Yeremia 7:23 - BAIBLO ALOO NGMAMI KLƆUKLƆU Ɔ

²³ Mlaa nɛ i wo mɛ ji a bu mi, konɛ ma pee a Mawu, nɛ a pee ye ma. I de mɛ ke mlaa nɛ i wo mɛ ɔ, a ye nɔ, konɛ e hi ha mɛ.

Yeremia 7:23 ပူးပေါင်းရင်းမြစ်များ

Hiob 36:11

Ke a bu Mawu tue nɛ a sɔmɔ lɛ ɔ, a ma na tue mi jɔmi, kɛ kplɔkɔtɔ.

La 119:3

nihi nɛ pee we nɔ́ nɛ dɛ, se mohu a baa a je mi kaa bɔ nɛ Yawɛ suɔ ɔ.

La 40:6

O hla we bɔ, nɛ o hla we nike ní hulɔ. O bi we ke a sã sami bɔ, loo yayami pami bɔ ha mo. Mohu ɔ, o bli ye tue, konɛ ma nu o gbi.

La 81:13

I na nɛ ye ma a bu mi tue; i na nɛ Israel bi ɔmɛ nyɛɛ ye se!

Mose II, 15:26

E de mɛ ke, “Ke nyɛ maa bu Yawɛ, nyɛ Mawu ɔ tue, nɛ nyɛ maa pee nɔ́ nɛ da ngɛ e hɛ mi, nɛ nyɛ maa ye e kita amɛ, kɛ e mlaa amɛ tsuo a nɔ ɔ, lɛɛ hiɔ ɔmɛ nɛ i kɛ gbla Egipt bi ɔmɛ a tue ɔ, ekoeko be nyɛ nɔ bae. Imi ji Yawɛ; imi ji nyɛ tsalɔ.”

Mose II, 16:32

Mose de ke, “Bɔ nɛ Yawɛ fa ji nɛ ɔ nɛ: ‘A susu mana lita enyɔ hiɛmi nya ngɔ to si ha nyɛ nina, konɛ a ba na niye ní nɛ i kɛ lɛ nyɛ ngɛ nga a nɔ benɛ i je nyɛ kɛ je Egipt zugba a nɔ ɔ.’ ”

Yesaya 3:10

Nihi nɛ peeɔ nɔ́ nɛ da a, a bua maa jɔ, nɛ a nɔ́ tsuaa nɔ́ maa ya nɔ saminya. A maa ye a dengme gbomi mi ngɔɔmi.

Yeremia 11:4

Benɛ i jé a nɛmɛ ɔmɛ kɛ je Egipt ɔ, somi nɛ i kɛ mɛ so ji nɛ ɔ nɛ. Egipt zugba a ngɛ kaa flɔɔnɔɔ kɛ e mi la nɛ ngɛ tsoe gegeege. I wo mɛ mlaa ke a bu mi tue, nɛ nɔ́ tsuaa nɔ́ nɛ i de mɛ ke a pee ɔ, a pee. I de mɛ ke, ke a bu mi tue ɔ, a maa pee ye ma, nɛ imi hu ma pee a Mawu.

Yeremia 11:7

Benɛ i je a nɛmɛ ɔmɛ kɛ je Egipt zugba a nɔ ɔ, i ka a hɛ mi saminya nɛ i de mɛ ke a bu mi tue. Kikɛ nɛ ɔ nɔuu i ngɛ ma a hɛ mi kae kɛ ba si mwɔnɛ ɔ.

Yeremia 13:11

Kaa bɔ nɛ bɔjuɛ mɛtɛɛ nɔ mlɛ mi kpɛii ɔ, ja i to nɛ Israel ma a, kɛ Yuda ma a tsuo nɛ a mɛtɛ ye he. I pee nɔ́ nɛ ɔ, konɛ a pee ye ma, nɛ a na biɛ, hɛ mi nyami, kɛ yi jemi kɛ ha mi. Se a bui mi fɛɛ.”

Yeremia 22:21

Benɛ nyɛ ná nyɛ he ɔ, Yawɛ kɛ nyɛ tu munyu, se nyɛ kua lɛ tue bumi. Kɛ je nyɛ nihe mi ɔ, nɔ́ nɛ nyɛ peeɔ ji kaa nyɛ bui Yawɛ tue.

Yeremia 22:3

‘Imi Yawɛ, i wo nyɛ mlaa ke nyɛɛ ye dami sane, nɛ nyɛɛ pee nɔ́ nɛ da. Nyɛ je nɔ nɛ a ngɛ lɛ amimi yee ɔ kɛ je amimi yelɔ ɔ dɛ mi. Nyɛ ko wa nibwɔhi, awusahi, kɛ yalɔyihi yi mi; nɛ nyɛ ko pue nɔ nɛ pee we nɔ́ ko ɔ muɔ si ngɛ he klɔuklɔu nɛ ɔ.

Yeremia 24:7

Ma ha nɛ a maa nu he ngɛ a tsui mi tɔɔ kaa imi ji Yawɛ. A maa pee ye ma, nɛ imi hu ma pee a Mawu; ejakaa a maa kpale kɛ ba ye ngɔ ekohu kɛ a tsui tsuo.

Yeremia 31:33

Se somi he ɔ nɛ i kɛ Israel ma a maa so jehanɛ ɔ, bɔ nɛ lɛɛ e maa hi ji nɛ ɔ nɛ; ma ngɔ ye mlaa kɛ wo a mi, nɛ ma ngma ngɛ a tsui nɔ. Ma pee a Mawu, nɛ a maa pee ye ma.

Yeremia 32:23

Se benɛ a ba su zugba a nɔ nɛ a ngɔ kɛ pee a weto ní ɔ, a bui mo tue; o mlaa amɛ hu a yi nɔ fɛɛ. Níhi nɛ o fa mɛ ke a pee ɔ, a pee we ekoeko fɛɛ. Enɛ ɔ he je nɛ o kɛ haomi nɛ ɔmɛ tsuo ba a nɔ ɔ nɛ.

Yeremia 38:20

I de lɛ ke, “Dɛbi, a be mo ngɔe kɛ wo a dɛ. I kpa mo pɛɛ nɛ o bu Yawɛ sɛ gbi nɛ i kɛ ha mo nɛ ɔ tue. Ke o pee ja a, e maa hi ha mo, nɛ o yi ma na wami.

Yeremia 42:6

Wa suɔ jio, wa sume jio, wa maa bu Yawɛ, wa Mawu ɔ nɛ wa tsɔ mo e ngɔ ɔ tue, bɔ nɛ pee nɛ e hi ha wɔ. Yawɛ, wa Mawu ɔ, wa maa bu lɛ tue.”

Zefania 3:2

Yerusalem bui Yawɛ tue; e kplɛɛ we nɛ a kaa e hɛ mi. E ngɔɛ e hɛ kɛ fɔɛ Yawɛ nɔ, nɛ e hla we e Mawu ɔ se blɔ.

Zakaria 6:15

Nihi nɛ ngɛ se lokoo maa ba nɛ a ba piɛ nyɛ he kɛ ma Yawɛ we ɔ. Kɛkɛ ɔ, nyɛ maa le kaa Yawɛ Tabohiatsɛ ɔ nitsɛ nɛ tsɔ mi nyɛ ngɔ. Ke nyɛ maa bu Yawɛ, nyɛ Mawu ɔ tue anɔkuale mi ɔ, lɛɛ ní nɛ ɔmɛ tsuo maa ba mi.

Zakaria 7:7

Munyu nɛ ɔmɛ nɔuu ji sɛ gbi nɛ Yawɛ ha kɛ gu gbali nɛ sɛ hlami ɔ a nɔ. Jamɛ a be ɔ, Yerusalem na ní kpɔtɔɔ. Jamɛ a be ɔ, nihi babauu ngɛ Yerusalem ma a mi; nɛ kɔpe ɔmɛ nɛ bɔle ma a, kɛ zugba a nɛ ngɛ leneyi je, kɛ yo ɔmɛ a kuɔ si ɔ tsuo hyi tɔ kɛ nimli.

Romabi 16:26

Se amlɔ nɛ ɔ lɛɛ níhi nɛ gbali ɔmɛ ngma a ha nihi babauu ba na anɔkuale ɔ paa kaa bɔ nɛ neneene Mawu ɔ nitsɛ to nɛ a fiɛ ha je mahi tsuo, konɛ a he Mawu ye, nɛ a bu lɛ tue ɔ.

2 Korintobi 10:5

nɛ wa teɔ si woɔ ní yayamihi nɛ he nɔ woli deɔ kɛ siɔ bɔ nɛ Mawu ngɛ anɔkuale mi ɔ. Wa tsakeɔ adesa juɛmi, konɛ e susumi nɛ pee kaa bɔ nɛ Kristo ngɛ hlae ɔ.

Mose V, 11:27

E maa pee gbaami ha nyɛ, ke nyɛ ye Yawɛ, nyɛ Mawu ɔ mlaa amɛ nɛ i ngɛ nyɛ woe mwɔnɛ ɔ a nɔ;

Mose V, 13:4

Nyɛɛ nyɛɛ Yawɛ, nyɛ Mawu ɔ se, nɛ nyɛɛ ye lɛ pɛ gbeye; nyɛɛ bu lɛ tue, nɛ nyɛɛ ye e mlaa amɛ a nɔ; nyɛ ja lɛ, nɛ nyɛɛ ye lɛ anɔkuale.

Mose V, 13:5

Se gbalɔ, loo nlami sisi tsɔɔlɔ ko nɛ maa wo nyɛ yi mi ke nyɛɛ te si kɛ si Yawɛ, nyɛ Mawu ɔ nɛ je nyɛ kɛ je Egipt zugba a nɔ, he nɛ nyɛ ye nyɔguɛ ngɛ ɔ, nyɛɛ gbe lɛ. Kikɛmɛ a nɔmlɔ ɔ, e ji nɔmlɔ yayami nɛ ngɛ nyɛ kae kaa e maa mlɔɔ nyɛ kɛ je si himi kpakpa nɛ Yawɛ fa nyɛ ke nyɛɛ hi ɔ he. Nyɛɛ gbe lɛ, konɛ nɔ́ yayami nɛ ɔ ko hi nyɛ kpɛti hu.

Mose V, 30:2

Ke nyɛɛ kɛ nyɛ nina maa kpale kɛ ba Yawɛ ngɔ, nɛ nyɛ maa je nyɛ tsui mi tsuo kɛ bu e gbi tue, nɛ nyɛ maa ye e mlaa amɛ tsuo nɛ i ngɛ nyɛ woe mwɔnɛ ɔ a nɔ ɔ,

Mose V, 30:20

Nyɛɛ suɔ Yawɛ, nyɛ Mawu ɔ; nyɛɛ bu lɛ tue, nɛ nyɛ pee e suɔmi nya ní pɛpɛɛpɛ. Ke nyɛ pee ja a, zugba a nɛ e wo nyɛ nɛmɛ Abraham, Isak, kɛ Yakob si ke e kɛ ma ha mɛ ɔ, nyɛɛ kɛ nyɛ nina maa hi nɔ.”

Mose V, 30:8

Nyɛ maa bu Yawɛ tue ekohu, nɛ nyɛ maa ye e mlaa amɛ tsuo nɛ i ngɛ nyɛ woe mwɔnɛ ɔ a nɔ.

Mose V, 4:10

kaa ligbi ɔ nɛ nyɛ da si ngɛ Sinai yo ɔ he ngɛ Yawɛ, nyɛ Mawu ɔ hɛ mi ɔ, Yawɛ de mi ke, ‘Bua ma a nya. Ha nɛ a bu nɔ́ nɛ ma de mɛ ɔ tue, konɛ a ye mi gbeye a wami be tsuo; nɛ a tsɔɔ a bimɛ, nɛ mɛ hu a ye mi gbeye.’

Mose V, 4:40

Nyɛɛ ye e mlaa amɛ tsuo nɛ i ngɛ nyɛ woe mwɔnɛ ɔ a nɔ, konɛ e hi ha nyɛɛ kɛ nyɛ nina. Ke nyɛ ye a nɔ ɔ, nyɛ maa hi zugba nɛ Yawɛ, nyɛ Mawu ɔ kɛ ngɛ nyɛ hae ɔ nɔ daa.”

Mose V, 5:16

“ ‘Moo bu o tsɛ kɛ o nyɛ, kaa bɔ nɛ imi Yawɛ, o Mawu ɔ fa mo ɔ, konɛ e hi ha mo, nɛ o se nɛ kɛ ngɛ zugba nɛ Yawɛ, o Mawu ɔ ngɛ mo hae ɔ nɔ.

Mose V, 5:29

I ná nɛ ma a na juɛmi daa kikɛ nɛ ɔ, nɛ a wo ye hɛ mi nyami be tsuaa be, nɛ a ye ye mlaa amɛ tsuo a nɔ, konɛ nɔ́ tsuaa nɔ́ nɛ hi ha mɛ kɛ a nina kɛ ya neneene!’

Mose V, 5:33

Nyɛɛ ye nɔ́ nɛ Yawɛ fa nyɛ ɔ tsuo nɔ pɛpɛɛpɛ, konɛ nyɛɛ hi je mi, nɛ níhi a mi nɛ hi ha nyɛ; lɔ ɔ loko nyɛ se maa kɛ ngɛ zugba a nɛ nyɛ yaa ngɔ ɔ nɔ.

Mose V, 6:3

Israel ma, nyɛɛ bu tue, nɛ nyɛɛ ye mlaa amɛ a nɔ. Lɔ ɔ loko níhi a mi maa hi ha nyɛ, nɛ nyɛ maa pee ma ngua, nɛ nyɛ maa hi zugba kpakpa nɛ baa ní ɔ nɔ, kaa bɔ nɛ Yawɛ, wa nɛmɛ a Mawu ɔ wo si ɔ.

Hebribi 5:9

Benɛ Mawu ha nɛ e hi kɛ pi si ɔ, e ba pee nɔ nɛ haa nihi nɛ buɔ lɛ tue ɔ naa neneene yi wami hemi.

Samuel I, 15:22

Samuel bi ke, “Anɛ Yawɛ nyaa sami bɔ, kɛ bɔ kpahi a he pe e munyu ɔ tue bumi lo? O nɛ, tue bumi hi pe bɔ sami, nɛ munyu ngɔmi hi pe jijɔhi a zɔ.