Yeremia 7:31 - BAIBLO ALOO NGMAMI KLƆUKLƆU Ɔ

³¹ A ya ma bɔ sami la tɛ ko ngɛ Hinom kɔ̃ ɔ mi, konɛ a sã a binyumu ɔmɛ, kɛ a biyi ɔmɛ ngɛ nɔ. A wo bɔ sami la tɛ ɔ biɛ ke Tofet. I wui mɛ mlaa ke a pee nɔ́ ko kaa kikɛ nɛ ɔ; nɔ́ nɛ ɔ bɛ ye yi mi po hyɛ.

Yeremia 7:31 ပူးပေါင်းရင်းမြစ်များ

Matsɛmɛ II, 23:10

Jehanɛ se hu, Matsɛ Yosia ya ble Tofet, nɛ ji jami he ɔ nɛ ngɛ Hinom kɔ̃ ɔ mi ɔ, bɔ nɛ pee nɛ nɔ ko nɛ ko ya sã e binyumu, loo e biyo bɔ kɛ ha Molek ngɛ lejɛ ɔ hu.

Yeremia 32:35

A ya ma bɔ sami la tɛhi ha Baal ngɛ Hinom kɔ̃ ɔ mi, konɛ a ngɔ a binyumu ɔmɛ, kɛ a biyi ɔmɛ kɛ sã bɔ ha mawu ɔ nɛ a tsɛɛ lɛ Molek ɔ. I wui mɛ mlaa ke a pee nɔ́ ko kaa kikɛ nɛ ɔ; e bɛ ye yi mi po hyɛ kaa a maa pee nɔ́ ko kaa kikɛ nɛ ɔ nɛ a kɛ ha nɛ Yuda ma a nɛ pee yayami.”

Matsɛmɛ II, 17:17

A ngɔ a binyumuhi, kɛ a biyihi kɛ sã sami bɔhi, kɛ ha wɔhi. A kla, a ye kunya, nɛ a je blɔ pee yayami nɛ a kɛ wo Yawɛ mi mi la.

Mose III, 18:21

Koo ngɔ o bimɛ ɔmɛ eko kɛ ha nɛ a sã ha mawu ɔ nɛ a tsɛɛ lɛ Molek ɔ. Ke o pee ja a, o gbe Yawɛ, o Mawu ɔ he guɛ.

Ezekiel 16:20

“Jehanɛ hu o bimɛ, nyumuhi kɛ yihi nɛ o fɔ ha mi ɔ, o gbe mɛ kɛ sã bɔ kɛ ja amagahi. Anɛ anɔkuale nɛ o yi mi nɛ ɔ pi ha mo,

Kronika II, 33:6

E ngɔ e binyumuhi kɛ sã sami bɔhi ngɛ Hinom kɔ̃ ɔ mi. E kla, e tsu kunya, nɛ e kɛ kpade tsɛli, kɛ azetsɛmɛ bɔ. E pee yayamihi babauu kɛ si Yawɛ, nɛ e kɛ wo e mi mi la.

Kronika II, 28:3

E sã tsopa kɛ e he via ngɛ Hinom kɔ̃ ɔ mi. Pi lɔ ɔ kɛkɛ. E kɛ lɛ nitsɛ e bimɛ po sã sami bɔhi kɛ ha amagahi kaa bɔ nɛ je ma amɛ nɛ Yawɛ fie kɛ je Israel bi ɔmɛ a blɔ mi ɔ pee ɔ pɛpɛɛpɛ.

Mose V, 12:31

Nyɛ ko ja Yawɛ, nyɛ Mawu ɔ kaa a jaa a mawu ɔmɛ; ejakaa ngɛ a mawu ɔmɛ a jami mi ɔ, a peeɔ níhi nɛ a hĩɔ, nɛ́ Yawɛ sume ɔ tsuo. A bimɛ po a sãã ngɛ la mi ngɛ bɔ sami la tɛ ɔmɛ a nɔ.

Mose V, 17:3

lɔ ɔ ji kaa e ya ja mawu kpahi, pu, nyɔhiɔ kɛ dodoehi, nɛ e sɔmɔ mɛ, nɛ e kɛ tɔ̃ Yawɛ mlaa a nɔ.

Matsɛmɛ II, 23:20

E gbe osɔfo ɔmɛ tsuo nɛ ngɛ lejɛ ɔ ngɛ bɔ sami la tɛ ɔmɛ a nɔ he nɛ a jaa ngɛ ɔ, nɛ e sã nimli a wuhi ngɛ bɔ sami la tɛ tsuaa bɔ sami la tɛ nɔ. Enɛ ɔ se ɔ, e kpale kɛ ho Yerusalem ya.

Yeremia 19:2

nɛ i kɛ mɛ wa ya gu buɛ sɔli agbo ɔ mi kɛ ya Hinom kɔ̃ ɔ mi. Sɛ gbi nɛ Yawɛ ma ha mi ɔ, ma ya fiɛ ngɛ lejɛ ɔ.

Yoshua 15:8

Jehanɛ, huzu ɔ nyɛɛ Hinom kɔ̃ ɔ mi kɛ kuɔ yo ɔ ngɛ leneyi je, he nɛ Yebus bi ɔmɛ ma Yerusalem ngɛ ɔ. Huzu ɔ kuɔ yo ɔ ngɛ bonyoku je, kɛ ya gu Refaim kɔ̃ ɔ we omleyi je.

Yesaya 30:33

Blema lokoo ɔ, a tsua muɔ ko nɛ a maa sã Asiria matsɛ ɔ ngɛ mi. Muɔ ɔ mi kuɔ, nɛ e bli, nɛ a to lɛ́ babauu kɛ wo mi. Yawɛ mumi ɔ nɛ ngɛ kaa la nɛ ngɛ tsoe plamplam ɔ maa sã lɛ.

Yesaya 57:5

Nyɛ nɛ nyɛ he mi akɔnɔ teɔ si, nɛ́ nyɛɛ kɛ bɔɔ ajuama ngɛ tso nguanguahi nɛ bɔ kusuu a sisi. Nyɛ ngɔɔ nyɛ bimɛ kɛ sãã bɔ ngɛ tɛ puɔhi a mi ngɛ kɔ̃ ɔmɛ a mi.

Yeremia 2:23

O ma de ke o ble we o he lo? O ma de ke o ja we Baalhi hyɛ lo? Hyɛ bɔ nɛ o pee yayami ngɛ kɔ̃ ɔ mi; hyɛ nɔ́ nɛ o pee. O pee kaa afukpɔngɔ yo nɛ he mi jɔɛ lɛ, nɛ ngɛ kpae kɛ ngɛ yae kɛ ngɛ bae.

Ezekiel 20:26

I ha nɛ a ngɔ mɛ nitsɛmɛ a bɔhi kɛ ble a he, nɛ a ngɔ mɛ nitsɛmɛ a bitɛtehi hu kɛ sã bɔ. I ngɔ enɛ ɔ kɛ gbla a tue, konɛ a le kaa imi ji Yawɛ.

Ezekiel 20:31

Amlɔ nɛ ɔ po, nyɛ ngɔɔ nike níhi kɛ ya haa amagahi, nɛ nyɛ ngɔɔ nyɛ bimɛ ngɔ haa nɛ a sã mɛ ngɛ la mi; nyɛ jaa amagahi babauu kɛ bleɔ nyɛ he. Israel bi, enɛ ɔmɛ tsuo a se ɔ, nyɛ kpale baa ke a bi mi ní ha nyɛ. I be kplɛɛe nɛ nɔ ko ba bi mi ní ha nyɛ. Imi, Nyɔmtsɛ Yawɛ lɛ i de.

Mika 6:7

Anɛ Yawɛ ma na bua jɔmi, ke i ba ha lɛ agbosu akpehi, loo nu nɛ hiɛ babauu kaa pa nɛ ngɛ bee lo? Anɛ ma ngɔ ye kekleekle bi ba ha lɛ kɛ wo ye yayami ɔmɛ a he hiɔ lo?

Mose V, 18:10

Mo ko sã o bimɛ ngɛ o bɔ sami la tɛ nɔ; jehanɛ hu, nyɛ ti nɔ ko kó klaa, e ko pee nyakpɛ ní, e ko nu wɔ, e ko tsu kunya,

Yeremia 32:34

We ɔ nɛ a ma nɛ a ja mi ngɛ mi ɔ tete po a ngɔ a we amagahi nɛ i hiee ɔ ya to lejɛ ɔ nɛ a kɛ ble we ɔ.