Yeremia 8:10 - BAIBLO ALOO NGMAMI KLƆUKLƆU Ɔ

¹⁰ Lɔ ɔ he ɔ, ma ngɔ a ngmɔ ɔmɛ kɛ ha ni nɛmɛ nɛ ma ba ye a nɔ ɔ; a yi ɔmɛ hu i kɛ ma ha nyumu kpahi. Kɛ je nimli wawihi a nɔ kɛ ya si nimli nguahi a nɔ ɔ, nɔ tsuaa nɔ hɛ dɔ kɛ ngɛ nɔ sisie nɛ e kɛ na ní. Gbali kɛ osɔfohi po ngɛ nɔ sisie.

Yeremia 8:10 ပူးပေါင်းရင်းမြစ်များ

Hiob 31:10

lɛɛ ye yo nɛ e hoo gba ní ha nɔ kpa, nɛ nyumu kpa kɛ lɛ nɛ hwɔ.

Yesaya 28:7

Gbali ɔmɛ, kɛ osɔfo ɔmɛ pohu tɔɔ dã, nɛ a tataa si. Wai kɛ dã nɛ nya wa fuu tsɔ nɛ a nuu ɔ, haa a hii si tɛe basabasa. Gbali ɔmɛ tɔɔ dã kpɔtɔɔ; lɔ ɔ he ɔ, ninahi nɛ Mawu haa mɛ ɔ, a nui sisi. Osɔfo ɔmɛ hu tɔɔ dã kpɔtɔɔ ja nɔuu; mɛ hu sanehi nɛ a kɛ ba haa mɛ ɔ, a nyɛ we nɛ a hyɛɛ mi.

Yesaya 57:17

Ye mi mi fu mɛ, nɛ i gbla a tue, nɛ i kua mɛ; ejakaa a peeɔ yayami, nɛ a hɛ kɔ̃ɔ̃; se kɛ̃ ɔ, a wa tue, nɛ a ya nɔ pee níhi nɛ mɛ nitsɛmɛ a suɔ.

Yeremia 14:14

Se Yawɛ he nɔ ke, “Lakpa gbami gbali ɔmɛ ngɛ gbae ngɛ ye biɛ mi ɔ nɛ; i tsɔ we mɛ, i fa we mɛ, nɛ i kɛ mɛ tu we munyu ko hulɔ. Ninahi nɛ a ngɛ a he munyu tue ɔ, pi ye ngɔ nɛ a je; klaami nɛ a ngɛ klaae ɔ, yakayaka níhi nɛ mɛ nitsɛmɛ a susu ji lɔ ɔmɛ.

Yeremia 14:18

Ke i je kpo kɛ ya nga nɔ ɔ, i naa nihi nɛ a gbe mɛ ngɛ ta mi ngɔ pue si. Ke i ya ma amɛ a mi hu i naa nihi nɛ hwɔ gbe mɛ ngɔ pue si. Se gbali ɔmɛ, kɛ osɔfo ɔmɛ lɛɛ kpami kɛkɛ a hii kpae ngɛ zugba nɛ a li nɔ.”

Yeremia 17:11

Nɔ nɛ náá ní ngɛ blɔ nɛ dɛ nɔ ɔ, e ngɛ kaa bebee nɛ ya bu hlui nɔ nɛ e pɛ bi, nɛ pohu pi lɛ nɛ ngmɛ hlui ɔ. E nihe mi ɔ, e dɛ mi ma ba ta; nɛ e nyagbe be mi ɔ, e ma ba pee kuasia.

Yeremia 22:17

Se moo lɛɛ o susumi pɛ ji bɔ nɛ o maa pee kɛ sisi nihi nɛ o kpɔ a níhi yaka. O pueɔ nihi nɛ pee we nɔ́ ko a muɔ si; o yeɔ o ma a amimi, nɛ o waa mɛ yi mi. Yawɛ lɛ de.

Yeremia 32:32

ejakaa Yuda ma a, kɛ Yerusalem bi ɔmɛ, a matsɛmɛ ɔmɛ, ma nimeli ɔmɛ, osɔfo ɔmɛ, kɛ gbali ɔmɛ pee yayamihi babauu nɛ a kɛ wo ye mi mi la.

Yeremia 38:22

I na nɛ a ngɔ yi ɔmɛ tsuo nɛ piɛ ngɛ Yuda matsɛ we ɔ mi ɔ kɛ yaa Babilonia matsɛ ɔ ma nimeli ɔmɛ a ngɔ. Benɛ a yaa a, nɔ́ nɛ a ngɛ dee ji nɛ ɔ nɛ: ‘Matsɛ ɔ huɛmɛ kpakpa amɛ sisi lɛ nɛ a ye e nɔ. Se amlɔ nɛ ɔ nɛ e nane pu mɔsɔ lɛɛ e huɛmɛ ɔmɛ je e he?’ ”

Yeremia 42:1

Jehanɛ Karea bi Yohanan, Heshaya bi Azaria, kɛ tatsɛmɛ ɔmɛ, kɛ ma a tsuo; nimli wawi kɛ nimli nguahi

Yeremia 5:31

Gbali ɔmɛ a sɛ gbi ɔ, lakpa sɔuu; nɔ́ nɛ mɛɛ a fa osɔfo ɔmɛ ke a pee ɔ, lɔ ɔ osɔfo ɔmɛ peeɔ. Nɛ ye ma a hu suɔ ja. Se nyagbe ɔ, kɛ a maa pee kɛɛ?”

Kɔmɔ Yemi 4:13

Se e ba mi ja, ejakaa gbali ɔmɛ, kɛ osɔfo ɔmɛ pee yayami; a pue nihi nɛ peeɔ nɔ nɛ da ngɛ ma a mi ɔ a muɔ si.

Ezekiel 33:31

Lɔ ɔ he ɔ, ye ma a baa o ngɔ, nɛ a ba hii si ngɛ o hɛ mi nɛ a buɔ munyu ɔmɛ tue, se nɔ́ nɛ o deɔ mɛ ke a pee ɔ, lɔ ɔ lɛɛ a pee we. Á yeɔ nɔ he fɛu, nɛ a se nami he pɛ a susuɔ.

Amos 5:11

I le kaa nyɛ peeɔ yayami agboagbohi babauu. Nyɛ waa nimli kpakpahi yi mi. Nyɛ heɔ nyɔ mi ní. Nyɛ sisiɔ ohiatsɛmɛ, nɛ nyɛ plɛɔ dami sane hɛ mi ngɔ buɔ si. Enɛ ɔmɛ a he je ɔ, mɔ kpakpahi nɛ nyɛɛ kɛ tɛ ma a, nyɛ be a mi hie. Jehanɛ se hu, wai ngmɔ saminyawiiwi nɛ nyɛ pee ɔ, nyɛ be a mi dã nue.

Mika 2:4

Jamɛ a be ɔ, nihi ma la hɛdo la nɛ ɔ kɛ li nyɛ. A ma nya awe nɛ a maa ye kɔmɔ ke, Wa yi ta pɛ! Yawɛ kpɔ wa zugba a ngɛ wa dɛ Nɛ e ngɔ kɛ ha nihi nɛ nuu wɔ nyɔguɛ ɔ.”

Mika 3:11

Ma nimeli ɔmɛ heɔ nyɔ mi ní loko a buá sane he; osɔfo ɔmɛ heɔ hiɔwo loko a tsɔɔ mlaa a sisi; gbali ɔmɛ heɔ sika loko a gbaa. Se mɛ tsuo a buɔ Mawu kua pɛɛ nɛ a deɔ ke, “Yawɛ kɛ wɔ ngɛ; nɔ́ ko nɔ ko be wɔ pee!”

Mika 3:5

Nyɛ lakpa gbali nɛ nyɛ ngɛ ye ma a sisie! Nyɛ nɛ nyɛ gbaa he jɔmi kɛ haa nihi nɛ haa nyɛ ní nɛ nyɛ yeɔ; nɛ nyɛ woɔ ni nɛmɛ nɛ ha we nyɛ nɔ́ ko ɔ a susuma he gbeye! Bɔ nɛ Yawɛ ngɛ nyɛ dee ji nɛ ɔ nɛ,

Habakuk 1:6

Babilonia bi ɔmɛ hia ta kɛ ngɛ je ɔ mi tsuo kpae kɛ yaa ngɔ zugbahi nɛ pi a nɔ. A he ngɛ gbeye, nɛ a he sɔɔ kɛ ní puɛmi. Ma ha nɛ a maa te si kɛ wo nyɛ.

Zefania 1:13

A maa ha a níhi, nɛ a we ɔmɛ maa pee we dokuhi. Wehi nɛ a ngɛ poe ɔ, a be a mi hie, nɛ wai ngmɔhi nɛ a ngɛ hue ɔ, a be a mi dã nue.”

Tito 1:11

E hia kaa a ku nɔ́ nɛ ɔ nya la, ejakaa nimli nɛ ɔmɛ kɛ a tsɔɔmi ɔ ngɛ wehi fuu a nane kpatae. A ngɛ níhi nɛ dɛ blɔ tsɔɔe. Blɔɔ zo blɔ nɔ nɛ a gu kɛ ngɛ sika pee ji nɛ ɔ nɛ.

Tito 1:7

Asafo nya dalɔ ɔ, akɛnɛ Mawu ní tsumi nɔ e ngɛ hyɛe he je ɔ, e sɛ kaa piami ko hii e he. E ko pee nɔ nɛ woɔ e he nɔ, loo nɔ nɛ tsui fiaa mlamlaamla, loo dã tɔlɔ, loo kunɔ nɔlɔ, loo nɔ ko nɛ dii sika se tsɔ.