Yeremia 7:28 - BAIBLO ALOO NGMAMI KLƆUKLƆU Ɔ

²⁸ De mɛ ke ma nɛ ɔ bui imi Yawɛ, a Mawu ɔ; a tue nɛ i gbla a hu a kase we ní kɛ ji mi. Anɔkuale laa pɛsɛpɛsɛ; munyu ‘anɔkuale’ ɔ po nɔ ko pa wui nɔ ta hu.

Yeremia 7:28 ပူးပေါင်းရင်းမြစ်များ

Zefania 3:2

Yerusalem bui Yawɛ tue; e kplɛɛ we nɛ a kaa e hɛ mi. E ngɔɛ e hɛ kɛ fɔɛ Yawɛ nɔ, nɛ e hla we e Mawu ɔ se blɔ.

Yeremia 32:33

A plɛ a se ngɔ wo mi, nɛ a kua a tsui tsakemi. I gbo dengme kɛ tsɔɔ mɛ ní be babauu, se a bui tue fɛɛ; nɔ́ ko hu a kase we.

Abɛ Womi 1:7

Loko o ma na nile ɔ, ja o ye Yawɛ gbeye. Kuasiahi bui nile, nɛ slɔmi gbi hu a sume.

Zefania 3:7

I de ke, ‘Jehanɛ lɛɛ ye ma mi bi ɔmɛ maa bu mi tue; jehanɛ lɛɛ ke i bɔ mɛ kɔkɔ ɔ, a maa ye gbeye, nɛ e be hiae kaa ma gbla a tue ekohu.’ Se a ya nɔ pee yayami pe kekle ɔ mohu.”

Hosea 4:1

Nyɛ Israel bi, nyɛɛ bu nɔ́ nɛ Yawɛ ngɛ dee ɔ tue. Yawɛ ke Israel ma a tɔ̃ e nɔ. E ke, “Anɔkuale yemi ta zugba a nɔ; suɔmi be, nɛ imi Mawu nitsɛ hu a li mi.

Yeremia 6:8

Nyɛ Yerusalem bi, nyɛɛ kase ní kɛ je haomi nɛ ɔmɛ a mi. Ke pi ja a, ma ngmɛɛ nyɛ he; ma ha nyɛ ma a ma plɛ pee ma doku nɛ nɔ ko nɔ ko be mi hie hu.”

Yeremia 5:3

Anɛ pi anɔkuale yemi pɛ nɛ Yawɛ suɔ lo? Yawɛ fia nyɛ ní, se nyɛ bui fɛɛ. Yawɛ kpata nyɛ hɛ mi, se nyɛ kase we ní kɛ ji mi. Nyɛ kplii nyɛ tsui kaa tɛ sa, nɛ nyɛ kpale we kɛ ji nyɛ yayami ɔmɛ a se.

Yeremia 5:1

Yerusalem bi, nyɛɛ tu fo kɛ gu gbɛjegbɛ ɔmɛ a nɔ kɛ ya kɛ ba! Nyɛɛ po nyɛ hɛ nɛ nyɛɛ hyɛ kɛ bɔle si! Nyɛɛ kpa jua amɛ a nɔ nɛ nyɛ hla fitsofitso kaa nyɛ maa na nɔ kake ngmelu nɛ peeɔ nɔ́ nɛ da, nɔ nɛ bɔɔ mɔde kaa e maa ye Mawu anɔkuale lo? Ke nyɛ na nɔ kake ngmelu kaa ja a, lɛɛ Yawɛ maa ngɔ Yerusalem he yayami ɔmɛ kɛ pa lɛ.

Yeremia 2:30

I gbla nyɛ bimɛ ɔmɛ a tue, se lɛ tsuo pee yaka; nyɛ sume tsɔsemi. Nyɛ nitsɛmɛ hu nyɛ gbe ye gbali ɔmɛ kaa bɔ nɛ jata tsɔtslɔɔ lohwe ɔ.

La 50:17

O sume tsɔsemi, nɛ ye munyu hu o sake ngɔ fɔ o tue se.

Yeremia 6:17

Jehanɛ, to Yawɛ buli ngɛ ma a mi konɛ ma a nɛ bu titimati ɔ pɛmi tue. Se a de ke, “Wa be tue bue fɛɛ!”

Yeremia 11:10

Yayamihi nɛ a nɛmɛ ɔmɛ pee ɔ, a kpale ya pee jamɛ a yayami ɔmɛ. A nɛmɛ ɔmɛ kplɛɛ we kaa a maa bu mi tue, nɛ a ya ja mawu kpahi. Israel ma a, kɛ Yuda ma a tsuo yi somi nɛ i kɛ a nɛmɛ ɔmɛ so ɔ nɔ.

Yeremia 17:23

Nɔ́ nɛ i de mɛ ɔ, a bui tue fɛɛ; nɔ́ nɛ i ke a pee ɔ hu, a pee we. A wa tue, bɔ nɛ pee nɛ a ko nu nɔ́ nɛ i ngɛ mɛ dee ɔ, nɛ a ba kase ní.

La 12:2

Nɔ tsuaa nɔ ngɛ e nyɛmi lakpa yee. Nɔ tsuaa nɔ kɛ munyu ngɔngɔɛ ngɛ e nyɛmi sisie.

Yesaya 30:9

Ejakaa ma atuã tsɔli ji mɛ; lakpatsɛmɛ, kɛ nihi nɛ bui Yawɛ mlaa a ji mɛ.

Yeremia 6:28

Mɛ tsuo pɛpɛɛpɛ atuã tsɔli, kɛ yakayaka nimli ji mɛ; a tue wa kaa akɔblee kɛ dade. Daa nɛ ɔ, a ngɛ nihi a sisi nyɛɛe kɛ ngɛ bee.