Yeremia 7:4 - BAIBLO ALOO NGMAMI KLƆUKLƆU Ɔ

⁴ Munyuhi nɛ nihi tuɔ nɛ a kɛ sisiɔ nyɛ ɔ, nyɛ ko he ye. A deɔ nyɛ ke, ‘Yawɛ we ɔ ji nɛ ɔ nɛ! Yawɛ we ɔ ji nɛ ɔ nɛ! Yawɛ we ɔ ji nɛ ɔ nɛ!’

Yeremia 7:4 ပူးပေါင်းရင်းမြစ်များ

Matsɛmɛ I, 9:7

lɛɛ ma je ye ma, Israel kɛ je zugba a nɛ i ha mɛ ɔ nɔ. We nɛ ɔ hu nɛ i pee klɔuklɔu nɛ a ja mi ngɛ mi ɔ, ma je ye nine ngɛ he. Je ma amɛ tsuo pɛpɛɛpɛ maa wo Israel la, nɛ a maa ye e he fɛu.

Yesaya 48:2

Nyɛ siɔ nyɛ gugue, nɛ nyɛ deɔ ke ma klɔuklɔu ɔ mi bi ji nyɛ; nyɛ deɔ hu ke Israel Mawu nɛ e biɛ ji Yawɛ Tabohiatsɛ ɔ nɔ nyɛ ngɔ nyɛ hɛ ngɔ fɔ.

Yesaya 59:4

Ke a kɛ nɔ ko ya kojomi he ɔ, nyɛ yi sane ɔ ha lɛ bɔ nɛ sa. Nyɛɛ kɛ mlaa tsu we ní, nɛ nyɛ yeɔ lakpa kɛ faa nyɛ he ngɛ sane yemi he. Ga yayahi nɛ kpataa nihi a hɛ mi sɔuu nyɛ toɔ.

Yesaya 66:1

Bɔ nɛ Yawɛ ngɛ dee ji nɛ ɔ nɛ: “Hiɔwe ji ye matsɛ sɛ, nɛ zugba ji nɔ́ nɛ i kɛ ye nane maa nɔ. Mɛni tsu nyɛ maa ma ha mi mɔ, nɛ jije ye he jɔɔmi he ngɛ?

Yeremia 28:15

I bɔ gbalɔ Hanania amaniɛ nɛ ɔ, nɛ i ya nɔ nɛ i de lɛ ke, “Hanania, bu tue! Yawɛ tsɔ we mo fɛɛ, nɛ o ha nɛ ma nɛ ɔ he lakpa munyu ɔmɛ ye.

Yeremia 29:23

Nɔ́ nɛ maa ba a nɔ ji nɛ ɔ nɛ, ejakaa a pee ní yayamihi ngɛ Israel; a puɛ gba, nɛ a tu lakpa munyuhi ngɛ Yawɛ biɛ mi, pohu e fa we mɛ ke a tu jamɛ a munyu ko. Pi Yawɛ suɔmi nya ní ji nɛ ɔ; nɔ́ tsuaa nɔ́ nɛ a pee ɔ, e na, nɛ e ma nyɛ maa ye he odase. Yawɛ lɛ de.”

Yeremia 29:31

ma tsɔ nɛ a ngɔ sɛ gbi nɛ ɔ nɛ kɔɔ Shemaya he ɔ ya ha nihi tsuo nɛ a nuu mɛ kɛ ho ɔ ke, “Imi Yawɛ, ma gbla Shemaya kɛ e nina tsuo a tue. I tsɔ we lɛ, se e kɛ nyɛ ba tu munyu kaa nɔ́ nɛ gbalɔ ji lɛ; nɛ e ha nɛ nyɛ he e lakpa munyu ɔmɛ ye. E nina ko nina ko be nyɛ kpɛti hie. Ní kpakpahi nɛ ma ba pee kɛ ha ye ma a hwɔɔ se ɔ, e be je mi hie kɛ yaa si jamɛ a be ɔ nɛ e ba na kɛ e hɛngmɛ; ejakaa e de ye ma a ke a tsɔ atuã kɛ wo mi. Imi, Yawɛ lɛ i de.”

Yeremia 6:14

Pá nɛ ngɛ ye ma mi bi ɔmɛ a he ɔ, a tsɔɔ lɛ fa kɛ fa kɛkɛ, nɛ e peeɔ mɛ kaa pa a gbo. Lɔ ɔ he ɔ, a deɔ ke, ‘Wa ngɛ tue mi jɔmi, wa ngɛ tue mi jɔmi,’ be mi nɛ tue mi jɔmi ko be.

Yeremia 7:14

Lɔ ɔ he ɔ, bɔ nɛ i pee Shilo ɔ, ja nɔuu ma pee imi nitsɛ ye we nɛ nyɛ ngɔ nyɛ hɛ ngɔ fɔ nɔ nɛ ɔ. Hiɛmɛ nɛ ɔ nɛ i ngɔ kɛ ha nyɛ nɛmɛ, kɛ nyɛ nitsɛmɛ ɔ, bɔ nɛ i pee Shilo ɔ, ja ma pee lɛ.

Ezekiel 13:19

Akoko dɛ kɔkɔ fuu, kɛ abolo nya bɔbɔɛ bɔɔ ko he ɔ, nyɛ gbee nihi yaka gu, nɛ nyɛ heɔ nihi nɛ a sa gbenɔ ɔ mohu a yi wami. Nyɛ yeɔ lakpa kɛ haa ye ma a, nɛ mɛ hu a buɔ nyɛ tue; lɔ ɔ he ɔ, ye he guɛ gbo ngɛ ye ma a hɛ mi.”

Mika 3:11

Ma nimeli ɔmɛ heɔ nyɔ mi ní loko a buá sane he; osɔfo ɔmɛ heɔ hiɔwo loko a tsɔɔ mlaa a sisi; gbali ɔmɛ heɔ sika loko a gbaa. Se mɛ tsuo a buɔ Mawu kua pɛɛ nɛ a deɔ ke, “Yawɛ kɛ wɔ ngɛ; nɔ́ ko nɔ ko be wɔ pee!”

Zefania 3:11

Jamɛ a be ɔ, zo be nyɛ pee hu kaa nyɛ ye ma a, nyɛ tsɔ ye hɛ mi atuã. Ma je he woli, kɛ he nɔ woli kɛ maa je nyɛ kpɛti, nɛ nyɛ be ye hɛ mi atuã tsɔe hu gblegbleegble ngɛ ye yo klɔuklɔu ɔ nɔ.

Luka 3:8

Ke nyɛ tsake nyɛ tsui niinɛ ɔ, lɛɛ nyɛɛ pee níhi nɛ tsɔɔ kaa nyɛ tsake nyɛ tsui. Nyɛ ko susu kaa ke nyɛ de ke nyɛ nɛ̃ ji Abraham ɔ kɛkɛ tue gblami ko be nyɛ nɔ bae. I ngɛ nyɛ dee ke Mawu ma nyɛ ngɔ tɛ nɛ ɔmɛ kɛ pee Abraham nina!