyu mi. Ke sa pu ba a, e yi gbeye, ejakaa e ba amɛ hii mumumumu flɔflɔɔflɔ kɛ mwɔɔ. Ke nyu hwɔ ba hu, e yi kɔmɔ, ejakaa e woɔ yiblii kɛ mwɔɔ.

Yakobo 1:11

Ke pu je, nɛ je mi dɔ la a, mɔmɔ nglaa, nɛ e wɔleɔ pueɔ si, nɛ afɛu ko be e he hu. Ja nɔuu niatsɛ ɔ hu benɛ e hɛ dɔ kɛ ngɛ ní tsue ɔ, e hɛ mi ma kpata tlukaa.

Hagai 2:17

Imi nitsɛ lɛ i ha nyɛ ní ɔmɛ fu ja, nɛ kɔɔhiɔ nɛ nglaa ní, kɛ gbiɛ ngo ngu ba kpata nɔ́ tsuaa nɔ́ nɛ nyɛ gbo he dengme ɔ hɛ mi, se kɛ̃ ɔ, nyɛ tsakee we nyɛ tsui.

Hagai 1:11

I ha nɛ sapu ye nibɔ ní ɔmɛ tsuo; zugba a, yoku ɔmɛ, blɛfo ngmɔ ɔmɛ, wai ngmɔ ɔmɛ, oliv abɔɔ ɔmɛ, nimli adesahi, lohwehi, kɛ nɔ́ tsuaa nɔ́ nɛ a gbo he dengme ɔ, sapu ye mɛ tsuo pɛpɛɛpɛ.”

Habakuk 3:17

Ke ngmɔkɔ tso gba we mɔmɔ, nɛ wai tso ɔmɛ wui yiblii, ke oliv nu bɛ, nɛ niye ní be ngmɔ ɔ nɔ, ke to ɔmɛ a hɛ mi kpata, nɛ na amɛ gbo ta tsu ɔ mi, ke ní nɛ ɔmɛ tsuo ba mi po,

Yeremia 5:17

A maa ye nyɛ ngmɔ niba ní ɔmɛ, kɛ nyɛ niye ní ɔmɛ tsuatsuaatsua; a maa gbe nyɛ binyumu ɔmɛ, kɛ nyɛ biyi ɔmɛ. A ma tsɔtslɔɔ nyɛ to ɔmɛ, kɛ nyɛ na amɛ, nɛ a ma kpata nyɛ wai, kɛ nyɛ ngmɔkɔ ɔmɛ a hɛ mi. Nyɛ mahi nɛ a fia gbogbo ngɔ wo a he, nɛ nyɛ ngɔ nyɛ hɛ kɛ fɔ a nɔ ɔ, he nyɛli ɔmɛ a tabo ɔmɛ ma kpata jamɛ a ma amɛ a hɛ mi.

Yesaya 5:10

Wai ngmɔ nɛ na nyɔngma ma hu ligbi kake ɔ ma ha wai yiblii bɔbɔyoo pɛ; nɛ wuhi nɛ a du ngɛ ngmɔ kpa nyɔngma mi ɔ, kpa kake pɛ nɔ yiblii a ma na ngɛ ngmɔ ɔ tsuo mi. A ma hu gbajaa nɛ a ma du ní fuu, se yiblii bɔbɔyoo pɛ a ma na kɛ maa je a dengme gbomi ɔ mi.”

Mose III, 26:20

Nyɛ ma gbo yaka dengme; ejakaa nyɛ zugba a be ní bae, nɛ e nɔ tso ɔmɛ hu be yiblii woe.

Yeremia 7:20

Lɔ ɔ he ɔ, imi Nyɔmtsɛ Yawɛ, ma plɛ ye mi mi fumi nɛ nya wa kaa la nɛ ngɛ tsoe plamplam nɛ hí gbemi ɔ kɛ pue we nɛ ɔ nɔ. Ye mi mi ma fu nimli, lohwehi, tsohi, kɛ ngmɔ niba ní tsuo.

Yeremia 14:12

Ke a ha hwɔ tete po, i be a kue fami ɔ tue bue; nɛ ke a sã sami bɔ, kɛ niye ní bɔ ha mi hu, i be hee. Se mohu ɔ, níhi nɛ i kɛ ma kpata a hɛ mi ji ta, hwɔ, kɛ gbenɔ hiɔ.”

Hosea 2:12

E wai ngmɔ ɔmɛ, kɛ ngmɔkɔ ɔ nɛ e ke e pla amɛ lɛ a pee kɛ wo lɛ hiɔ ɔ; ee, ma kpata ní nɛ ɔmɛ tsuo a hɛ mi. Ngmɔ ɔ maa hɛ kaa hue, nɛ nga mi lohwehi maa ye e mi ní ɔ.

Yeremia 14:15

Lɔ ɔ he ɔ, jamɛ a gbali ɔmɛ nɛ i tsɔ we mɛ, nɛ a kɛ ye biɛ ngɛ munyu tue, nɛ a ngɛ dee ke ta, loo hwɔ be zugba nɛ ɔ nɔ bae ɔ, bɔ nɛ i ngɛ dee ngɛ a he ji, i kɛ ta, kɛ hwɔ ma kpata a hɛ mi.

Ezekiel 22:31

Lɔ ɔ he ɔ, i ngɔ abofu nɛ nya wa kɛ gbla a tue. Ye mi mi la a kpata a hɛ mi pɛsɛpɛsɛ ngɛ a ní yayamihi nɛ a pee ɔ a he!” Nyɔmtsɛ Yawɛ lɛ de.

Malaki 3:11

I be hae nɛ lohwe tsɔwitsɔwihi nɛ kpata nyɛ ngmɔ niba ní ɔmɛ a hɛ mi; nyɛ wai tso ɔmɛ hu maa wo wai yiblii kplanyakplanyaa ngɛ ngmɔ ɔmɛ a nɔ.